عرض للطباعة
بسم الله الرحمن الرحيم
السلام عليكم ورحمة الله وبركاته
أنا حاسس كده انى هبقى فاشل فى السواقة
رحت مدرسة عشان اتعلم السواقة
وبعد 4 حصص عملى حاسس ان مفيش منى أمل
فاضل 5 حصص بس تفتكروا هيجبوا نتيجة ولا مفيش أمل
طمنونى
واحد اخد 4 حصص سواقة مفروضمستواه يبقى ايه؟؟؟؟؟
:stink[1]::stink[1]::stink[1]::stink[1]::stink[1]::stink[1]:
4 حصص ولا أي حاجة
فصبر جميل والله المستعان
هتتعلم يعني هتتعلم
يا رباقتباس:
المشاركة الأصلية كتبت بواسطة الصيداح
أنا عماد ابن عمتي اتعلم بعد اكتر من عشرين حصة
وبعيييييييييييييييييييييي ييد عن السامعين حادثة نونو
أوصيك بتلات أشياء
أولهم الصبر
ثانيهم الصبر
ثالثهم ده بقى هو
برضه الصبر
ألفي بشرى
نصيحة اوعك تخاف ، اوعك تخاف ، أوعك تخاف ، السواقه ممارسة وقلب
هاتتعلم باذن الله فى الاول كده انا كانت عندى اوهام ووصلت لمرحلة قلت مش هاسوق و مش نافع لكن رجعت فكرت و قلت هيا حتت الحديدة ديه هاتغلبنى ما كل الناس بتسوق يا راجل دا مرة مسكو سواق مكروباص عنده رجل مقطوعة و سايق هههههههههههههههههه ما تخافش و موت قلبكاقتباس:
المشاركة الأصلية كتبت بواسطة hossam2003
إقرأ الموضوع ده هايفيدك جداً
http://www.nilemotors.net/Nile/127724-a.html
كلنا كنا كده فى الأول متقلقشى...أنا دخلت مدرسة سواقة و خرجت بعد 8 حصص معرفشى غير إنى أدور العربية بس...:stink[1]:
روحت بعد كده لواحد بيعلم على عربيته خدت 4 حصص و كملت الباقى على عربيتى...و الدنيا مشيت زى الفل...:S_thum1[1]:
يا باشا السواقه ممارسه مش اكتر .....
يعنى انتا بتتعلم الاساسيات مش اكتر ومع الممارسه والغلط هتبقى زى الفل بس نصيحه وانتا بتتعلم الاساسيات اتعلمها صح عشان الحاجه اللى هتتعود عليها مش هتعرف تغيرها :dontudear:.....
واخر حاجه اصبر وماتعقدش الامور ...
معاك حق الحاجة اللى الواحد بيتعلمها فى الأول صعب يغيرها ، أنا لما كنت بتمرن فى مدرسة كانت العربية هيونداي أكسنت كان المدرب اللى معايا من أول حصة لآخر حصة كان يقعد على الكرسي اليمين و يظبط مراية الصالون لنفسه و يخليني أشتغل على مرايات الجناب قعدت سنة و نص معتمد بشكل أساسي على مرايات الجناب و قليل جدا لما ابص فى مراية الصالون و لو بصيت فيها أحس انى مش مقتنع.اقتباس:
المشاركة الأصلية كتبت بواسطة hesham_7amza
كمان فهمني انى لما ألاقي عربية ركنة أو بطيئة أحاول اطلع منها قبل ما أوصلها بمسافة كبيرة على قد ما أقدر و فى واحد علمنى لما أرجع لورا أعتمد على المرايات مش ألوي جسمي و أبص لورا و كل ده بقى عادة عندي.
احسن طريقة تتعلم
انك تشوف حد من اصحابك او قرايبك وتتعلم على عربيته
و شوية شوية و على مهلك خالص
حاول في الاول تتعلم تتحكم في العربية وعلى اهدى سرعة
وخد وقتك في كل مرحلة
اتعلم تطلع بسرعة ( بس ببطء يعنى تبدأ التحرك على طول وتبقى مسيطر على العربية ومظبط رجلك كويس ) وتقف برضه في الوقت المناسب
والكلام ده يبقى في شوارع جانبية واوقات هادية
وشوية شوية تتعلم تلف و تتنقل بين الشوارع
وبعدين تتعلم تدى الاشارات وتضرب كلاكس وتتعلم تبص في المراياات
وواحدة واحدة وعلى اقل من مهلك وكل ما خدت وقتك كل ما اتعلمت صح
اوعى تجرى وتجيب التالت و الرابع وتطلع على طريق في الاول
اسهل حاجة الجرى
انما اصعب حاجة انك تتحكم في العربية زي مانت عايز
واهم حاجة للمبتدئ التحكم في العربية وانه يتعلم يمشى بأقل سرعة من غير ما تبطل منه و يقف ويتحرك تانى بكل سلاسة
مجرد ما تتقن الحاجات دى
تبدأ تمشى في البلد بالراحة برضه ويكون جنبك حد
وتتعلم بقى الركن وانك تضير و ترجع ورا و تاخد بالك من ابعاد عربيتك وتحفظها
شوية شوية تبدأ تزود السرعة وتطلع على طريق وتتعلم اكتر المرايات و الحاراات و كل حاجة
وشوية هتلاقى نفسك بتسوق كويس اه بس على عربيتك بس
بعدها هتلاقى نفسك تقدر تسوق اي عربية وتاخد عليها بسرعة
يعنى الحصص دى مجرد انت بتعرف يعنى ايه عربية وبتتعرف على السواقة فقط
انما التعليم الحقيقى هييجى بعدين بالصبر و الممارسة والخبرة
السواقه ممارسه و خبره و هدوء اعصاب
كلنا كنا زيك في الأول
نصيحتى لك جمد قلبك القيادة حسن تصرف وسرعة بدية
انا شخصيا اتعلمت السواقة فى ساعتين زمن
وبعدهم وفى وقت متاخر باليل اخذت العربية ورحت ماشى فى الشارع داخل المدينة
وتانى يوم الصبح رحت بيها الشغل
وكانت النتيجة فى طريق العودة خبطة بسيطة جدا فى خلاطة خرسانة وقفة فى الشارع
بس حاول تعرف كل حاجة عن العربية
وربنا معاك
طالم خايف تبقى حتتعلم
ممكن سؤال بره المنهج انت مطلع العربيه فوق السطح ازاى؟اقتباس:
المشاركة الأصلية كتبت بواسطة agmgranturismo2006
ما لقتش مكان فى الشارع قلت اركن على السطح ههههههههه بهزر طبعا ده جراج العتبة و كان يوم زحمة جدا و المكان الوحيد الفاضى كان على السطح و كنت مستنى العيلة بيجيبو حاجات و لما الموضوع طول قلت اخد كام صورة للعربية و انا باتشمس:10d5c8~1107:اقتباس:
المشاركة الأصلية كتبت بواسطة asdcat39
عايز اقولك على حاجة ... طوب الأرض بيسوق العربيات في مصر والعالم كله ... هما دول احسن منك في حاجة ؟؟؟
المشكلة انى حاسس ان المدرب مش بيعلمنى او يشرحلى هو مخلينى أسوق وخلاص
مش بيدينى قواعد ولا اى حاجة
ممشينى بالريموت دوس بنزين فرامل دبرياج
معلمنيش اى حاجة
المشكلة ان صاحبى الوحيد اللى ممكن يعلمنى على عربيته ان العربية اتوماتيك
دعواتكم بقى
سوق عربية اوتوماتيك
انا فاكر لما اشتريت العربية الاوتوماتيك خالي جبهالي وقال اركب وركب جنبي وقال لما عايز تمشي تحرك الفتيس لحرف d وتدوس بنزين وامشي ولما عايز تقف دوس فرامل ولما العربية تقف هات الفتيس على p
وسابني ومشي حتى من غير ما يقلى باقي الحروف
وبقيت انا والعربية لوحدينا
ومن ساعتها وبفضل ربنا عمري حتى ما خدشتها
ميزة العربية الاوتوماتيك انها مش محتاجة دبرياج ومش محتاجه غيارات اول وتاني وتالث هي اللي تغير لوحدها
دوس بنزين تمشي دوس فرامل تقف
بس خلاص
هههههه وانا اللى مفكره سطح البيت يالا يا باشا جت سليمهاقتباس:
المشاركة الأصلية كتبت بواسطة agmgranturismo2006
بس بالطريقة دى عمره ما هيتعلم المانيوال بعد كدةاقتباس:
المشاركة الأصلية كتبت بواسطة skybird
وهيبقى كأنه ما بيعرفش يسوق
تعليم السواقة هو السواقة المانيوال
واللى يتعلم اوتوماتيك صعب يرجع يسوق العادى
انا لما كنت في السعودية ابويا ما علمنيش عشان كانت العربية اوتوماتيك
على فكرة الموضوع اسهل ما يمكن وكلنا كنا كدة في الاول
الفكرة ان التعلم في مدرسه مش هو الحكم على السواقة او الفشل انا سوقت من غير مدرسة ولا غيرة
وبتتعلم اكتر لما يكون عندك عربيه تحت ايدك وتطلع منطقة فاضية انت وحد هو يوم وهترجع سايق
وايه اللي هيحصل لو ما تعلمش يسوق مانيوال؟اقتباس:
المشاركة الأصلية كتبت بواسطة amrelsaqqa
عادي يعني المهم حاجة تقضي المصلحة منها
والمستقبل كله للاوتوماتيك
وانا رايي انو لو خد الثقة في الاوتوماتيك يبقى سهلة بعد كدة حكاية الدبرياج والغيار
وانا سوقت مانيوال عادي بعد الاوتوماتيك ومكنتش معضلة زي ما البعض فاكر
يامعلم بص كلنا كده وانا على فكرة لسه بتعلم .. لسه مبقتش محترف ,, وبتحس في الاول ان مفيش فايدة وكلااام من ده بص هوا الموضوع تقويقلبك وممارسة وكله هيبقى تماااام .. انا اتعلمت على عربية زيرووو وكنت بترعب لما المسها بس مع التعود كله هيبقى تمااام ...
لأ طبعاً مين قال انه مش هيعرف يسوق مانيوال!اقتباس:
المشاركة الأصلية كتبت بواسطة amrelsaqqa
انا اتعلمت على اوتوماتيك بس في سن صغير (6 سنين كنت بطلع قدام وارجع ورا) (7 سنين كنت بمشي في الشوارع الفاضيه) (10 سنين كنت بسوق العربيه 100%) وفضلت كده معرفش حاجه عن المانيوال لحد 13 سنه وعرفت الاساسيات في 10 دقايق واعدت اتدرب على الدبرياش يوم واحد وتاني يوم كنت بسوق المانيوال عادي خالص والسبب في كده اني كنت متعلم التحكم في العربيه كويس من الاوتوماتيك ومجرد اني زودت عليه النقل والدبرياش وكده فمكنتش بتلخبط لان الدركسيون بيبقى ليه رهبه وكمان تبقى عايز تدوس دبرياش وتنقل وانت ماسكه فلو اول مره تسوق هترتبك انما لو راحت رهبة الدركسيون كل حاجه هتبقى طبيعيه
ودي وجهة نظري
نصيحه طالما في عربيه اوتوماتيك متوفره اتعلم عليها كويس لحد ما تتقن مسك الدركسيون كويس ومتبقاش مكلبش فيه ،وبعد كده روح مدرسة تعليم واعرف الاساسيات هتبقى تمام ان شاء الله لانك هتعرف تركز على رجلك كويس
انا برضه حابه اقول تجربتى انا واحدة من الناس كانت عندى عقدة من السواقة كنت خايفة جدا من السواقة وسط الشارع وحاسة ان ده شئ مستحيل وبعد ماخدت 5 حصص كده اشتريت عربية مستعملة اتوماتيك وكنت متضايقة لان الناس برضه قالولى عمرك ماهاتسوقى مانيوال بس بصراحة هى اللى خلتنى اتغلب على خوفى من السواقة فضلت اسبوع كده باسوق طبعا وانا ميتة من الرعب وبعد كده خلاص راحت رهبة الطريق وحاسة انى اتعلم مانيوال عادى
انا شايفة بما انك متوتر قوى من السواقة مفيش مشكلة تبدأ اتوماتيك لحد ماتتعلم ازاى تسيطر على العربية وبعد كده اتعلم مانيوال
وعايزة اقولك على حاجة كمان انا برضه اخدت من زمان 4 حصص مااتعلمتش فيهم حاجة بس اكتشفت بعد كده ان اللى كانت بتعلمنى كانت قاصدة علشان تكتر معايا فى الحصص ولما اخدت من فترة قريبة ال5 حصص دول بجد كانت اللى بتعلمنى كويسة جدا وعلمتنى كل حاجة وفعلا فى خامس حصة كنت باسوق كويس
حاول تغير المدرب لو حاسس انه مش بيعلمك كويس
وربنا يوفقك
القياده مراحل
-تعليم الاساسيات والتعود على العربيه (ودي اهم مرحله)
-خبرة الطريق وكيفية التعامل مع السيارات الاخرى (ودي بتيجي بالممارسه)
-الاحتراف ودا مش موجود في مصر ههههههههههه
المراحل دي كلها الاساس بتاعها انك تتعلم تسوق كويس اوي
والسواقه الكويسه بتيجي بالممارسه وبعد كدا بيبقى عندك خبره
السواقه سهله جداا
يمكن نوع العربيه بالنسبالك هو العائق
او الشخص اللي جمبك
شوف اللي مدايقك وقولو
وان شاء الله تتعلم على خير