الموضوع: مين اللى دفع مبلغ شراء عربيتك

كنت محوش 26000
و استلفت 15000 من ابويا
6000 من امي
6000 من زوجتي
5000 من اخت زوجتي
9000 من الشركة اللى شغال فيها
جبت عربيه بالتقسيط تمنها 85000 دفعت 63000 و الباقى على 3 سنين 775 جنيه شهريا

الحمد لله والشكر لله
انا وانا في اولي جامعة كان نفسي اجيب فسبة حتي :)
انا بشتغل من 2 ثانوي تقريبا وكان حلم حياتي اني اول ماخش جامعة اجيب عربية
ودخلت وماجبتش :ٍ
وعدت اول سنة والحلم لسا موجود وكل حلمي كان 127 او 128
وتاني سنة عدت وتالت سنة عدت وبردو الحلم موجود وكنت زعلان اوي ان حلمي ماتحققش بس في نفس الوقت من ناحية تانية كنت بشتغل لغاية ما فجاة كده اعدت احسب فلوسي وكل اللي معايا لاقتهم 15000
وفجاة بردو كان ليا واحد صاحبي ماعرفوش اوي معاه اوبل كورسا موديل 95
فا بالصدفة قولت اساله هي ايه دي وبكام وكده قالي دي بتاعت واحد قريبي وعايز يبعيها

وقالي ممكن يقسط لو عايز وانا الحمد لله الناس عارفاني في محيط شغلي ب الامانة
فا اتكلمت مع صاحب العربية واتفقنا اني هديله ال 15000 وكل شهر 1500 علي 10 شهور
وفجاة لاقيت تنفسي معايا اوبل كورسا بعد ما كنت بحلم بي 127 وده طبعا كله بفضل ربنا عليا مش اكتر

نيجي بقي للعربية وقلة الضمير بتاع الناس و الاستغلال
بصراحة انا ماكنتش في الوقت ده اعرف اي حاجة في اي حاجة غير شغلي

طبعا اديته الفلوس وخدت العربية ومشيت حتي ماكنتش بعرف اسوق واحد صاحبي وصلني نص المسافة وعلمني شوية وسابني ومشي خدت العربية طبعا وانا جسمي بيتعرش من الخوف لا اعمل حادثة بس الحمد لله روحت و في خلال اسبوع كنت بسوق كويس جدا وفي خلال شهر كنت مسافر بالعربية .
نيجي بقي للنقط المهمة اول حاجة انا خدت العربية ومشيت اللي اداني العربية عملي عقد ومضاني علي ورقة اني استلمت العربية طبعا عشان لو عملت حادثة يبقي خلي مسؤليته ومضاني شيكات ب ال 10 شهور
طبعا انا ولا كشفت ولا عملت ولا اي حاجة وماكنتش اعرف اصلا اي حاجة
سالته فيها تكييف قالي اه فيها بس في حاجة عايزة تتصلح طبعا انا دخلت لاقت زراير التكيف فقولت يبقي فيها
سالته العربية فيها حاجة قالي زي الفل
طبعا بعد كده اكتشفت ان العربية مفهاش تكييف دي الهويات هي اللي انا شوفتها وان العربية فيها قايم وصدر مخبوط ده غير طبعا الحاجات الكتير اللي كانت بايظة من عفشة لكهربا لميكانيكا وطبعا دي اول مرة اسوق فانا كنت فاكر ان هي العربيات كده لغاية ما سوقت عربية واحد صاحبي كانت هيونداي اكسنت :) ساعتها عرفت اني راكب خرابة مش عربية استعوضت ربنا وقولت الحمد لله

المهم الخلاصة اني انا اللي دفع ثمن العربية وكان تقريبا ساعتها عندي 20 سنة :)))