انا هاجيب واحدة مستعملة بازن اللة فكنت عايز اعرف اخبار الثبات اية لاني بسافر كتير و استهلاك البنزين برضة اية اخبارة
و ياريت ماتبخلوش عليا باي معلومة:)
عرض للطباعة
انا هاجيب واحدة مستعملة بازن اللة فكنت عايز اعرف اخبار الثبات اية لاني بسافر كتير و استهلاك البنزين برضة اية اخبارة
و ياريت ماتبخلوش عليا باي معلومة:)
العربية ممتازة و ثابتة انا كنت باجيب بيها ساعات 150 و كان المساعدين تعبانين و علبة الدركسيون مبوشة و لا كنت باحس بحاجة بس لما هاتجيبها لازم تفحصها كويس قوى فى الغالب كل اللى بيبعها بيكون خلص على العفشة بتاعتها لانها ما بتشتكيش خالص فلو العفشة تعبانة هاتصرف عشان ترجعها زى الاول و الموتور ممتاز كربراتير او حقن هادى و ما تسمعلوش صوت فتيس ناعم بس هيا واطية شوية و تحس انك قريب من الارض حبة بس الانسر الكرستالة اوطى منها حمل فيها زى ما انت عايز الشنطة واسعة و الصالون واسع بنزين استهلاكة ممتاز لو المكنة مظبوطة لو هاتجيب هات واحدة فيها كل حاجة على قد ما تقدر ديه فيها موديلات كانت نازلة بمرايات ضم هتلاقى فيها (باور-تكييف-ازاز كهربا-سنتر-مرايات كهربا) و كله فابريكة و ربنا يوفقك فى البحث بس زى ما قلتلك افحصها جامد العربيات ديه حمالة اسية و ما تصدقش العربية اللى عدادها قليل لازم هاتلاقيها عادة كيلومترات محترمة
و ديه لستة كدة بالمتوفر منها:
هاتلاقى منها الصالون يابانى و امريكانى الامريكانى اكصداماته طويلة من قدام و من ورا و بلون العربية لان فيها حماية زيادة عن اليابانى و كراسيه مختلفة و طبعا الاوبشن اكتر و فى الغالب بتخش مصر عن طريق عربيات المعوقين و اصحابها بيفرجوا عنها بعدين اليابانى هاتلاقى فيه الكصدامت ساعات بلون العربية و ساعات سودا هيا و المرايات و ممكن تلاقى سبويلر و فتحة سقف و فيه منها بايرباج و طبعا فتح التنك و الشنطة من جوا العربية و فيه دركسيون متحرك
و دلايات قدام وورا للاكصدام عشان الطينة و كمان احزمة امان ورا و مخادع للكنب و كونصول فى النصف
فيه منها ستيشن يابانى و هاتش باك بابين و اربعة اوروبى و يابانى و فاستباك ديه اوروبى و موديل كوبيه غريب شوية يابانى نادر
الفتيس 5 نقلات مانيوال و اتوماتك
الموتور اشهر مكنتين 1300 كربراتير و 1600 حقن و فيه 1800 بس ديه فى الغالب متسقطة على العربية
فيه منها قدام فيها عامود اتزان فى العفشة و فيه ما فيش بتبقا اللى قيها العامود ده اسمها عفشة طرق شاقة بس بتركبه عادى لو ما فيهاش
طبعا تصفيح بالكامل حديد على الموتور و الفتيس قطعة يمين و قطعة شمال
فى الغالب البارومة بتبقا فيها عند الرفرفين اللى ورا مطرح ما العجل بينتر الطين و حلها سهل و العربية بتبقا واخدة طبقة حماية محترمة من البارومة فى حتت كتير العربية اللى هاتلاقى فيها اهمال فى الموضوع ده هاتدل على انها متهانة جامد
الرفارف قدام ضعيفة شوية زى كل اليابانى بس الاكصدامات محترمة و بتعور كويس عن تجربة الابواب و الكبوت و الشنطة و الرفارف اللى ورا محملين كويس لا تلاقى عضعضة و لا تطبيق
ده اللى فاكرة و كل ما هاتيجى على بالى حاجة هازودها و اى حاجة فى العربية ديه انا فى الخدمة انا باحضر فيها رسالة دكتوراة و باجمع كل اللى الاقيه عنها فى النت فان شاء الله المعلومات موجودة و احب اشارك اى حد باى جديد فى الملكة
العربية دي عندي في عمان 1600 انجكشن خليجي هتش باك موديل 93 الملكة ,,
ممتازة وحمارة شغل ومافيش حرارة نهائي حتى مع التكييف وفي عز الظهر ,, سحب ممتاز سرعة عالية استهلاك بنزين متوسط
ياريت الاقي زيها في مصر
انا عايز الاقي واحدة فيها باور و تكيف و ازاز كهربا و رضا اوي علي كدة
ان شاء الله ربنا يوفقك وتابع الوسيط واهرام الجمعة والنت
التكييف اساسى هتلاقى الكل فيه تكييف بس تكييفها بدون فلتر الدركسيون بتاعها سواء باور او عادة ناعم جدا و فى الركنة مش هاتكرهه قوى انا باركن بايد واحدة الازاز الكهربا ده هاتلاقيه فى الموديلات العالية اللى فى الغالب اكصداماتها و مراياتها بلون العربية و دركسيونها 3 ريشة و بتكون وحدة فى الباب بتاع السواق مش فى الكونسول اللى فى النص عشان فيه ناس كانت مركباه فى النص و تقول بتاع الفابريكة ربنا يسامحهم بقا
اللى اعرفه ان العربيتين ميكانيكيا و عفشة طبق الاصل تماما و لحد الرموش كمان بس اللى اتقالى و انا باشترى ان الشنطة و الصالون فى العيون اوحش و اضيق مع اننى ركبت العربيتين ما حستش بفرق بس فعلا الطابلوة بتاع العيون غريب شوية و شكلها من برة مش حلو و دايما تلاقى الكشافين مش مظبوطين فى مكانهم و الجلد بتاعهم طالع لكن الرموش اللى بعديها كانت حلوة شكلا و على العموم هيا اذواق حتى العيون ما عمرتش تويوتا نزلتها بتاع 3 سنين و قلبت على الجيل اللى بعدها على طول و فى مصر العربية لما بتاخد سمعة سواء كويسة او وحشة بيبقا خلاص اتعلم عليها