تجربتى لما ركبت فرنا 2010 !!

يوم الاربع كنت فى بنى سويف
المهم كنت مسافر بالقطر من اسيوط الى بنى سويف
و هناك قابلت دكتور زميلى من اسيوط كنا فى نفس الفندق
و قالى نبقى نرجع مع بعض
انا طبعا قولت و الله كويس و توفير
يوم الخميس الصبح ركبت معاه العربية
فيرنا 2010 عاملة 20 الف كم يعنى لسة فى التليين
و طلعنا على الطريق يا معلم
انا طبعا عارف انة سحيب و قريص و سريع جدا
المهم اشترطت علية هنمشى مش اكتر من 100 او 110 كم فى الساعة و احنا رجعين
المفاجاة انة كان ماشى 90 & 100 بس و رغم كدة العربية مش مظبوطة
الدركسيون فية رفة غريبة على سرعة 100 و هو مكلبش فية
بجد يا رجالة كنت قاعد على اعصابى و قلتلة كلمة من الاخر
احساسى بالسرعة دى اللى هى 100 فى الفرنا يعنى ممكن تكون نفس احساسى بالاوبل على سرعة 150 او 160
يعنى فعلا الحمد لله الاوبل زلطة على الطريق
بس مشكلتها ساعات بتخبط فى دماغنا من اعطالها
و شكرا ليكم يا احلى رجالة فى المنتديات كلها

يا باشا الاوبل اوبل .. انا سوقت سيراتوا 2010 اعلى فئه !! حسيت و كمان على طريق العين السخنه .. حسيت انى لو مسكت الدركسيون بيد واحده ان العربيه هتتقلب و انا على 120 و عفشه ناشفه و كرسى غير مريح بالمره .. اشتقت للاسترا حبيبتى يومها .. الحمد لله انى اوبلاوى و حمد لله عالسلامه

فعلا حضرتك جبت من الاخر النقطه دي لاحظتها اول ماركبت عربيتي وهي ان احساسك فيها بالسرعه اقل مايمكن 120 دي في عربيات كتيره تلاقي كل الدنيا بتتهز والتابلوه بيزيق وكركبه في الموتور ده غير الصوت العالي اللي يبدا يحسسك بالخطر ,الحمد لله ان ربنااخترلنا الاحسن .

العربيه الى ركبتها وارتحتلها لحد الوقتى النيسان تيدا هو والفكترا بتاعتى والنيسان تيدا والله كنت بجرى بيها على الدائرى ماشاء الله كنت مزحف كل العربيات ورايا لان كنت ماشى 130 و140 عربيه ثابته وفرامل ايه جامده موت

الاوبل اوبل ياباشا
بس العربيه دي عايزه واحد يفهم بيها ف الميكانيكيتها لو حد لعب ف العربيه ح تعبك معها لازم واحد يفهم بلاوبل وبس ادي انا الحمدلله طول عمري راكب اوبل لا عملت مشكله ولا حاجه عشان هنا صنايعيه كويس وفاهمين كويس

فعلا يا جماعة الاوبل لا يعلى عليه ولما بقول كدة كله يعد يقولى انت بتقول ايه يعنى فيكترا ولا سيراتو ولا النترا (محسسنى ان الفيكترا تكتك) والمفاجاة امبارح كنت عند كهربائى سيتروين بسأله بقوله الاكسار أحلى ولا الفيكترا راح قايل طبعا السيتروين الاكسارا رحت سبته ومشيت فبيقولى ايه مالك قولته لا أنا رايح أولع فى الفيكترا

الفيرنا تطير من على الأرض بعد 120 و جربتها كذا مره

بص أنا كان معايا سويفت و عندنا كيا سيفيا و السيفيا دى كانت بالنسبة لى أحسن عربية ركبتها.
بعد ما جبت الأوبل -مع ان عربيتى أقل فئة فى الأوبل :shyy: - عرفت ليه زمان أول ما العربيات الكورى نزلت كانوا بيقولوا دى عربيات ورق
هى عموما الفيرنا عربية بتؤدى الغرض .. يعنى مشيها كويس .. قطع غيار رخيصة .. سعر اعادة بيع ممتاز.
للأسف بلدنا بتفرض علينا ان احنا نشترى العربيات دى..ونسيب عربيات تانية أحسن كتير.

برضه بحكم اني كان معايا عربية فييرنا بتاعت قريبي لمدة كام يوم.. بس العربية دي حالة خاصة شوية.. يعني فيها طقم جنوط و كاوتش 16-205/45
العربية ثباتها مش بطال خالص.. و علي الملفات كمان..
تجميه سريع بطريقة تخوف.. بس طبعا اوصل لل120 هتلاقيها بدأت تخاف.. و تجميعها قل.... المهم.. العربية عفشتها وهمية.. في منتهي الجمال.. مع ان الكراسي مش مريحة قوي.. لكن عفشة مزاج..

الباور بتاعها اخف من الالماني طلعا.. و التكييف افضل.. و التجميع اسرع.. و العفشة افضل..

الفرامل فيها مصيبة بكل المقاييس.. بس مش هانكر.ز استمتعت في العربية دي بكل اللي كنت مفتقده في الاوبل و الاودي من بعدها..

دايما بص للميزات و عيوب.. و مميزات العربية دي انها جوة البلد.. عربية في منتهي الجمال و الروعة.. متحكمش عليها في طريق سفر و جري.. هتظلمها..

تمااام يا علاوي

الثبات الأول وبعد كدة التسارع والسحب.
طبعا الأوبل حدث ولا حرج بالنسبة لنقطة الثبات ودة بيدى للسائق طمأنينة أثناء القيادة.

اقتباس:

---

المشاركة الأصلية كتبت بواسطة ahmad allawy

برضه بحكم اني كان معايا عربية فييرنا بتاعت قريبي لمدة كام يوم.. بس العربية دي حالة خاصة شوية.. يعني فيها طقم جنوط و كاوتش 16-205/45
العربية ثباتها مش بطال خالص.. و علي الملفات كمان..
تجميه سريع بطريقة تخوف.. بس طبعا اوصل لل120 هتلاقيها بدأت تخاف.. و تجميعها قل.... المهم.. العربية عفشتها وهمية.. في منتهي الجمال.. مع ان الكراسي مش مريحة قوي.. لكن عفشة مزاج..

الباور بتاعها اخف من الالماني طلعا.. و التكييف افضل.. و التجميع اسرع.. و العفشة افضل..

الفرامل فيها مصيبة بكل المقاييس.. بس مش هانكر.ز استمتعت في العربية دي بكل اللي كنت مفتقده في الاوبل و الاودي من بعدها..

دايما بص للميزات و عيوب.. و مميزات العربية دي انها جوة البلد.. عربية في منتهي الجمال و الروعة.. متحكمش عليها في طريق سفر و جري.. هتظلمها..

---

بما انى ركبت فيرنا بس مسوقتهاش
انا مش سايق وعندى احساس انها مش ثابتة , قعدتها مش مريحة , طبعا جودة الخامات الداخلية والتقفيل حدث ولا حرج
موضوع التكييف والعفشة متفقش معاك فيهم (عن تجربة فى اللانوس ومعتقدش ان الفرق كبير بالعكس كتير جربوا الاتنين وبيشكروا فى اللانوس عن الفيرنا)

اخر نقطة متفق معاك العربيات دى للزحمة وحركتها خفيفة واسهل جوة البلد عكس الفكترا والاودى علشان تستمتع يبقى على طرق سريعة

انا كان معايا لانوس موديل 99 جميلة وماشيها جميل وعربية لذية جدا وتكيفها حكاية بس مشكلتها معايا مشكلة الثبات عن ال 120 بطير من على الارض هوه مفيشمشاكل بس عاوز متابعة بقى واحد يقعد يسايسها يجبها يمين وشمال وانا مبحبش العربيات الي بتلعب ده بس بصراحة مريحة عن الاوبل كتير في صيانتها وقطع الغيار ومشاكلها الاوبل كلها مشاكل وحساسات وقرف والتكيف كل سنة عاوز صيانة لكن في اللانوس فين وفين لما تفتكر تشحنة ولا تصينة بصراحة هيه معادلة صعبة انك تملك كل حاجة , كل حاجة ليها ميزاتها وعيوبها وشكرا يا جماعة.

اقتباس:

---

المشاركة الأصلية كتبت بواسطة hostook

انا كان معايا لانوس موديل 99 جميلة وماشيها جميل وعربية لذية جدا وتكيفها حكاية بس مشكلتها معايا مشكلة الثبات عن ال 120 بطير من على الارض هوه مفيشمشاكل بس عاوز متابعة بقى واحد يقعد يسايسها يجبها يمين وشمال وانا مبحبش العربيات الي بتلعب ده بس بصراحة مريحة عن الاوبل كتير في صيانتها وقطع الغيار ومشاكلها الاوبل كلها مشاكل وحساسات وقرف والتكيف كل سنة عاوز صيانة لكن في اللانوس فين وفين لما تفتكر تشحنة ولا تصينة بصراحة هيه معادلة صعبة انك تملك كل حاجة , كل حاجة ليها ميزاتها وعيوبها وشكرا يا جماعة.

---

انا معايا لانوس 01 وفكترا 98 , بالنسبة لموضوع التكييف العكس تماما اللانوس كل صيف لازم يتشحن الاوبل قبل ما مقار يمد ايدة فية كبيرها تنضيف الفلتر والسربنتينة وتسقيعة احسن من اللانوس

والهي بظبط التكيف عندي في الكورسا يبدأ يسقع الاول من اليمين وبعد كده يبقى في ناحية واحدة بس في النصف بعد كده يبقى في كله بس ببطئ لكن اللانوس سريع بسقع في ثانية وبيفضل الفيريون فيه كتير عن تجربة مش مجرد كلام.

والله الموضوع موضوع قرف و كل عربية فيها مميزات و عيوب

اقتباس:

---

المشاركة الأصلية كتبت بواسطة opelvectra

والله الموضوع موضوع قرف و كل عربية فيها مميزات و عيوب

---

+1111111111111

انا واحد صاحبي كان مصور عداد الفيرنا وهو متقفل علي طريق الدولي ...وبيقولي العربيه ثابته وكل حاجه
ثم السيراتو دي وربنا من كام يوم مسافر ومنظرها في المطبات الهوائيه ملفت جدا بحيث إن عفشتها زفت وطين ....العربيه عماله تنتط ياجدعان مش شكل عربيه 2010 ابدا

انا ركبت فيرنا تاكسى و شكلى بدأت أفضلها على الفكترا
أنا بتجنن
الى مخوفنى منها واحد صاحبى معاه مش عارف دا عيب فيه ولا فى العربية العرية بتبقى بتتطوح منه و لو الطريق مش مستوى حس إنه هيطير

الميزه الي في العربيات ده انها صيانتها سهلة جدا ورخيصة واي حد بيشتغل فيها والله بتعيش يعني سير الكتينة مثلا بتاع الاوبل هو هو بتاع اللانوس والله انا هعترف اعتراف انا ندمان اني بعت اللانوس وجبت اوبل يارتني جنتها جنت عريض كانت ثبته في الارض وريحت دماغي كنت بشغل التكيف وانزل والله مرة قعد بتاع 2 ساعة في البنك ومشغل التكيف بره في العربية وسايبها علشان كان فيها الاولاد والله لما رجعت لا حرارة ولا حاجة بس التكيف السقعية قلة شوية بس احسن من بره والله لو عملتها في الاوبل لكانت ولعت من الحرارة وبعدين موضوع انها تعمر ومتعمره وتعيش ومتعش ده فاشل لاننا بنغير على طول والله العربية ده رقم 12 معيا في العربيات والسلام والشكر للجميع.

العضو الفاضل
الرجاء مراعاة كتابة لفظ الجلالة بالطريقة الصحيحة
مشرف الأوروبى 1

علي فكرة في عربية اسمها فيرنا فيفا مش منتشرة وهي تقفيل هندي بس محدش عاب عليها الثبات زي الفيرنا العادية وكمان التقفيل انضف بكتير

انا بقى كان معايا 132 2000 سىسى
لما جيت اغير و الله ما ارتحت للفيرنا ولا الانوس ولا الاسبيرانزا خااااااالص بس
العربيه الوحيده اللى عجبتنى شويه و كانت معايا فتره كانت الياريس
موتور بقى فى نظرى يخيط اى عربيه فى الدنيا تجميعها بجد مخيف جدا موتور vvti 1.3 93hp
تكييف ماشاء الله فريزر بجد بس فرامل وحشه جدا و ثبات تعبان خااالص
و طلقه الرصاص بجد عربيه صديقى ياريس 1.5 vvti اوتوماتيك
بس ماشاء الله عليها هى كمان متوطيه و مركبلها جنوط 16 و الكساحات الايرودينمك بتعتها ما شاء الله تحس انها مثبتاها
العربيه دى ما شاء الله بتقفل عددها بسهوله جدا جدا

اقتباس:

---

المشاركة الأصلية كتبت بواسطة omdaz_5538

انا بقى كان معايا 132 2000 سىسى
لما جيت اغير و الله ما ارتحت للفيرنا ولا الانوس ولا الاسبيرانزا خااااااالص بس
العربيه الوحيده اللى عجبتنى شويه و كانت معايا فتره كانت الياريس
موتور بقى فى نظرى يخيط اى عربيه فى الدنيا تجميعها بجد مخيف جدا موتور vvti 1.3 93hp
تكييف ماشاء الله فريزر بجد بس فرامل وحشه جدا و ثبات تعبان خااالص
و طلقه الرصاص بجد عربيه صديقى ياريس 1.5 vvti اوتوماتيك
بس ماشاء الله عليها هى كمان متوطيه و مركبلها جنوط 16 و الكساحات الايرودينمك بتعتها ما شاء الله تحس انها مثبتاها
العربيه دى ما شاء الله بتقفل عددها بسهوله جدا جدا

---

طبعا يا باشا.. اذا كانت ال 1300 اصلا بتجيب 185-190 ولو الهوا معاها تجيب 200..!!

بس لازم تتهبط و تتجنط كمان.. غير كده خطر..

و الله ياعلاوى فعلا العربيه ال1.3 تجميعها مخيف جدا
و ال1.5 دى ماشاء الله عليها ربنا يباركله فيها
انا مش بحب شكل الياريس
بس ال1.5 دى الكساحات الاوريجينال مغيره شكلها و مديلها طابع رياضى اوى

اقتباس:

---

المشاركة الأصلية كتبت بواسطة omdaz_5538

و الله ياعلاوى فعلا العربيه ال1.3 تجميعها مخيف جدا
و ال1.5 دى ماشاء الله عليها ربنا يباركله فيها
انا مش بحب شكل الياريس
بس ال1.5 دى الكساحات الاوريجينال مغيره شكلها و مديلها طابع رياضى اوى

---

طيب ما تحاول تجيب لنا صورة ليها ولا حاجة..

اقتباس:

---

طيب ما تحاول تجيب لنا صورة ليها ولا حاجة..

---

انت تقشر بس ياعلاوى :M_yes[1]:
بسم الله ماشاء الله
العربيه دى 1.5 VVTI
اوتوماتيك
جنوط 16 :,:

http://photos-e.ak.fbcdn.net/hphotos..._6323516_n.jpg
http://photos-g.ak.fbcdn.net/hphotos..._7271849_n.jpg
http://photos-e.ak.fbcdn.net/hphotos..._3452829_n.jpg
http://photos-e.ak.fbcdn.net/hphotos..._2106191_n.jpg
http://photos-e.ak.fbcdn.net/hphotos..._8063258_n.jpg
يا رب الصور تكون عجباك يا باشا

هي الكساحات شكلها دامد قوي و خاصة اللي قدام.. بس العتب مش قوي..
بس في المجمل.. سيبك من الشكل.. بقت عربية يتجري بيها.. و تستمتع بسرعتها من غير قلق.. بالجنوط دي..

اقتباس:

---

هي الكساحات شكلها دامد قوي و خاصة اللي قدام.. بس العتب مش قوي..
بس في المجمل.. سيبك من الشكل.. بقت عربية يتجري بيها.. و تستمتع بسرعتها من غير قلق.. بالجنوط دي..

---

انا برده بقول كده اللى قدام احلى بكتير من اللى ورا
و الجنوط فرقت كتير عن الجنوط الاوريجينال بتاعتها