الموضوع: أجيب إيه ب35000 ألف جنيه

لو قدامك لانوس حاله نضيف توكل علي الله
و برضه لو قدامك اكسنت حاله نضيفه

المشاركة الأصلية كتبت بواسطة zhelmy

انا محتار أوى يا جماعه معايا 35000 ألف و مش عارف اجيب ايه يكون كويس و إلى حد ما جديد و فى نفس الوقت ميكنش قطع الغيار غاليه ناس بتقول لانوس و ناس تقول أكسنت و بولو و إبيزا وانا مش عارف أعمل ايه يا ريت حد يساعدنى و يقولى اجيب ايه و بكام و موديل ايه و قطع غيارها عمله أزاى

حبيبى انا فى نفس مشكلتك بالظبط بس انا خلاص عرفت الى فيها واستقريت على عربيتين يا ابيزا يا بولو موديل فوق ال 98 سعرهم من 30 لحد 36 على حسب الحالة حضرتك بقى عاوز تقفل العداد وتجرى حتعرف تعمل كدا حضرتك حتسافر وعاوز ثبات على الطريق حتلاقى ولا تقولى كورى ولا صينى ولا الكلام البلاستك دة مع احترامى لمالكى هذة السيارات ولاكن دية وجهة نظرى وحضرتك شاب او راجل كبير حتلاقى العربيات دية مش بتقولك لاء فى كل استخدماتاك قطع الغيار مغرقة مصر وسعرها مش غالى اوى زى ما الناس مبتقولك وتقدر تراجع دة فى الاقسام بتاعت فولكس وسيات وللعلم ان قطع الغيار معمرة جدااااااااااااااااااااااا ااااااااااااااااااااااااا
يبقى يافرحتى لما اجيب مثلا حاجة رخيصة وكل 3 شهور اغيرها يبقى الاحسن لما يبقى قطعة الغيار اغلى 50 جنية ولا 100 جنية وانساها بالسنين ولما تتعب حطلعها ابوسها واقولها الف شكر انك استحملتى كل الوقت دة عشان كدا انا استقريت وبدور على العربيات دية فياعم الحج نصيحة لوجة الله ابعد عن الكورى والصينى والكلام الى بعد ال 120 ولا ال 140 تبقى ماشى انتة ورزقك خليك فى الحاجة الالمانى الى ميختلفش عليها 2 والى يقولك غير كدا ومتحيز لعربية هوة حر ياسيدى فى كلامة بس انتة شغل دماغك لائنى تعبت جدا جدا لحد موصلت للنتيجة دية وادخل القسمين دول وانتة حتعرف كدا من اصحاب العربيات دية وخلى بالك احنا مش كل يوم حننزل نشترى عربية ومش كل يوم حندفع ال 35 الف فا من الاخر مترميش فلوسك غير فى حاجة تستاهل الفلوس دية ومش عاوز اطول عليك اكتر من كدا وربنا يصلحلك الحال ان شاء الله ويكرمك بحاجة كويسة وادعيلى انا كمان الاقى حاجة كويسة ياحبيبى واشوفك ويلا ندردش

والله يا جماعه مش عارف أشكركم أزاى على التعاون ده بس بردو ياdragon_devil انا فى حاجه هى اللى لسه محيرانى بعد الكلام الحلو ده انا اصلا معايا 127 900cc و تبعن خدت خيرها كلوا الصراحه و عمرت مرتين و لعبت فيها و عملت كام حدسه بعيد عنكم فا جربت المواتير الصغبره فقلقان من البولو و السيات 1000 بردو صحيح حيفرق بس انا ليا اتنين صحابى جيبين الجوز المواتير فوتت و صأتو ال1400 بتعهم علما بأن الجوز ماتور واحد و عفشه واحده و غير كده اللى خنقنى أكتر ان الجوز ال1000 مش بتكيف وانا من الأساسيات اللى مخليانى عاوز أشترى حاجه تانيه التكيف و ربنا ميوريك جحيم ال127 فى الصيف و كمان انا شاب و انت غارف مهما كنت عاقل بيجى وقت بتتجنن على العربيه و بتفركها حرق فا نفسى فى حاجه متقلش لأ فى ناس قالولى ضور على بولو 1400 بتكيف و بور بس بردو نفسى فى حاجه على ابوها مش عارف انت أكيد حاسس بلى انا فيه بما أنك فى نفس مشكلتى

المشاركة الأصلية كتبت بواسطة zhelmy

والله يا جماعه مش عارف أشكركم أزاى على التعاون ده بس بردو ياdragon_devil انا فى حاجه هى اللى لسه محيرانى بعد الكلام الحلو ده انا اصلا معايا 127 900cc و تبعن خدت خيرها كلوا الصراحه و عمرت مرتين و لعبت فيها و عملت كام حدسه بعيد عنكم فا جربت المواتير الصغبره فقلقان من البولو و السيات 1000 بردو صحيح حيفرق بس انا ليا اتنين صحابى جيبين الجوز المواتير فوتت و صأتو ال1400 بتعهم علما بأن الجوز ماتور واحد و عفشه واحده و غير كده اللى خنقنى أكتر ان الجوز ال1000 مش بتكيف وانا من الأساسيات اللى مخليانى عاوز أشترى حاجه تانيه التكيف و ربنا ميوريك جحيم ال127 فى الصيف و كمان انا شاب و انت غارف مهما كنت عاقل بيجى وقت بتتجنن على العربيه و بتفركها حرق فا نفسى فى حاجه متقلش لأ فى ناس قالولى ضور على بولو 1400 بتكيف و بور بس بردو نفسى فى حاجه على ابوها مش عارف انت أكيد حاسس بلى انا فيه بما أنك فى نفس مشكلتى

حبيبى مفيش اصلا وجه مقارنة بين الموتور الى كان فى 127 الى بتتكلم علية وبين موتور الابيزا او البولو ولعلمك ناس كتير معاها ال 1000سى سى دة بيقولولى هوة اصلا عامل زى ال 1300 الى فى اى عربية تانية وياسيدى مين قال ان العربيات دية مش بتنزل بتكيف حضرتك خليك فى موديلات ال 98 و ال 99 ملكش دعوة بالى الى تحت فى حاجة اسمها عربية كاملة وفى حاجة اسمها عربية فاضية ومتستعجلش
دور لحد متلاقى حاجة نضيفة وكاملة اقعد دور على مهلك الفلوس مش بتقرصك ومحدش جبرك على شراء حاجة مفهاش الى نفسك فية وبالنسبة لموضوع الموتور احب اقولك ياسيدى اضعف الايمان لو انتى لاقيت عربية حالة نادرة وجامدة وكل مشكلتك معايا فى الموتور انة 1000 ياسيدى خود خيرة لحد ميجيب اخرة وب 4000 تجيب موتور جديد وتبقى ركبتة وعارف كل مسمار فية متجبش حاجة متسقطلها مكنة لائنك متعرفش هية معمولة صح ولا لاء هات الحاجة على ابوها وجربها الاول وقولنا منسبش ودنا للناس عشان منتعبش يعنى انا يافرحتى بعربيات عليها مكنة 1600 سى سى ومش عارف اجرى بيها بسبب عدم الثبات والصاج الى عامل زى الورقة زى مقولتلك ركذ فى الحاجة النضيفة المحترمة او عندك حل تانى ودة انا وارد انى اعملوا ان شاء الله انى حشوف عربية ملهاش حل لاكن الموتور بتعها رايح فى مصيبة عشان اشتريها بسعر قليل ومجرد ما اشترى حكون نازل جايب مكنة كبيرة ومسقطها وبكدة ابقى عارف كل مسمار وكل حركة اتعملت فى العربية فعشان كدا بقولك هاااات الاساسى الاول الموتور سهل يترمى ويتجاب غيروا ومش غالى زى ما انتة فاكر لاكن قولى بقى لو جبت عربية عليها مكنة كبيرة ومفهاش ثبات قولى كدا حتخلى العربية دية ثابتة ازاى على الطريق ان شاء الله دة الى اقدر اقولهلوك وفكر وانتة حر خود القرار بنفسك بس انا مش شايف بصراحة اجمد من ال 2 دول ال 2 جامدين حلوين عليهم اقبال بيع وشراء قطع غيار متوفرة جدااااااا ومعمرة جداااااااا بتوع جرى جدا ثبات راكب حاجة المانى يوم لما تحب تترسم بيها حتعرف تترسم بيها قدام الوزاااااااااويز وفكر وقولى لو فى اى اسئلة انا تحت امرك وزى مقولتلك اتعب نفسك بس شوية وادخل على فولكس و سيات اتفرج واسمع الناس بتقول اية وخود الحجات الى تدخل دماغك مش تاخود اى كلام مكتوب وخلاص اصلى كونت بعمل كدا فى اول دخولى للمنتدى الجميل دة وربنا يكرمك ان شاء الله

احب اقولك ان كلامى دة خلاصة 6 شهور بحث فى كل مكان ممكن حضرتك تتخيلوا فى حياتك ولو انتة شوفت اى موضوع ليا حتلاقينى كاتب ياجماعة نتعب مع بعض شوية ونقول كلام مفيد عشان الى يفكر نفس تفكيرى ميتعبش بعد كدا مجرد انة يدخل يقرى يصول للحاجة تساعدة فى اتخاذ قرارة بسهولة وربنا ياحبيبى يكرمك ويكرمنى معاك ان شاء الله

http://www.nilemotors.net/Nile/133425-98.html

ادخل هنا ياحج واتفرج ادخل ادخل