انا عندى رصيف خاص بالبيت ارتفاعه متر او اقل
دلوقتى انا لو عايز اعمل مطلع عربيه بتتحسب ازاى
او
المطلع الى هو الوتر طوله هيبقى كام و القاعده بتاعته هتبقى كام يعنى هاخد كام متر من طرف الرصيف
عرض للطباعة
انا عندى رصيف خاص بالبيت ارتفاعه متر او اقل
دلوقتى انا لو عايز اعمل مطلع عربيه بتتحسب ازاى
او
المطلع الى هو الوتر طوله هيبقى كام و القاعده بتاعته هتبقى كام يعنى هاخد كام متر من طرف الرصيف
طب ممكن نعرف :- أرتفاع العربية عن الأرض +أرتفاع المطلع + بعد الأكصدام الأمامى عن مركز العجلة الأمامية + المسافة بين العجلتين (من المركز) (علشان الأكصدام ميحكش وهو طالع وعلشان الرصيف ميحكش فى العفشة)
وياريت لو تقولنا أنت ينفع تاكل من الرصيف ولا المطلع هيبقى فى نهر الشارع (يعنى المطلع هيطلعك على الرصيف ولا هتعمل الرصيف نفسة مطلع)
هو انا مش مهندس :) , بس انا نفذتها قبل كدا بالاسلوب ده
اظن ان الفكره كلها فى ان النقطه اللى عندها ارتفاع المطلع بيساوى ارتفاع الاكصدام الامامى عن الارض لازم يكون المسافه بينها وبين اول المطلع اطول من المسافه بين اول نقطه فى الاكصدام والعجله اللى قدام
دى صوره توضح اللى اقصده , البرتقالى اللى عنده الارتفاع متساوى لازم يكون ابعد عن الارض من بعد العجله عن الاكصدام نفسه سواء ورا او قدام , وطبعا دايما البعد قدام اكبر فطالما ظبطها على قدام على طول هتتظبط على ورا
وبرده شوف استنى رأى الساده المهندسين احتمال تكون حساباتى غلط
http://img638.imageshack.us/img638/850/44059603.jpg
فى حاله الرصيف عندك انت الاول محتاج تحدد النقطه اللى عندها هيبقى اول المطلع وبعدين النقطه اللى عندها المطلع بنفس ارتفاع العربيه , وتبدأ تاخد من ارتفاع الرصيف لحد ما توصل نقطه تساوى الارتفاع الى مسافه تبعد عن اول المطلع اكتر من بعد العجله اللى قدام عن اول الاكصدام
فهمت حاجه :)
ارتفاع العربيه عن الارض 1,490
ارتفاع المطلع مش عارف حضرتك تقصد ايه بس الرصيف غالبا 80 سنه ارتفاعه لنفرض انه متر
بعد الاكدصام الامامى عن مركز العجله الاماميه 895
المسافه بين العجلتين 2,650
الخلفيه عن الاكصدامالخلفى 985
طول العربيه 4530
دى الابعاد
بالنسبه للرصيف ممكن اكل منه مفيش مشاكل
بس الفكره فى انه الجزء الداخلى من البيت معمول بسيراميك ومش عايزين نكسر فيه
عرض الرصيف 70 سم
هى فى كل الاحوال مش هتفرق لانه الارتفاع موجود برضه فى دخله البيت
شكرا يا باشمهندس بتعبك معايا
بس يا استاذ احمد انت كده امنت طلوع ونزول العربيه بس المسافه بين العجلتين هتبقى فين
ما انت ممكن تطلع اول فرده كاوتش بس العربيه توطى فى النص وتحك ؟
الله يكرمك يا دكتور ده بعض مما عندكم , هو على فكره البشمهندس مصطفى ظبطها اكتر منى علشان هو قاس المسافه من مركز العجله ودى فاتتنى وفعلا ممكن تفرق لأن انا حسبتها من اول نقطه فى جنب العجله ودى غلط
هو بالنظر لأرتفاع الارصفه فى البيوت مفتكرش ان الموضوع هيوصل لدرجه ان وش العربيه يبقى فوق الرصيف بيتحرك ولسه العجله اللى ورا على اول المطلع فعلى اساس كدا تجاهلت الحته دى , هو الرصيف عندك اعلى من الطبيعى بكتير ؟
ونسيت تقولنا اول نقطه فى ارتفاع المطلع تبعد عن الرصيف قد ايه علشان نحسب لك المقاسات المظبوطه اللى تشتغل عليها
انا لسه واخد بالى حالا من حته ان الرصيف متر دى :) , دكتور هو الرصيف عالى لدرجه انك ممكن تسند بأيدك عليه وانت واقف ؟؟
اصل متر فى رصيف دى يعنى تطلعله بسلم وفى الحاله دى انت عايز مطلع بجد مش اى كلام وهتاخد قصاده مساحه محترمه
ولو ربنا يخليك يا استاذ احمد
هو ارتفاع الرصيف من 80 سم لمتر
نقطه البدايه انا مش محددها لكن لو على اد مترين فى الشارع مش مشكله ههههه لكن لو اكتر ممكن اخد من الرصيف
انا حاسس انه الحسبه هتعدى ال 4 متر الى هى القاعده بتاعه المثلث
اه هو عالى يا استاذ احمد
هى المشكله دلوقتى فى انه لو كسرنا فى الرصيف هيبقى فيه مشكله لانه ارتفاع البيت او ارضيه البيت من جوه بارتفاع الرصيف وانا مش عايز اكسر السيراميك و اشيل من ارضيه البيت لانى بكده هطرد بره البيت ههههههه
المشكله انه والدى عمل الرصيف بالرخام و الحيطه الى كانت المفروض تبقى باب جراج الى هتتكسر عملها بطوب فرعونى بس انا محتاج الجراج فى البيت زهقت من المشاكل الى بتحصل للعربيه كل يوم فى الجراج
لا بصراحه كدا الموضوع خرج برا قدراتى على هندسه المطلع :stink[1]: , بس انا هقولك على حاجات برده ممكن تشوفها علشان اعتقد بشمهندس مصطفى هيحتاجها فى الحسبه بتاعته
محتاج تعرف اقرب نقطه فى جسم العربيه بين العجلتين تبعد قد ايه عن الارض , وربنا يعينكم بصراحه ده كدا الموضوع مش بس بدايه المطلع هتبقى فين ده الموضوع بقا فيه زاويه ميل المطلع كمان واذا كنت هتحتاج تاكل من الرصيف ولا لا
انا رأى قضيها بلدى :) , هات خشبه طولها 265 سم اللى هى قاعده العجلات وعديها على الهواء كدا شوف فين اخر الخشبه اللى يبقى راسى على المطلع والطرف التانى منه يساوى ارتفاع العربيه فوق العجله اللى قدام وخلى النقطه دى هى نقطه المركز بتاعت الضلع اللى هيبقى مايل , اى كفته يعنى والسلام :vctry:
بس فعليا انا اللى وصلتله حقيقتين , لازم يكون النقطه اللى ارتفاعها بيساوى ارتفاع اكصدام العربيه ابعد عن مركز العجله عن اول الاكصدام
ثانيا حافه المطلع من فوق لازم يكون المسافه بينها وبين العجله اللى ورا ( فى حاله ان العربيه طالعه بوشها ) لا تزيد عن متر ونص مثلا تفاديا لان العربيه تحك
بس كل ده على اسس غير علميه :C_laugh[1]:
انا ما عدتش قادر افكر من كلام حضرتك http://forum.fadl-shaker.com/style_e...efault/012.gif
كلام عايز دماغ تقيله اوى http://forum.fadl-shaker.com/style_e...ault/HARSH.gif
:shyy::shyy::shyy::shyy::shyy:
للأسف الموضوع هيعدى ، طول المطلع هيبقى 6 متر (بس خد بالك أن الأرتفاع مُتدرج يعنى أول متر هيبقى آخرة 10 سم يعنى مش هيبقى باين)
فى الرسمة الجاية هتلاقى 3 رسمات للعربية فى 3 أوضاع مُختلفة (اللى مُحتمل تحك العربية فى المطلع وهتلاقى الخلوص فيهم قليل جدا)
بس فى حل ممكن يقلل طول المطلع ، عن طريق مُعالجة الأماكن اللى العربية ممكن تحك فيها (هحاول أشوفهالك تانى )
http://img201.imageshack.us/img201/5505/111111i.jpg
الهندسه دى عايزه دماغ
ربنا يخليك يا باشمهندس انا مش عارف اقولك ايه بجد ؟
واضح كده انه مافيش امل لموضوع الجراج ده
قوللى مقاس العجل و ارتفاع السيارة من الخلف والامام (ارتفاع الاكصدام الامامى و الخلفى عن الارض) و انا اقولك بالمللى انت محتاج ايه
الكلام ده كله تم ذكره فى الموضوع يا باشا
هى العربيه الانترا
مشيها على اى عربيه عادى لانسر سيراتو كورولا مش هتفرق
افيو 2007 ههههه
الكوميدى فى انها اى عربيه يا باشا
يعنى انا هعمل الجراج ومش هدخل فيه الا الانترا بس
شكرااااااااا جزيلااا يا باشا
اصل يا باشا لو انا حصرت الموضوع على الانترا بس يبقى كده بظلم نفسى يعنى لو بعتها او جبت حاجه تانيه بعد كده هرجع اكسر تانى واعمل ابعاد تانيه
هو زى ما الباشمهندس مصطفى قال هتعمل ميل 6 متر وبالتالى كده انا هقفل الشارع
يبقى ماعادش غير الحل الوحيد انه لازم الرصيف يتلغى و هاخد كمان من ارضيه البيت وهى دى المشكله الى موقفه المووضوع لحد دلوقتى
مش عارف والله انا تعبت من الموضوع بجد
معلش يا سولى باشا انا تاعبك معايا
لا يا باشا ولا يهمك
انا كنت عاوز اساعدك و بعدين انت كاتب الابعاد بتاعت العربية يعنى انت اللى حاصرها مش انا و كمان انت مقيد اكتر بارتفاع الرصيف
عموما انا وصلت لحل فى الالنترا هياخد 2.5 من الشارع والرصيف
بس مش هينفع على عربية تانية زى السيفيك
لو تحب اعملك ليه رسم انا تحت امرك
ربنا يخليك يا باشا
بس اتنين ونص قليل اوى انت حسبتها ازاى
اصل انا بصراحه واحد صاحبى كان عنده رصيف ارتفاعه 20 سم عشان نعمل مطلع ليه عملنا حوالى 3 متر عشان العربيه تطلع عليه وبصعوبه كمان
http://i40.tinypic.com/kafo9i.jpg
بص يادكتور انا حاسبها على اساس كاوتش 15 و ان العربية فى مستوى مركز العجل
انا اسف جدا على الخطا الحسلبى دا
انا هقتبس الصورة بتاعة م مصطفى بعد اذنك
http://i41.tinypic.com/wa4shz.jpg
لتفادى الاحتكاك فى وضع واحد انت محتاج 426 cm
و الوضع 2 هتحتاج مسافة 473 cm
و الوضع 3 هتحتاج 625 cm
يعنى اصعب و احد هياخد اكتر من 6 متر و لو شيلت الرصيف يبقى 5.5 متر
متهيألى الموضوع صعب اوى يادكتور و انا اسف مرة اخرى على الخطا الحسابى دة