هل اختلفت سيارتك بعض وضع نتروجين بالاطارات ؟
عشان فيه اختلاف فى احساس الناس بتأثيره على العربيه
ناس بتقول محستش بأى فرق وناس - زى حلاتى حست بفرق -
الهدف من الموضوع ده افاده الناس الى عايزه تملى عربيتها نتروجين عشان يعرفوا هو مفيد ولا زى قلته
عرض للطباعة
هل اختلفت سيارتك بعض وضع نتروجين بالاطارات ؟
عشان فيه اختلاف فى احساس الناس بتأثيره على العربيه
ناس بتقول محستش بأى فرق وناس - زى حلاتى حست بفرق -
الهدف من الموضوع ده افاده الناس الى عايزه تملى عربيتها نتروجين عشان يعرفوا هو مفيد ولا زى قلته
انا عن نفسى مش حاسس بفرق
تجربتي مع النيتروجين:
http://www.nilemotors.net/Nile/105849-a.html
أنا حسيت بفرق كبير وملحوظ جدا
سواء مع عربيتى الجديده أو القديمه
اة طبعا وفرق جامد جدا
لا اعتقد ان الاحساس بفرق هو اكتر من ايحاء
ده غير ان كتير من اللى بيجرب النيتروجين بيجربه مع تركيب كوتش جديد
بالتالى بيكون فى خلط بين التحسن الناتج عن تركيب كوتش جديد و بين استخدان النيتروجين
انا لسة من 4 ايام مغير الهواء العادى بالنيتروجين
ومش حاسس بفرق خالص بالنسبة للمطبات والعفشة والباور
اما بالنسبة لضغط الكاوتش لسة معرفش فى فرق ولا لأ
في فرق بس مش كبير
انا عن نفسى مش حاسس بحاجة
لان الطبيعى انك متحسش بفرق ملحوظ علسان الهوا العادى 78% منه نيتروجين
افتكر الناس إلي بتحس بفارق في النعومة إلي عندهم جنت ١٦ فما فوق عشان الدبدبة .
هو الفرق بالنسبالي انه من ساعت مستخدمتة مزودتش العجل و ان العربية بقت انعم
أنا حسيت بفرق كبير وملحوظ جدا
لا مفيش فرق خالص
انا عندي جنط 17 و طبعاً في فرق, بس مش "رهيبببب". و الحقيقة هو محدش يحط النيتروجين علشان يخلي عربية الخشنة تيقي ناعمة... مش هيحصل. هو هايحس بتحسن و أهم حاجة طبعاً تقليل الحاجة لمراجعة ضغط الكاوتش و الأمان ن شاء الله. ربنا يحفظنا و يحفظكم
أنا حسيت بفرق كبير لما زودته في البيجو العفشة بقت أنعم وصوت العجل بقى أققل من ناحية الضوضاء اللى بيعملها
لما زودته في الألتو الفرق الكبير ده ماحستوش قوي فيها يمكن عشان عجل الألتو صغير ونوعية الكاوتش نفسه ناشفة قوي
وعلى فكرة في الأتنين مازودتوش والعجل جديد .. لأ دا كان ماشي فترة كبيرة بيه قبل ما أزوده يعني الفرق اللى حسيته في البيجو ماكانش مجرد فرق كاوتش جديد
تجربتى مع النيتروجين منذ عام ونصف مع جنط من 13 الى 15 بوصة والفروق التى لاحظتها هى
1- الحفاظ على ثبات ضغط الاطارات فى السفر للمسافات الطويلة
2- قلة الحاجة لمراجعة ضغط الأطارات
أزاى ناس حاسه بفرق كبير جدا و ملحوظ وناس مش حاسه بحاجه خاص :)
أيه المعيار طيب!!
فعلا الكلام ده سليم وأنا معايا جنط ١٦ والفرق في هبده المطبات والنقر ومطبات الهواء في الطريق فرقت جامد لكن لو طريق نضيف مفيش فرق ده غير إن الواحد مكبر دماغة شهر من حوار ضبط الضغط وبقالي عامل النيتروجين كل ما أروح أظبطه الاقيه زي الفل إلا مرة واحده الكاوتشه كان داخل فيها مسمار ١٠ قلوظ :khd:
محستش باى فرق خالص
هو فيه فرق لما بقيس ضغظ الهوا فى الهوا العادى كان بنقص درجة او اتنين بدرجات متفاوتة انما النيتروجين بيبقى ثابت الضغط مش بينقص الا نادرا وحتى لو نقص بلاقى الاطارات كلها نقصت بنفس الدرجة انما فى المشى بالعربية فامش لاقى فرق بين الهوا العادى و النيتروجين .
أنا حسيت بفرق بس طفيف
طب انا يا اخونا معايا ماروتى كاوتش 12 وعندى حوار كل بتوع الكاوتش محدش فاهم فية اية
الكاوتش عندى خير اللهم اجعلة خيرررررررر بيزيد
يعنى اظبط 30 بعدها بيوم او اتنين الاقيها 32 ومرة والله وصلت بقت 35 فارجع اظبط تانى بجد حاجة غريبة ان الكاوتش يزيد لدرجة انى قرفت من الموضوع ده وقلت اشترى كاوتش جديد بعد نصايح اصحابى وقالولى ان كاوتش العربية بيجى معاها بيبقى تعبان
بس انا مستخسر الكاوتش لسة جديد وعامل 30 الف
تفتكروا اروح اجرب النتروجين ده ولا اية:11:
النيتروجين بيدي طراوه بس
يعني هتحس بالمطبات والنقر بس هتبقى اطرى من الاول بكتيير لكن احساسك بالمطبات من عدمه ده يرجع لتعليق العربيه نفسها مش هوا جوه الاطار
لوحضرتك غيرت الكاوتش الف مره هيفضل الوضع كده لأن فعلا هو ده الوضع الطبيعى الى عند كل الناس وهى ديه فايده النتروجين أن نسبه تمدده اقل من نسبه تمدد الهواء العادى (الى فيه نتروجين برضه ) بس نسبه بخار ميه اعلى ونسبه اكسجين اعلى أنا حطيت نيتروجين وقست وبلاقى فرق برضه بس بسيط جدا فجرب النيتروجين مش هتخسر الا العشرين جنيه وابقى قولنا على النتيجه
انا من شهر تقريبا غيرت الهوا بالنترويجين
وفرقت معايا في المطبات والحفر والعفشة بقت احسن من اول
مفيش فرق عن الاول
طب انا يا اخونا معايا ماروتى كاوتش 12 وعندى حوار كل بتوع الكاوتش محدش فاهم فية اية
الكاوتش عندى خير اللهم اجعلة خيرررررررر بيزيد
يعنى اظبط 30 بعدها بيوم او اتنين الاقيها 32 ومرة والله وصلت بقت 35 فارجع اظبط تانى بجد حاجة غريبة ان الكاوتش يزيد لدرجة انى قرفت من الموضوع ده وقلت اشترى كاوتش جديد بعد نصايح اصحابى وقالولى ان كاوتش العربية بيجى معاها بيبقى تعبان
بس انا مستخسر الكاوتش لسة جديد وعامل 30 الف
تفتكروا اروح اجرب النتروجين ده ولا اية
نصيحة اكشف على الفرامل .. ليه ؟ .. لان لو الفرامل قافشة او تقيلة بتسخن الطنبور .. اللى بدوره بيسخن الجنط .. اللى بدوره بيسخن الكاوتش .. فا الهواء يتمدد و يزيد .. بعد مشوار طوالى فى جو مش حر باليل مثلا ابقى جس الجنط .. لو لاقيته سخن بدرجة ملحوظة .. يبقى ده عيب فرامل .. ممكن يكون جهاز قافش او تقيل .. اما بسبب الجهاز او بسبب عيب فى الماستر او السيرفو .. ملحوظة .. فى العربيات اللى جر امامى الجنوط الامامية بتكون اسخن من الخلفية .. لانها بتاخد حركتها من الكبالن اللى متوصلة بالجير بوك اللى بيكون واخد سخونة الماتور .. ده مهم انك تحطه فى اعتبارك و انت بتكشف على سخونة الجنوط
انا بحط نيتروجين من ساعة ما اخترعوه تقريبا كده من اربع سنين
الفرق يا جماعة مش بيكون محسوس - الفرق بيكون في العمر الافتراضي للكاوتش لان النيتروجين مثلما ذكر من قبل غاز خامل و نسبة تمدده و انكماشه بسيطة جدا لذلك هو يحمي الكاوتش من تشققات التمدد و الانكماش
و بالنسبة لواحد زي حالاتي عنده وسوسة في ضغط العجل لاني لازم اروح بريدجستون اللي في لوران او سموحة او زيزينيا مرتين في الشهر للتشييك و بأكد علي بريدجستون لان عدادتهم الادق و الاعلي دقة
جرب كده تروح عند واحد بتاع كاوتش عادي و عنده نيتروجين و في نفس ظروف التشغيل يعني لو روحت النهاردة الصبح و انت لسه خارج من البيت و ده افضل الاوقات روحله برضه بكرة الصبح في نفس التوقيت حتلاقي قراءة العداد مختلفة تماما انما بصراحة بريدجستون عدادتهم معايرة بشكل قياسي
فعلا الناس بتخلط بين التغيير بسبب النيتروجين و التغيير بسبب الكاوتش الجديد!!!
مفيش حد بيحط نيتروجين في كاوتش قديم
انا شايف ان فائده النتروجين مش مجرد احساس اكثر ما هو فائده للكاوتش بدلا من الهواء والفائده اكثر في الصيف وكلنا عارفين درجه الحرارة واكيد هذه الماده لها تاثير علي عدم انفجار الكاوتش لا قدر الله او علي السرعات العالية مجرد وجهة نظر