الراجل نايم عشان يصحى بدرى وانتوا قلبتوها شات
ده من زهقه ( لثه ) عامل اعلان فى موضوع المقابله بتاعة عيد ميلاد المنتدى
بس المعلومات بتاعتكم مفيده وكان ممكن يلاقيها بخلع ( الضرس )
ربنا يسهلوا و ( يخلع ) من عندكوا وهو مبسوط
:tooth::tooth::tooth:
.
عرض للطباعة
الراجل نايم عشان يصحى بدرى وانتوا قلبتوها شات
ده من زهقه ( لثه ) عامل اعلان فى موضوع المقابله بتاعة عيد ميلاد المنتدى
بس المعلومات بتاعتكم مفيده وكان ممكن يلاقيها بخلع ( الضرس )
ربنا يسهلوا و ( يخلع ) من عندكوا وهو مبسوط
:tooth::tooth::tooth:
.
ايه اللي حصل في اسكندرية ؟؟
عاوزين تقرير عن الرحلة :b4_033:
تم الصحيان من الساعه الخامسه فجرا (علما اني نمت الساعه 2:30 فجرا برضو)
تم تسخين الصني و الاستعداد للحركه في تمام الخامسه و النصف (بعد كوب النسكافيه و اللذي منه)
كنت ظبطت ضغط الهوا في حوالي الساعه 11 مساء ليله السفر 32 قدام و 29 ورا
اتكلت علي المولي و اتحركت و وصلت للبوابات الساعه 6:45 فجرا (المشوار قطع 15 دقيقه من مدينه نصر للبوابات من خلال كوبري اكتوبر و المحور)
سبحان الله هي المسافات بتكش بالبروره؟
و قفت في ماستر اشتريت ريد بول (لزوم الجوانيح) بس مبحبش اشريها الا لو محتاج افوق قوي
كملت الطريق
و في الطريق كان علي الخط الراجع من اسكندريه حادثه ربنا يكفيكو شر السرعات و الطريق
عربيه نقل و عربيه تقريبا تقريبا شكلها لانسر
قولت اصورها و انا راجع لكن عديتها للاسف و مش نافع ارجع بضهري
العربيه مفتته من الكبوت للصالون الخلفي
برجاء قرايه الفاتحه علي ارواح المتوفيين(معرفش مين كان فيها بس شكلهم توفو العربيه شكلها مقبض)
و ده تحذير لهواه السرعه اللي بيضايقو من كلامي بطول و عرض المنتدي
السواقه ملهاش كبير
وصلت بسلامه الله لعروس البحر المتوسط سالما غانما حوالي 8
8:30
و شهاده لله
كليه طب اسنان اسكندريه قمه في تميز طلابها و اساتذتهم و موظفين الكليه
ناس قمه في التعاون و الادب
حسيت اني بين اهلي
و ساعدوني بكل ما يستطيعو
و شكر خاص للاستاذه الدكتوره وفاء في قسم الصحه العامه للفم و الاسنان و سكرتاريه القسم
و بعد ما خلصت الكليه.......
كلمت الكبير
و رد عليا !!!
و قابلته
اه و الله قابلته
نجم نجوم المنتدي و لمبه الوسطانيه في نجفه المنتدي و الاسكندريه.....
شنوري
كان ناقص يشيلني من علي الارض شيل
و كنت موفر شكره في تجمع المنتدي بس مادام ابو رقيه حكم يبقي علي السمع
و شوفت الانهيار الارضي بعيني (محدش قاللي)
و ركنت بجوار سور الكليات صف اول(محدش بيركن الركنه دي الا لو كان مرزق)
و بعد كده
اخدت الطريق تاني و اتجهت للقاهره
و كان في حادثه معطله طريق تحويله و انا راجع
و لما الوقفه طولت قولت انزل اشوف فيه مصابين ولا لأ (انا واخد دوره اسعافات اوليه) بس ملحقتش اوصل و بعد كده العربيات بدأت الحركه و لو حد كان علي الطريق يومها اكيد شافني و انا بجري راجع لعربيتي الصني
و بالمناسبه في عيد ميلاد المنتدي هبقي اتكلم في عمل دورات اسعاف اوليه للاعضاء عن طريق الهلال الاحمر
مفيده جدا جدا جدا و ربنا ما يحوج حد ليها بس وقت الازمات و الحوادث و في عدم وجود طبيب بشري بيكون في ايدك اسعاف المصاب بطريقه صحيحه بعيدا عن العك بتاعنا اللي في الشارع و فيها حاجات جميله عن كيفيه التعامل مع الحروق و الشرقه و الكوارث و كل المواقف الصعبه اللي ممكن تواجهنا يوميا
و اول مادخلت بوابات القاهره العجوز الشمطاء......
عوادم و زحام مرير
كلاكسات و زحمه و تكسير و قطع طريق
و انا مش قادر افتح عيني بس الحمد لله وصلت بسلامه الله و انا مش مصدق كل اللي حصل في اليوم ده
و اترميت في احضان جزيره القطن غير مأسوفا علي في تمام العاشره
متشكر بجد للجميع و كتر الف خيركو كلكو
الواحد طلع ليه اخوات و اهل و هو مش عارف
ربنا يديم المعروف
آمين
وألف حمد الله على سلامتك
أنت ما قعدتش 3 أيام يعني زي ما قولت ؟
توفيق ربنا و كرمه
حمد الله على السلامة يا دكتور و ياريتنى كنت مع الشنورى هو يحكيلك كنا عملنا ايه بس يالا هو اكل التفاحة لوحده و نورت اسكندرية
تم غلق الموضوع بناء علي طلب صاحبه
لانتهاء الغرض منه
مشرف عام 3