الموضوع: البنزين بيطير (تابع مسلسل البنزين )

أكشف عالعربيه عند حد كويس .. اكيد فيه سبب!

شوف العيب روح لميكانيكى ابن حلال لو لقيت ابن حلال ويبصلك عليها
تعرفوا ياجماعه انا بقى عندى نص عده ادوات الميكانيكى لان بحب الميكانيكا وبحاول اعمل اى حاجه اقدر اعملها

التانك بياخدلو 4 لتر تقريبا زيادة بعد ما بتفول و تلاقى بتاع البنزينة يقولك فولتهالك لحد الزور و هو فرحان و البنزين الزيادة ده بيدلق عنده فى البنزينة جزىء منه من الفايظ و الباقى بيقع و انت ماشى من المطبات و الذى منه.
ولو خصمت ال4 لتر دول ممكن تلاقى نفسك بتعمل 150 ك فى الصفيحة مش 100 بس.

علشان اكون اوضح هحطلك فى نقط.

*- الراجل بيفول لحد الزور و ده بالنسبالى مفيش منه شك انه اغلبه بيطير
*- عملية حساب استهلاك البنزبن لازم تكون دقيقة علشان انت فى الاخر بتطلع ارقام وتتكلم عنها
*- يبقى لازم علشان تحسب الاستهلاك صح تفول التانك لنفس المستوى بظبط فى المرتين.
*- علشان تعمل كده قول لبتاع البنزين "فول اول فصلة بس" وبص عليه و هو بيفول ولو لقيتة يبدوس دوسات متقطعة بعد ما الطرمبة بتاعتو تفصل تعرف انو منفضلك و بيحط لحد الزور بردو , وبكده مش هتعرف تحسب بدقة بردو والبنزين الزياده اغلبه مش هيستخدم.

انت عربيتك فى الغالب بتعمل 150ك فى الصفيحة وده مش الاستهلاك الامثل. ممكن تعمل الاتى:

*- تحط نوع زيت خفيف (التخليقى اللى بيعد 10000ك وانت طالع) فيسكو 5000 فعلا بيوفر بنزين بالذات فى السفر سرعة ثابتة.
*- متهتمش اوى انك تطلع طلعات سريعة بالعربية و خليها تاخد سرعتها بالراحة متزودش الار بى ام
*- على الطرق السريعة ثبت السرعة على قد ما تقدر و متعديش ال100 كم فى الساعة و متستخدمش الفرامل كتير.
*- خلى ميكانيكى بجد فاهم يظبطلك التقسيمة و لو عايزة طقم سيرفيس يعملهولك, و يبص على البوبينة, وسلوك البوجيهات. و ممكن اخواننا الاوبلاوية يقولولك ايه الحجات فى السيرفيس اللى ممكن تاثر على استهلاك البنزين.
وربنا معاك