-
العربيه اتجرحت من حله
العربيه النهارده اتجرجت السايس الحيوان بتاع الجراج عامل عزومه ووانا بدخل العربيه ما كنتش شايف حاجه وكان فيه حله محطوطه جرحت الرفرف اليمين عملت خط واصل للمعجون :N_no[1]:ومن ساعتها وانا متعكنن اخر عكننه
عملتها بالبوليش بس لسه هتبقى باينه والصبح هتبان
هل لو رحت لمركز صيانه او توكيل و جبت درجه لون العربيه وغطا الخربوش وبعدين عمله بكومباوند وصاروخ وبوليس الخربوش ده هيدارى خالص زى ما بنشوف فى الفيديوهات ولا ماحدش هيعرف يعمله ؟
-
لو العربيه لسه في الضمان روح التوكيل و شوف هيقولولك ايه
-
-
-
طب وبعدين ؟
فيه فيديوهات اجنبيه شفتها
بيملى الخدش باللون وبعدين يسيبه ينشف وبعدين يحط اللاكيه عشان يملى البوهيه وبعدين بيعملها بحاجه زى الصابونه تقريبا سنفره فبتساوى المنطقه الى فيها الخدش بالى حواليها بس بتسيب بقعه بيعملها بالبوليش بيروح الخدش وولا الهوى العربيه بترجع جديده
هل الكلام ده حد هيعرف يعمله هنا فى مصر ولا هيشتغلونى وهيفضل فيه اثر
-
انا زعلان منك بصرف النظر عن اى حاجه حصلت من الاجترام والزوق انك متقلش السايس الحيوان وللاسف مفيش حد من اللى ردو نبهك للموضوع دا كدا ما يصحش السايس دا برضه بيفيدك اكيد
ولا حول ولا قوة الا بالله
-
هو كده بيفيدنى يا حبيبى
هو الجراج ده مكان للعزومات والطبيخ
هو انا مش بدفعله فلوس
والعربيه دى مش شاريها بفلوس
ولما هو واقف بيرجعنى فى الظلمه وقاعد يشيل حاجات من جمب العربيه ماشافش الحله دى
والمصيبه وانا نازل بقوله حصل حاجه يقولى لا لا و قاعد يمسح فى العربيه
وبعدين لما نزلت بصيت ولقيتها اتجرحت اختفى وجه يقولى حصل حاجه
ولما شاف قالى تصدق انا زعلت وقام ماشى
ما يبقاش حيوان
وبعدين مش انت الى هتعلمنى الاحترام والذوق واتكلم ازى واقول ايه وما اقولش ايه
انا مش عايز اغلط فيك
انا بجد كده هبطل ادخل المنتدى كل يوم والتانى واحد داخل يتكلم ويعلق فى حاجه مالوش فيها
-
الراجل بيقولك ماتشتمش الراجل و تقول عليه حيوان حتى لو غلطان
هوه عنده حق
حقك تاخده منه بس شتيمه من وراه ده مش كويس طبعا
و اسايس مش شخصيه عامه ممكن الناس تشتمها
فاهدى كده عشان انت دخلت فى الراجل شمال بزياده
-
اعذروه شوية دي لحظة انفعال ياجماعة دة مش اسلوبه طبعا
اهدي يا دكتور محمد وحصل خير معلش ربنا يصبرك وشوفلها حل من غير عصبيه عشان تعرف تفكر وانا متاكد هتظبطها تمام :)
-
السايس غلطان ما اختلفناش بس انت لازم تكون احسن منه و الراجل اللى كلمك مشكور لانه بينصحك و ما قلش حاجة غلط ياريت الاقى اللى ينصحنى و يعرفنى عيوبى ما حدش كامل و الحمد لله على كل شىء ما حدش عارف بدل الخدشة ديه كان ايه اللى ممكن يحصلك لا قدر الله و لو الخدش مش كبير و ماوصلش للبلاستك الاسود بتاع الرفرف فيه حل
1-تجيب تمن بوية من لون العربية حبة صغيرة ب حوالى 15 جنية و بفرشة تلوين رفيعة تمشى على الخط و بعدها لما تنشف تلمعها و تصنفرها بصنفرة خفيفة جدا جدا و ان شاء الله مش هاتبان
2-فيه بقا حاجات عند بتوع الدوكو بتدهن على الحتة ديه و تسيح حبة من البويا بتاعت العربية و تملى المكان اللى فيه الخدش بس هاتبان فى الشمس و مش هاتظبط قوى
3-تسيبها و لما الرفرف يتملى خدوش من الركنة و خلافه ترشه
Content Relevant URLs by
vBSEO 3.6.0 PL2