-
صوت موتور الياريس
يا جماعة .. أنا عندي ياريس موديل 2008 .. عاملة 68000 كم ... اليومين اللي فاتو بدأ صوت الموتور يبقي عالي ... بيبقي باين أكثر لما سرعتي تبقي فوق ال 80 كم/الساعة ... بدأت أعمل رحلة للبحث عن السبب : غيرت زيت الموتور موبيل 1 مع الفلتر (وكان ده معاد تغيير الزيت فعلا) ... غيرت البوجيهات ... ربطت العفشة ... ولما جيت أكشف عن فلتر الهوا ليقيته في الضياع .. بعت أجيب واحد (أنا من أسيوط وعمري مارحت التوكيل لأني دكتور ومش فاضي) ... هل لما أغير الفلتر الأمور هاتتحسن ... وهل في حاجة تانية ممكن أعملها ... بصراحة العربية ممتازة وصوتها ناعم وأنا مش متعود صوت الموتور يبقي عالي كده ... هنتعبكم معانا
-
ده يا باشا غالبا بلية سير أو بلية ديتامو ممكن تروح عند ميكانيكى كويس يشيك لك على رولمن البلى بتاع السيور و يقولك أنهى بلية هى الخشنة و تغيره
يس الأفضل طبعا تروح التوكيل:U_thin1[1]:
-
طيب ياباشا قصة الرولمن البلي بتفرق من تويوتا لأي ماركة تاني ... هو أنا قرأت في الصيانة أنه لازم أغير سيور اعلي 30000 كم ... طب لو كنت هاتأخر عليها ..ممكن يحصل أيه
-
لو الصوت ده خشونة بلى الدينامو يبقى ما يتسكتش علية طبعا علشان كده ضرورى تحدد الصوت ده منين فى أسرع وقت
-
فى الغالب سيكون فلتر الهواء هو السبب حيث يجب تغييرة عند ال25000 وال45000 وال65000 وتنظيفة عند ال5000 وال15000 وال 35000 وال55000 اى تغيير كل 20000 وتنظيف كل 10000
Content Relevant URLs by
vBSEO 3.6.0 PL2