هل تقبل ان شريكه حياتك تكون غير متعلمه

**misoalex** · 20-03-2010 04:14 AM

سؤال

هل تقبل ان شريكه حياتك (زوجتك) تكون مكملتش تعليمها او اقل منك فى التعليم ؟؟؟

**A7MED_PHARMA** · 20-03-2010 04:42 AM

ميزو حبيبي

في الظروف إلي إحنا فيها ..صعب إنها تكون مش متعلمـــة
لكن ممكن تكون أقل في مستوى التعليم
يعني تعرف
أنا عارف دكاترة بشريين متجوزين دبلومات
وعدد غير محصور من خريجي الكليات (غير المسمى بكليات القمة) متجوزين بنات بدبلومات
.
الأخلاق مهمة جدا
وإسم العيلة مهم(مش جدا)
ومستوى التعليم ..يُفضل إنها تكون -على الأقل-مؤهل

**M.almaghraby** · 20-03-2010 05:17 AM

دبلومات دي صعبة شوية

**A7MED_PHARMA** · 20-03-2010 05:24 AM

المشاركة الأصلية كتبت بواسطة dr.almaghraby

دبلومات دي صعبة شوية

عارف والله ياداكترة إنها صعبة
بس تعرف
أحيانا -وده صعب- تقابل بنت تسحرك بكل حاجة فيها
جمالها ..أخلاقها ..حيائها ..دينها .. أنوثتها..كل حاجة
وفي نفس الوقت تكون دبلوم

ساعتها إنت ممكن تحسبها بالعقل والقلب
تلاقيك إخترتها هيا

...وده ده ممكن يحصل في المدينة الفاضلة
مش في مصر حبيبتنا كلنا

**m.aligamal** · 20-03-2010 05:34 AM

نفس الحال فى دمياط بنات دكاتره متجوزين عمال و دبلومات عمليييين جدا الجماعه دوول

**A7MED_PHARMA** · 20-03-2010 05:43 AM

تمام كده ..العكس برضو ماشي

في البلد إلي أنا فاتح فيها الصيدلية ..3 دكاترة سيدات متجوزين رجالة معاهم دبلومات ومعاهد فنية

وهنروح بعيد ليه
إبن عمي ..شغال سواق في السعودية ومعاه دبلوم
فوجئت بخبر صاعق لحد دلوقتي مش مصدقة
لما جتلي دعوه فرحه ....متجوز كارديولوجيست شغاله في السعودية

قسم وأرزاق

**A7MED_PHARMA** · 20-03-2010 06:04 AM

المشاركة الأصلية كتبت بواسطة dr.almaghraby

لا لا بجد غريبة اوي موضوع العكس دا

ربنا يهنيهم يا رب..........

بس دا مش ممكن يعمل مشاكل يا جدعان؟ يعني هل بيبقي فيه تفاهم؟

السبب واضح جدا ياداكترة
البنات بدأت تعنس فعلا ...لأسباب كتير أوي
قلة عدد الشباب
الغلاء الطاحن
المغالاة في المهر والشبكة والذي منه
أزمة العمل والبطالة بين الشباب

فالبنت بتكون خياراتها محدودة جدا
ولما سنها بيكبر يوم بعد يوم ..خياراتها بتقل أكتر وأكتر

يعني مثلا
البنت إلي شغالة عندي في الصيدلية
لها أخت
ماشاء الله جميلة أوي ..ومحترمة أوي ..ومن عيلة لها إسم في البلد
وماديا كويسين جدا ..وتعليم عالي (كلية تربية) ...ومُدرسة في مدرسة
وعندها 30 سنة ..ولسه ماإتجوزتش

وعلشان خياراتها المحدودة
إتخطبت لواحد سواق ميكروباص
معاه الإعدادية

...

-

-

-

الموضوع: هل تقبل ان شريكه حياتك تكون غير متعلمه

LinkBack

أدوات الموضوع

عرض

هل تقبل ان شريكه حياتك تكون غير متعلمه - انشر الموضوع فى :

-

-

-

-

-

المواضيع المتشابهه

هل تقبل أنك تكون رقم أتنين فى حياة الأنسانة اللى أختارها قلبك؟!

الناس الي اتجوزن .. احكلنا بدات تكون نفسك و حياتك ازاي ؟!

هل يشترط ان تكون اى قطعة يتم تغييرها المانى ولا ممكن تكون المانى مغشوشة وماركات تانية

.. العربيه " متعلمه " .... !!

الكلمات الدلالية لهذا الموضوع

المفضلات

المفضلات

ضوابط المشاركة