ايه احسن سيارة فى السوق a/t f/o فى حدود 90 الف
عرض للطباعة
ايه احسن سيارة فى السوق a/t f/o فى حدود 90 الف
رينو سيمبول
تصميم رائع مع جوده اوروبيه
بس بيقولوا قطع غيارها غالية
اى عربيه جديده قطع غيارها غاليه وفى الاخر لو قارنت بموضوعيهة بين الانواع المختلفه هتلاقى الاختلافات والتفاوتات بينهم مقبوله
بس لنا وجهت نظرى ان الجوده الاوروبيه فى الفتره الحاليه افضل اختيار بدون الحديث او الاحتكاك بالموديلات الاخرى علشان محدش يزعل
يا نيسان صنى يا بيرسونا
بس البيرسونا الكاملة فيها وسائل أمان أعلى بكتير من اللصنى EX Auto
لو نيسان يبقى سوبر صالون لو مش كده يبقى خليك فى البيرسونا
وإستخير ربنا وأكيد هبيوفقك للى فيه الخير ليك إن شاء الله
حسب الذوق العام ,, كلهم فيهم مميزات من ناحية وعيوب من ناحية أخرى
في نظري الأكسنت
في رايي الصني اختيار مناسب بالنسبة لفئة ال90000
الاكسنت من غير كلام الشكل القديم ب 82 والجديد 86
اولا البرتون ده مش منتشره وانا نفسي معرفتهاش الا من المنتدى هنا يعني عمرك ما تلاقي اعلان عنها ولا اي حاجه وبعدين ماليزي يعني مظنش انها معمره خالص هيا امكانيات اه لكن مش حتقعد معاك
ثاني حاجه الصني دلوقتي بقت بتتقفل هنا يعني اصرف نظر احسنلك عشان كل شويه حيطلعلك فيها حاجه وكمان شكلها قديم
كيا ريو والاكسنت قريبين من بعض اوي بس في رايي الاكسنت تكسب بالذات الشكل الجديد وشكرا
بدون اعتبار ان التعليق على اى ماركه او عربيه بعينها
اولا انا قلت السمبول من وجهت نظر الفقير الى الله وذلك للاتى
اولا الكورى من هيونداى الى الكيا لا اظن انو معمر نهائيا واظن ان العربيه هتكون فى حساب الخمس سنوات لا اكثر بالاضافه الى السعر المغالى فيه واللى خلاها فى نفس المستوى السعرى وانا بقول تانى المستوى السعرى وليس الكفاءة او الاعتماديه من بعض الماركات اليابانيه لذا انصح بالابتعاد عن الكورى
نيجى للماليزى بصراحه لولا التوكيل والتقفيل المصرى لكان فى المرتبه الاولى عن الكورى لانى اجد الصناعه الماليزيه وتكنولوجيا التصنيع عنهم افضل من الكورى
اما النيسان الصنى فى عربيه لا يعترض عليها اى فرد بس السوبر صاالون فقط يعنى غير الصوبر صالون محدش يجيب
وده اللى خلانى قولت السيمبول عربيه حديثه التصميم وتقفيل وجوده اوروبيه واللى بصراحه حتى الان هى المتفوقه بعد ما حدث لبعض الماركات اليابانيه فى الفتره الاخيره
وده رأى شخصى جدا ولا يعتبر اعتراض او هجوم على اى ماركه اخرى ولكن يمكن اعتباره تحليل بسيط من العبد الفقير الى الله وفى الاخر صلى الاستخاره وربنا هيهديك لما فيه خير لك
لو هاتجيب بيرسونا يبقى رأيى تنتظر الجديده اللى يمكن تنزل 2011 بصراحه فيها تعديلات حلوه من جوا وبرا
بس اكيد هاتنزل اغلى من 90 لان الموجوده حاليا ب 92 اصلا
انا رأيى كيا ريو أو نيو أكسنت