تجربتي في اصلاح تهريب الكهرباء
بعد القلب الي اتعرضت له و كنت هغير البطاريه فكرت بعمق وقلت انا عندي خبره في كهرباء المصانع و دي فيها شبه بكهربت العربيات فليه محاولش احل مشكله التهريب بنفسي.
فكيت كوابل البطاريه الموجب و السالب وقست الفولتيه كانت 12.45 و قلت حسيب العربيه لليوم التاني ل نزلت الفولتيه البطاريه بايضه و لو فضلت زي ما هي عندي تهريب كهرباء.
اليوم التاني قست الفولتيه كانت 12.3 فولت معناه البطاريه سليمه و عندي تهريب كهرباء.
جبت الامبير ميتر و فكيت الكيبل الموجب عن البطاريه و قست الامبير كان 0.18
صرت اشيل فيوز فيوز اقيس كل مره و كل مره كان القياس 0.18 امبير.
اطلعت على علبه الفيوزات لقيت في فيوز في العلبه من الخلف شلته وقست صارت القراءه 0.03 امبير قلت خلاص ده بغذي منطقه تهريب الكهرباء.
اتبعت السك الي طالع من الفيوز لقيته بغذي كتاوت فكيت الكتاوت لقيته شكله مش سياحي و فيه حميان والبلاستيك بتاعه ذايب بدلته و ارجعت ركبت الفيوز تاني وقست السحب لقيته 0.03 امبير.
اليوم التاني قبل مطلع على الشغل قست الفولتيه لقيتها 12.4 فولت.
وكده ان شاء الله تكون المشكله انحلت.