ما الفرق بين لانوس 1 الكورى و المصرى ؟

ما الفرق بين لانوس 1 الكورى و المصرى ؟
وهل هناك أصلا لانوس 1 مصرى ؟ علشان انا شفت سيارات لانوس 1 فيها لمبة اشارة على الرفرف واخرى بدون اشارة على الرفرف فما الفرق ؟
سؤال اخير : ما آخر موديل فى لانوس 1 ؟ شكرا وآسف للاطالة

انا معاي لانوس 1 مصري موديل 2000وده اخر موديل في 1 في منه كوري ومصري بس معرفش ايه الفرق

إيه يا جماعة محدش جاوب على الاسئلة هى صعبة ولا إيه ؟.
فين الخبراء و المهندس ممدوح ؟؟؟

على ما اظن ألى بيأكد الفرق بين المصرى والكورى
فى التابلوة مكتوب
لمبة الشك فى المصرى
و السرفس فى الكورى

اللانوس الكوري مو 98-99بها :
زجاج خلفى به سخان كهرباء-2مرايات كهرباء-جنوط 14بوصة و كاوتش 185-4زجاج كهرباء مختوم على الزجاج شعار Daewoo Ok وليس شعار Greiche أوAman-وجود فتيس اوتوماتيك فى لانوس 1 سيدان-وجود فانوس شابورة كبير اسفل الإكصدام الأمامي
تارة الدركسيون كبيرة فى النص مثل دركسيون نوبيرا 1-وجود باورستيرينج شئ اساسي
وجود جهاز ABS على الفرامل-وجود AirBag في تارة الدركسيون
وجود ساعة رقمية تحمل داخلها لمبة بيان حمراء لجهاز الانزار-نزولها بمحرك سعة 1600 سي سيE-tec يشبه محرك النوبيرا بنسبة 90%
يختلف عنه في شكل علبة فلتر الهواء و عامود ارتكاز المحرك الأمامي المثبت في مقدمة السيارة من تحت"نوبيرا"-كباس التكييف يختلف عن الذي في النوبيرا-وطلمبة زيت الباور فى النوبيرا تختلف عن تلك في اللانوس1-قاعدة الموتور اليسرى المجاورة لعلبة فلتر الهواء تختلف فى حجمها ونقطة تثبيتها ولكنها نفس الشكل.

اقتباس:

---

المشاركة الأصلية كتبت بواسطة shaker_alz

على ما اظن ألى بيأكد الفرق بين المصرى والكورى
فى التابلوة مكتوب
لمبة الشك فى المصرى
و السرفس فى الكورى

---

انا اسف لان وجهة نظرك خاطئة بدليل انى جايب عربيتى اللانوس من بورسعيد نظام معاقين ومعروف ان العربيات دى استيراد كورى ولمبة التبلوه بتنورعندى فى عربيتى تشيك مش سيرفس

انا عندي لانوس 1كوري 99.....وانا بشريها كانت في واحدة 2005 وقاعدت اقارن بين الاتنين وعلى اساس المقارنة اشتريت 99 علشان لقيت الفروق التاية:
1/فرش الكراسي القطيفة بتاعتة انضف من المصري بمراحل
2/صوت قفل البواب بتاع الكوري حلو وتحس انها عربية جامدة
3/صاج الكودري اتقل ودة لاحظة من الابواب في الكوري تقيلة اوي
واكبر دليل على كدة عملت حادثة مع لانوس 2008 لخلنا وش في وش ...نزلت لقيت الراجل وشة طار وانا عندي الاكصدان اتفك بس
4/الفتيس /الفتيس مختلف عن المصري ...ودا عرفتة لما كنت بغير طقم دبرياج لقيت اسطوانة لدبراج صغيرة عمالة زي بتاعت 128 ودوخت لما لقيت الاسطوانة

5/غطا التاكيهات في الكوري مكتوب دايو وعلامة الداية ....في امصري مكتوب e_tec

6/قزاز العربية فية عازل حرارة وبيبقى لونة غامق شوية ....ودا ميزة كبيرة

7/العيب فيها انها واطية شوية وعفشتها طرية جدا ....مش معمولة لطرق المصرية ....بس علشان عفشتها طرية بتكون مريحة في السفر جدا

8/الدهان الخارجي ...لاقيتها الكوحلي ميتالك ....غير اللون الكحلي بتاع الدايو المصري ...ودي الحاجة الي خلتني اتمسكت بالعربية دي

9/ خامات الطابلوة ...انضف بكتير من طابلوة المصري

وحاجات تانية كتيرة ...بس متهايئلي لو فضلو ينزلو الانوس زي الانوس الكوري بتاعت بلادها ....العربية دي كانت اكتسحت السوق ...لكن للاسف ابو الفتوح والمنصور شوهو العربية

اقتباس:

---

المشاركة الأصلية كتبت بواسطة sameh127

اللانوس الكوري مو 98-99بها :
زجاج خلفى به سخان كهرباء-2مرايات كهرباء-جنوط 14بوصة و كاوتش 185-4زجاج كهرباء مختوم على الزجاج شعار daewoo ok وليس شعار greiche أوaman-وجود فتيس اوتوماتيك فى لانوس 1 سيدان-وجود فانوس شابورة كبير اسفل الإكصدام الأمامي
تارة الدركسيون كبيرة فى النص مثل دركسيون نوبيرا 1-وجود باورستيرينج شئ اساسي
وجود جهاز abs على الفرامل-وجود airbag في تارة الدركسيون
وجود ساعة رقمية تحمل داخلها لمبة بيان حمراء لجهاز الانزار-نزولها بمحرك سعة 1600 سي سيe-tec يشبه محرك النوبيرا بنسبة 90%
يختلف عنه في شكل علبة فلتر الهواء و عامود ارتكاز المحرك الأمامي المثبت في مقدمة السيارة من تحت"نوبيرا"-كباس التكييف يختلف عن الذي في النوبيرا-وطلمبة زيت الباور فى النوبيرا تختلف عن تلك في اللانوس1-قاعدة الموتور اليسرى المجاورة لعلبة فلتر الهواء تختلف فى حجمها ونقطة تثبيتها ولكنها نفس الشكل.

---

لكن انا معى سيارة لانوس 1 كورى من بورسعيد معاقين وبهامرآة يمين كهرباء فقط -جنوط 13 -2 زجاج كهرباء -دريكسيون مش كبير -1500سى سى-باور -تكييف-بدون لمبة اشارة على الرفارف

اقتباس:

---

المشاركة الأصلية كتبت بواسطة negmeddin112

لكن انا معى سيارة لانوس 1 كورى من بورسعيد معاقين وبهامرآة يمين كهرباء فقط -جنوط 13 -2 زجاج كهرباء -دريكسيون مش كبير -1500سى سى-باور -تكييف-بدون لمبة اشارة على الرفارف

---

وانا برده جايب عربيتى من بورسعيد معاقين وفيها نفس الكلام

اقتباس:

---

المشاركة الأصلية كتبت بواسطة negmeddin112

ما الفرق بين لانوس 1 الكورى و المصرى ؟

---

فروق كتير... منها الquality بتاعت الخامات و ساعات كتير حتلاقى الكورى فيها كماليات و امكانيات اعلى زى المكنة ال 1600 و الفرامل ال 256 مللى و الABS و air bag ... و ممكن تلاقى العربية بمكنة 1350 سى سى

اقتباس:

---

وهل هناك أصلا لانوس 1 مصرى ؟

---

yes... كل اللانوس 1 مصرى الا اذا كانت جاية استيراد من برة مصر

اقتباس:

---

علشان انا شفت سيارات لانوس 1 فيها لمبة اشارة على الرفرف واخرى بدون اشارة على الرفرف فما الفرق ؟

---

اللانوس المصرى نازلة بفانوس اشارة على الرفرف... اعتقد فى امريكا نازلة من غير الفانوس دة... ممكن اوى تكون العربية مغيرة رفرف و الرفرف دة استيراد من غير اشارة او تكون العربية كلها على بعضها وارد الخارج

اقتباس:

---

سؤال اخير : ما آخر موديل فى لانوس 1 ؟ شكرا وآسف للاطالة

---

2000

MMamdouh

اقتباس:

---

المشاركة الأصلية كتبت بواسطة shaker_alz

على ما اظن ألى بيأكد الفرق بين المصرى والكورى
فى التابلوة مكتوب
لمبة الشك فى المصرى
و السرفس فى الكورى

---

مش شرط

MMamdouh

اقتباس:

---

المشاركة الأصلية كتبت بواسطة sameh127

اللانوس الكوري مو 98-99بها :
زجاج خلفى به سخان كهرباء-2مرايات كهرباء-جنوط 14بوصة و كاوتش 185-4زجاج كهرباء مختوم على الزجاج شعار Daewoo Ok وليس شعار Greiche أوAman-وجود فتيس اوتوماتيك فى لانوس 1 سيدان-وجود فانوس شابورة كبير اسفل الإكصدام الأمامي
تارة الدركسيون كبيرة فى النص مثل دركسيون نوبيرا 1-وجود باورستيرينج شئ اساسي
وجود جهاز ABS على الفرامل-وجود AirBag في تارة الدركسيون
وجود ساعة رقمية تحمل داخلها لمبة بيان حمراء لجهاز الانزار-نزولها بمحرك سعة 1600 سي سيE-tec يشبه محرك النوبيرا بنسبة 90%
يختلف عنه في شكل علبة فلتر الهواء و عامود ارتكاز المحرك الأمامي المثبت في مقدمة السيارة من تحت"نوبيرا"-كباس التكييف يختلف عن الذي في النوبيرا-وطلمبة زيت الباور فى النوبيرا تختلف عن تلك في اللانوس1-قاعدة الموتور اليسرى المجاورة لعلبة فلتر الهواء تختلف فى حجمها ونقطة تثبيتها ولكنها نفس الشكل.

---

مش شرط العربية الكورى يبقى فيها كل الكلام دة... ايهاب عربيتة كورى و مفيهاش اى حاجة من الكلام دة و كانت بمكنة 1350 سى سى

MMamdouh

شكرا يا ممدوح باشا على التوضيح و الاهتمام ويارب تفيدنا دائما بمعلوماتك الحلوة دى
وألف مبروك كمان مرة على التكريم

ربنا يخلليك

MMamdouh