-
الريموت لا يعمل
انا الحمد لله ربنا كرمنى واشتريت عربية a516 انهارده بعد الجدل الكتير والتفكير عليها اشتريت واحدة مستعملة فريكا دواخل وخوارج رشه رفرف يمين بره بس عاملة 29800 كيلو بس الحالة العامة دهان وعفشة صالون جيدا جدا الحمد لله جربت العربية لقيتها احسن مما تصورت
المهم الحمد لله
المشكلة اللى مستغربلها ان الريموت بتاع العربية مش شغال اما سألت صاحبها قالى اما يجى وقت الصيانة الريموت بيفصل انا مش عارف الكلام ده مظبوط ولا لأ يا ريت اعرف الاجابة وكنت عايز اعرف تكلفة صيانة ال 30000 تتكلف كام
واخيرا نسألكم الدعام والبركة
-
الريموت مالوش علاقة يا باشا بالصيانة..بس في اماكن ممكن الريموت ما يشتغلش فيها ودي بتحصل معايا دايما وانا في المقطم.
-
الحمد لله الريموت اشتغل
العضو lakany
بعتلى الرسالة دى جربتها والحمد لله اشتغل
ادخل المفتاح فى الكنتاكت تم اضعط على زرار فتح الباب فى الريموت ثم افتح الكنتاكت بدون تدوير و انت ضاغط لمده ثلاث ثوانى ثم دور السياره و انت ضاغط على الزر لمده ثلاث ثوانى ثم اترك الزر و بطل السياره و جرب المفتاح و ابقى قلى على النتيجه
-
الموضوع ده غريب جدا
طيب ده معناه ايه
-
الموضوع ده حقيقي حصل وفصل قبل كده ورحت لواحد بتاع مفاتيح وعمل كده فعلا
-
دعاء السفر
روى مسلم في صحيحه عن ابْنَ عُمَرَ أَنّ رَسُولَ اللّهِ صلى الله عليه وسلم كَانَ إِذَا اسْتَوَىَ عَلَىَ بَعِيرِهِ خَارِجاً إِلَىَ سَفَرٍ، كَبّرَ ثَلاَثاً، ثُمّ قَالَ: سُبْحَانَ الّذِي سَخّرَ لَنَا هَذَا وَمَا كُنّا لَهُ مُقْرِنِينَ* وَإِنّا إِلَىَ رَبّنَا لَمُنْقَلِبُونَ. اللّهُمّ إِنّا نَسْأَلُكَ فِي سَفَرِنَا هَذَا الْبِرّ وَالتّقْوَىَ. وَمِنَ الْعَمَلِ مَا تَرْضَىَ. اللّهُمّ هَوّنْ عَلَيْنَا سَفَرَنَا هَذَا. وَاطْوِ عَنّا بُعْدَهُ. اللّهُمّ أَنْتَ الصّاحِبُ فِي السّفَرِ. وَالْخَلِيفَةُ فِي الأَهْلِ. اللّهُمّ إِنّي أَعُوذُ بِكَ مِنْ وَعْثَاءِ السّفَرِ، وَكَآبَةِ الْمَنْظَرِ، وَسُوءِ الْمُنْقَلَبِ، فِي الْمَالِ وَالأَهْلِ". وَإِذَا رَجَعَ قَالَهُنّ. وَزَادَ فِيهِنّ: "آيِبُونَ، تَائِبُونَ، عَابِدُونَ، لِرَبّنَا حَامِدُونَ".
-
بتهيألى السبب ان التردد بتاع الريموت كان عايز يتظبط مع جهاز الانذار
Content Relevant URLs by
vBSEO 3.6.0 PL2