سؤال محيرنى ... ليه النوبيرا واللانوس سعرهم واحد أو قريب جدا فى المستعمل ... مع الفرق الملحوظ فى الحجم والموتور والاداء والاوبشنز لصالح النوبيرا طبعا؟؟؟ حتى فى قطع الغيار النوبيرا مش اغلى من اللانوس كتير ! :majd(4):
عرض للطباعة
سؤال محيرنى ... ليه النوبيرا واللانوس سعرهم واحد أو قريب جدا فى المستعمل ... مع الفرق الملحوظ فى الحجم والموتور والاداء والاوبشنز لصالح النوبيرا طبعا؟؟؟ حتى فى قطع الغيار النوبيرا مش اغلى من اللانوس كتير ! :majd(4):
احدى عجائب السوق المصري
للاسف انا سمعت من بعض ناس وتجار بيسموا النوبيرا (العربيه العجوزه) وبيقولو ان بيعها تقيل شويه , مع اني شخصيا بحب النوبيرا لانها عربيه فخمه
بس يمكن ده يكون سبب من الأسباب
بالعكساقتباس:
بس يمكن ده يكون سبب من الأسباب
تقدر تقول النوبيرا
مرسيدس الدايو
وااللى بيحصل فى السوق المصرى ده
ملوش تفسير غير كده
اقتباس:
احدى عجائب السوق المصري
انا شايف ان النوبيرا اغلي شويه من اللانوس و اتقل منها في البيع
ممكن علشان النوبيرا بتاكل كاوتش مقصات
و كمان النوبيرا تقيله علي عفشتها
انا بصراحة بستتأل دمها اوى........:36_9_4:
فعلا
صدق المثل القائل
لولا أختلاف الأزواق لبارت السلع
فمثلا من ضمن الأغذيه التى تحافظ على ضغط الدم فى معدل معقول
البصل والتفاح
فيه اللى يحب البصل ....وفيه اللى يحب التفاح
عن نفسى بأحب التفاح الأمريكانى
:ask:
ليك حق تستعجب فعلا
بس سلو بلدنا كده
:b4_592::b4_592:
انا شخصيا لو معييش نوبيرا لكنت اشتريت نوبيرا
بس بالنسبة لللانوسمطلوبة شبابى زيها زى الفيرنا
و النوبيرا سيارة عائلية مش شبابية
هى النوبيرا افخم كتير بس المشكله انها اتقل فى البيع شويه علشان كده تمنها بيقل عن اللانوس فى البيع و الشراء
استهلاك البنزين- اعلى فى النوبيرا وسحبها اتقل شويه من الانوس
يمكن ده يكون السبب- الكبار بيدوروا على التوفير والصغار عايزين صواريخ
موضوع مشكلة المقص دي
مش كل الناس تعرف حلها
و مع الفت المصري بتبقى النوبيرا فيهاااااااااا مشكلة عفشة بحالها
بصراحة الردود كلها مفهاش حاجة تفسر عدم وجود فرق فى السعر بين العربيتين ، أزا كانت النوبيرا فيها عيب المقصات ( اللى يمكن حله بتغيير المقص ) فاللانوس فيها عيب ضعف الفرامل ( اللى لا يمكن حله ) .... الموضوع مش أكتر من أنه سوق ، والعرض والطلب هوة سبب أنخفاض سعر النوبيرا ووصوله لسعر اللانوس:b4_592:
عرض وطلب
بس هو سعر النوبيرا لو بقي أغلى من اللانوس شوية في المستعمل محدش هيشتريها علشان في عربيات أفضل منها في المستعمل وبنفس السعر
فتمنها بيقل ، أنا كنت بأكره النوبيرا علشان معظم أصحابها سيئين جدااا لكن حبيتها لما عرفت أ/ سمير
وعلى الرغم من إن اللانوس مازالت بتطير في الهواء مني لكني باحبها علشان خاطر أ/ محمد ممدوح
ده أنا النهاردة أعصابي اتحرقت ساعتين كاملين بسبب الهواء
الله يخليك يا أخى / أبراهيم الطائر ......على رأى عادل أماماقتباس:
أنا كنت بأكره النوبيرا علشان معظم أصحابها سيئين جدااا لكن حبيتها لما عرفت أ/ سمير
وصدقنى وبكل أخلاص
أنا لست ممن يدافعون عن شىء .....لأنهم يمتلكونه
وفعلا ....لو كنت أحسست فى النوبيرا
أنها سياره ...ليست أهلا للأقتناء
لكنت فورتها على الفور ومن زمان
ولكن الحق يقال
فأنها سياره تستحق الأقتناء
وأذا كان يقال هناك مشكله فى المقصات
فان هذه المشكله لم تواجهنى حتى الآن ..........!!!!!!!!!!!!!!
ولو أردنا أن نختار سياره عائليه فى نطاق فئه سعريه ورفاهيه معقوله
فستجد النوبيرا فى المقام الأول
أما ماتلاحظه فى السوق المصرى من مهاترات
فما هو الا أنعكاس حقيقى ....لتخلف بعض العقليات
التى لاتعرف ....يعنى أيه سياره نوبيرا ....!!!!!!!!!!!
ولا تستغرب لو قلت لك
أن السياره معى من حالة الزيرو وموديل 2007
وكنت شاريها ب78 ألف ( من المعرض )
ولو فرض ......وعرض على حاليا 75 ألف ( كمقابل للسياره )
فلن أوافق على بيعها ................
لأننى عرفت قيمة الشىء ....ولست ممن يتدالون الأشياء ( وخصوصا السيارات ) كما يتدالون الملابس
وأنا فعلا أعتبر السياره مثل الزوجه تماما ......
فأن كانت الزوجه أصيله ..........وجب على الزوج الحفاظ عليها (مدى الحياه )
وأن قلت الزوجه بأصلها .......يبقى على بيت أبوها
والمعنى فى بطن الشاعر وواضح من فحوى الكلام ...........
مش كده ولا أيه ....................!!!!!!!!!!!!!!!!!
كلام جميل يا أستاز سمير عن النوبيرا ... على فكرة أنا مقتنع بيها جدا كسيارة عائلية وبدور دلوقتى على حالة كويسة ... وأن كانت الحاجة الوحيدة اللى مضيقانى فيها صاجها الخفيف جدا ... نادر لما تلاقى عربية نوبيرا بدون أعوجاجات فى الصاج :H_angry[1]:
كل العربيات الحديثه صاجها خفيف فعلا
والنوبيرا مقارنة بأنواع كتير صاجها أفضل كتير
فمثلا
قارن بين صاج الدايو وصاج الهيونداى ( فيرنا مثلا )
عموما العربيه لو صاجها حديد وأتلمست وأنت ماشى
باظ المنظر الجمالى لهيكل السياره الخارجى
فأهم شىء فعلا
هو حماية أبعاد سيارتك جيدأ أثناء القياده
وبالذات داخل المدن
للحد بقدر الأمكان من الأحتكاكات وخلافه
العربيه ديه انا بحترمها
وبحس ان الكلام عن انها تقيله فى البيع
مش دقيق . انا تقريبا بدور على نوبيرا من شهرين
ولاحظت ان المعروض منها قليل
برضه ده تخلف مصرى للأسف ( ماهو باللون الأزرق )اقتباس:
أنا قصدى عن الاعوجاجات اللى ميكونش سببها الخبطة .... أغلب النوبيرا بيبقى صاجه مش مستوى (فيه عفصات كدة ) مثلا لو حد قعد عالكبوت او سند عالرفرف تلاقى مكانه علم فى الصاج !
وهو القعدان على الكبوت ...أو السندان على الرفارف
دى كلها تصميمات ( العربيات الحديثه )
بيراعى فيها خفية وزن الصاج
وكل ماكان الصاج خفيف ....والمكنه السعه اللتريه بتاعتها معقوله
كل ماكان ده أفضل للزبون ( المستهلك يعنى )
وبصوره عامة
العربيات الحديثه تقدر تقول مكتوب عليها
ممنوع الأقتراب أو التصوير .......
عامله كده زى حتة البغاشه أو المارون جلاسيه
عاوزه اللى يحافظ عليها من الأيدى الخفيه وأخطاء الآخرين بقدر الأمكان
أما لو حصل لها حاجه ( بعد الأخذ بكل الأسباب )
يبقى ده قدر ونصيب ..........
+1 يا باشمهندس
انا كمان مقتنع ان العربية للأسف مش واخدة حقها خالص في السوق و مش عارف السبب , اما عن نقطة المقصات فانا كنت باقول اللي باسمعه و اللي اظن انه السبب لكن لو عليا انا فانا كنت هاشتري نوبيرا و لما اشتريت لانوس اشتريتها بدل ما اشتري نوبيرا لأسباب مادية بحتة
مشكلة الفرامل في اللانوس ممكن حلها برده و ناس حلتها هنا بس حلها اصعب و مكلف اكتر بكتير من حل مشكلة مقصات النوبيرااقتباس:
المشاركة الأصلية كتبت بواسطة elshreef_hemo
أنا معايا نوبيرا 2006 وبصراحة عربية محترمة جداً وكمان عائلية
يا جماعة اسمحوا لى اقولكم بعد ما ركبت اللانوس والنوبيرا ( اللانوس من 2001 الى 2004 زيرو وكنت جايبها ب 43000 جنيه والنوبيرا من 2005 الى اخر 2008 زيرو وكنت جايبها ب 72500 )فرق السما والارض لصالح النوبيرا تماما اما بالنسبة لفرق السعر البسيط ما بينهم فده يرجع الى ان اللى راكب لانزس عايز يمسك منها فلوس ويخسرش كتير
............................*
محمود عينو
انا يا اخواني لسه شاري لانوس شيفورليه 2010 وكنت قبل ذلك ناوي اشتري نوبيرا مستعملة علشان فعلاً العربية دي محترمة جدا وواسعة وتعطيك إحساس بالأمان وانت راكبها (فعلاً صدق من سماها مرسيدس الدايو) لكن للأسف ما وقعتش عربية مستعملة في طريقي حالتها كويسة فتوكلت علي الله واشتريت لانوس
دى حاجة مش بأدينا يا أستاز سمير طول ما فى عيال فى الشوارع وناس فاكرة العربية دى أستراحة يبقى لازم يحصل كدة ، وده مش عيب العربية طبعا لكن احنا بنسميه عيب للأسباب السابقة ، وبنعتبر تقل الصاج فى الاوبل مثلا ميزة مع انه مش ميزة والا حاجة لانه حمل عالموتور وبيأثر على اداء وتسارع العربية .... سلو بلدنا
اعتقد ان الليجانزا هى مرسيدس وبي ام وبورش الدايو كمان وللاسف مش عارف ليه اتوقف انتاجها مع انها كانت افضل عربية كورى وتحس انك راكب حاجة المانى كده او راكب وحش بمعنى الكلمة انا سوقتها كذا مرة بحس ان ليها هيبة كده رغم ان صاحبها مش بيعمل فيها حاجة غير انه بيحطلها بنزين و80 كمان والعربية مش عايزة تقل باصلها معاه لحد دلوقتى رغم انها موديل 99 ومش بيغير حاجة غير لما تكون حاجة معجزة العربيه وبتخليها مش عايزة تمشي غير كده هو البنزين وبس صعبانة عليا والله هههههههههه
السلام عليكم ورحمه الله
الاجابة ببساطة للسادة المحترمين
لية الانوس ماسكة سعر اوى عن النوبيرا
1-الانوس مازالت فى الانتاج حتى وقتنا هذا يعنى مستقبلها قطع الغيار وخلافه مضمون على عكس النوبيرا الى اتوقف انتاجة يعنى موديل وانتهى وكمان انتقالها لمنصور واختيارها افضل سيارة لتاكسى العاصمة من قبل السواقين يعنى كمان قدامها فى الانتاج 4 أو 5 سنين كمان ربنا يديكم طولت العمر وبيتدفع فيها 70 الف للزيرو الكامل ودا بيتقاس علية سعر المستعمل
2- انتشار الانوس أكتر من النوبيرا يعنى كل عربية نوبيرا بتتباع يتباع قدامها 3 لانوس
3- عملية يعنى قطع الغيار برخص التراب وكمان الاستراد مغرق الدنيا والنوبيرا كذلك بس أغلى من الانوس
أنا شخصيا بحب النوبيرا جدا ولو رجع بيا الزمان كنت جبت نوبيرا مانوال بس الانوس عربية ممتازة ومشفتش منها حاجة وحشة شهادة لله وربنا يسترها معانا جميعا تقبلوا تحياتى
فعلا اللانوس عربية جميلة وقطع غيارها منتشرة ورخيصة جدا .... بس الفرق البسيط فى أسعار المستعمل بينها وبين النوبيرا مغرى جدا أن الواحد يجيب نوبيرا ، حتى لو النوبيرا سوقها تقيل و أسعار قطع غيارها اغلى شوية ، بس قصاد كدة هتاخد موتور اقوى ، تسارع وسرعة أكبر ، تكييف أقوى ، ثبات ، وسع فى الصالون والشنطة ،فخامة و كماليات أكتر !