هل الكريستاله 98 ممكن استعمل بنزين 80 ولا هايتعب الماتور
عرض للطباعة
هل الكريستاله 98 ممكن استعمل بنزين 80 ولا هايتعب الماتور
محتاج الرد ساعدونى
انا عامه بشوف ناس بتحط فى محطه البنزين بس مش عارف بقى مشاكله و عيوبه ايه بصراحه بخاف من بنزين 80 و الله اعلم
هل من مزيد
والله يا زعيم هى العربية نازلة من المصنع على 90 بس فية ناس كتير بتحط 80 وبتمشى مدة طويلة لان موتورها حمال اسية وبعدين ال80 اللى في السوق مخلوط بالمية ....
من الاخر لو انت عاوز توفر ممكن تحط نص 80 ونص 90 وتعتبر ماهنتش عربيتك اوى ووفرت برضو ...لو مش هتقصر معاك الفلوس حطلها 90 وريح بالك من وجع القلب والميكانيكية
انا بحط 80 بقالي سنتين والعربيه زي الفل ومافيش ت؟أثير علي اي حاجه
بس انت هتحتج في الأول تظبط الكهربا
روح لأي ميكانيكي خليه يظبط الكهربا علشان لازم تتأخر شويه
بس عموما فول العربيه 80 واظبط الكهربا
ولما التنك يخلص وتفول تاني اظبطها تاني علشان يكون ال 80 صافي من ال 90
ممكن طبعا تحط 80 بس ظبط الكهربا
انا بحط 80 وزى الفل وبفالى فترة طويلة لان اللى نصحنى مكانيكى قالى لانك كربراتير
وصدقنى فى ناس كتير بتحط 80 زى
اوبل
بى ام
هوندا
هيونداى
واخر الاخبار
والله واحد كان جاى بعربية هامر من برة معرفة والله كان بيحط 80
كان بيقول فيها جهاز بيحرق نسبة الرصاص
انا برضو بحط بنزين 80
وعلى فكرة بنزين 80 خالي من الرصاص
الفرق بينه وبين 90 هو رقم الاوكتان يعني يفرق في نسبة الانضغاط بس
مش زي ما نسمع ان فيه ميه وتراب ورصاص ويمكن زلط كل ده كلام لا اساس له من الصحة
لاني غيرت الفلتر للصيانه فقط بعد سنتين من استعمال بنزين 80 بهذا الفلتر
وقطعت الفلتر القديم وبصيت عليه و كان عادي جداً مجرد رواسب طبيعية لم تحدث له اي انسداد
شغال 80 عادى بس متقرصش على الغيار بتفرق قليلا فى السحب و تجميع السرعات لكن فى العموم مفيش مشكله مقارنه بفارق السعر
متشكر على الردود
انا كانت معايا كانت بتكركر من ال 90 !!!!!!!!!!
مع بنزين 80 العربية ها تكركر و السحب بيكون اضعف
عن تجربه لعربيه كرستاله بتستعمل 80 كانت صوت المكنه على جدا عن السابق والسحب بتعها ضعيف وبتجمع ببطىء وبتكرر علطول
عكس بنزين 90 بيحافظ على المكنه والعربيه
فيه مثل معروف وأنا مؤمن بيه جدا وهو الغالى تمنه فيه
مش عارف المصريين كلهم مقتنعين انها بتمشي 80 عادي مش عارف ازاي ويقولولي كمان مفيش فرق بين ال 80 وال 90 بس اظبط الكهربه !!!!!!!!!!!
وانا جربت عربيات كتير ماشيه 80 وظبطه كهربه
عمرها متكون لانسر تحس انها بطه بلدي وخصوصا مع التكييف
الملخص انها هتمشي ب 80 للتوفير فقط لكن مش للاداء والفارق بين ال 80 وال 92 رهيب
متشكر على الردود
متشكر على الردود
هل من مزيد
انا بقى بحط 92 :) و ماشيه زي الفل ياعم
انا حتى والله مش عارف ال 80 بكام !!
بالنسبة لو العربية كاربراتير ممكن تسنعمل 80 وتركب بوجية 3 شمعة لتحسين الاحتراق وكذلك يلزم ظبط الكهرباء لان العربية هتكركر البوجية3شمعة بيساعد على زيادة معدل حرق الوقود وبالتالى مش هتحس بفرق السحب عن 92 لكن صوت الموتور سوف يرتفع قليلا
لو السيارة حقن وقود بلاش تستخدم 80 علشان الرشاشات سوف تتائر برواسب بنزين 80
اقتباس:
مش هتحس بفرق السحب عن 92
الجملة دي صداها رائع
انا عندي الاسبراتير الكتروني هل محتاج يتزبط
و عربيتي كربارتير 1300 99
ممكن تكلمنا اكتر عن البوجيه 3 شمعة
البوجيه 3 شمعة كام الثمن والسعر بالضبط
وانا برضو كده بنزين 80 وواحد شمعة بس مش عارف الكهربا مظبوطة ولا لا
بس اللي لفت نظري انه بيقول مش هتحس بفرق السحب عن بنزين 92 مع الثلاثة شمعة
واخد بالك
مع اني حاسس انك مخبي حاجة :shyy:
يا باشا ازاي نظبط الاسبراتير الالكترونياقتباس:
هتظبط الكهربا مش هتاخد 3 دقايق
ولما تحب تغير البوجيهات ابقي هات ال 3 شمعه
هو زي فكرة الاسبراتير العادي لفة يمين ولفة شمال
ولا له طريقة تانية ؟
احسن نوع ngk وبيعمل حوالي 60 جنيه (الأربعه)
انما بستخدم شمعه واحده والدنيا زي الفل هي المشكله بس ان السحب قل شويه بس بالمقارنه بالتوفير مش هتفرق والأحساس مش ملموس قوي
والاسبراتير بيتظبط فعلا بس مش يمين وشمال بيكون فوق تحت لأنه بالعرض مش بالطول
ولما تظبط الكهربا صح مش هتحس بفرق
هيما باشا قصدك ايه بمقوله ان السحب اقل شويه يعنى بنزين 80 هوا السبب ولا البوجيه 1 شمعه
وياريت تعرفنا هلى يوجد فرق بين البوجيه 1 شمعه و 3 شمعه خاصه فارق السعر كبير بين الاتنين وكمان ما هو الافضل و هل 3 شمعه بيحرق بنزين اكتر من 1 شمعه وتقريبا معدل اد ايه كده
ياريت يباشا التوضيحات دى
السحب قل طبعا من ال80 بس اهم حاجه ميكون في كركره في الموتور لما تدوس
والمفروض الفرق بين الواحد و 3 ان ال 3 بيحرق احسن
لكن بصراحه انا مره بركب ده ومره بركب ده مبحسش بأي فرق نهائي بين الاتنين
وانا مش عارف معدل ايه بس لو معدل الأستهلاك انا فعلا مش بحسب بس تقريبيا العربيه بتعمل 120 كيلو في ال 10 لتر
وعموما انا مش بحسب علشان ال 80 مش بيحتاج حساب
انا عندى لانسر 98 وبحط 80 عادى
متابع بأهتمام
البوجية 3 شمعة بيساعد على حرق الوقود داخل غرفة الاحتراق بنسبة افضل من الواد شمعة وانا عن تجربة جربت 3 شمعة كان افضل من الواحد شمعة مه بنزين 80 وركبيت ماركة بوش ب 65 جنية وكنت الاول بركب ngk وهو ماركة ممتازة بس كنت بركب واحد شمعة مه بنزين 92
ملحوظة بنزين 80 بطئ غى start up بس على الطريق مش هتحس لو 3 شمعة كما ان معدل الضوضاء للموتور اعلى لو استخدمت 80 ودة راى الشخصى
معدل الاستهلاك لتر 80=12 كم حسب طريقة القيادة ولكم دة المعدل
بنزين 92 =10 كم
مع تحياتى مهندس شريف
انا لما بحط 92 بجد بيبقي في فرق عن ال90 وعمري ماجربت احط 80 لان الفرق واضح من قبل مااحطه
92 بلاقي العربيه انعم بكتير وبحسها فايقه وبتسحب من اقل لمسة
انا غالبا بحط 90 علطول بس الرك عالبنزينة تكون نضيفه
متابع بأهتمام
والله انا جربت كله 80 و90 و92 وفي الاخر محستش بفرق كبير في اي حاجة
والله انا بحس الفرق في البنزينة نفسها اكتر من نوع البنزين
انا مونت صفيحه 92 من بنزينة مفيهاش غيره وعايشين دور النضافه العربيه اتكتمت
رحت نزلت منها 3 لتر مية برغاوي وطينة ورواسب .. وباقي البنزين ولا يسوي 80 وفلتر التنك والخرطوم كانو مكتومين تماما بيخلوا العربيه بتفضل تبطل وانا ماشي واوتوماتيك
عشان كدة انا غالبا بحط 90 من بنزينة بثق فيها ومجرب فرقها عن اي واحدة غيرها حتي لو في بلد تانية .. ولو حطيت منها 92 بحس بنعومة وسحب اكتر الفرق اصلا 2 جنيه في الصفيحة مش مبلغ
انا بمون على طول من بنزينة وطنية وبريح دماغي
متابع بأهتمام