عرض للطباعة
السلام عليكم ورحمة الله وبركاته
أيه رأيكم ياجماعه فى العربيه Great Wall - Hover هى موجوده فعلا فى مصر وأنا شوفتها فى معرض فى أول شارع جسر السويس أسمه - العصريه للسيارات
وده اللينك الخاص بها
http://www.gwm.com.cn/arabic/html/product/hover.asp
العربيه على الطبيعه تحفه فنيه وسعرها 170,000
الغريب أنى سئلت مين الوكيل بتعها ماحدش عرف يرد عليا فى المعرض
أرجو المساعده
شفتها كام مرة .. دي سيارة نسخة قديمة من تويوتا Rav4 او فرونتيرا مش فاكر
منصحش بيها خالص ..
170 الف جنيه ؟ يا راجل حرام عليك ...
أنا شوفت ماركة جرييت وول دى على عربيات نص نقل فى توكيل عز العرب هو واخد التوكيل بتاعهم لسه جديد لكن معرفش لو جاب منها عربيات غير النص نقل
يا راجل حرام علك تدفع 170 فى عربيه صينى
هات أحسن تيريوس
دا الويب سايت بتاع الشركة بالغة العربية
http://www.gwm.com.cn/arabic/
100++++++++++اقتباس:
المشاركة الأصلية كتبت بواسطة memo_hefnawy
شكرا ياشباب على المساعده بصراحه أنا كنت خايف منها وبتلكك علشان مجبهاش وما صدقت أن فى حد قال لأ
جزاكم الله كل خير
أنا عامل مشاركه فى قسم المقارنات وعاوز رأيكم لو تسمحو فى مين الأحسن
تريوس ولا سوزوكى جراند فيتارا
جزاكم الله كل خير
انا شفتها فى المعرض اللى انت بتقول عليه ومرضيش يقولى على الوكيل لكن انا شفتها كمان فى المعادى معروضة فى شارع اللاسلكى وهى بـ 165 الف 1600 سى سى وفعلا هى تحفة بس انا شايف انها غالية شوية
عموما يا باشا توكيلها اسمة الحرمين ومكانة قبل كارفور القطامية علطول انت هتشوف العربيات مرصوصة على الرصيف
ولو عرفت اى جديد قولى يا باشا
1600 بالحجم ده!!!!!!!!!!!!!
دانا قولت اقل حاجه فيها 2400cc ولا حاجه
انا والله كانت دماغي بتزنزق شويه كده عليها لاني محتاج حاجه 4x4 ضروري و معيش سيوله اني اجيب حاجه عاليه
في نفس الوقت انا كنت بقول ازاي التريوس 1500 4x4 بس على كده التريوس برقبتها لو هي 1600 بس
ده على كده التريوس الجراند ال7راكب احسن بكتير منها
بس هي اكيد الهوفر دي 1600؟؟؟؟؟
أعتقد أنها 2400 سى سى
على حسب كلام الموقع بتاع السياره
http://www.gwm.com.cn/eng/html/models/hover_tech.asp
اخي الفاضل السيارة دة فيه منها نوعين نوع مصري تجميع المجموعة البافارية ونوع اخر صيني الاولي سعرها 130 الف والاخري ثمنها 165 الف ودخل مصر علي اني الماتور 1600ccعلشان الجمارك ولكن هي 2400 cc
انا امتلك السيارة الي هي 2000ccالمجمعه في مصر وتوكيلها في المجموعه البافارية طريق مصر الاسكندرية والمجموعه البفارية في القطامية بجور مجموعه محمد زكي وتوكيلها محترم جداا
يا جماعة افتى من قال لا اعلم السيارة -توكيلها البافارية وعز العرب والصيانة والضمان فى البافرية مع توكيل برليانس والسيارة فئتين 2000سى سى و2400 سى سى وهى سيارة لم تنتشر بصورة كبيرة نظرا لقلة اعلانتها وهى فى المجمل متوسطة من حيث الشكل او الامكانيات وراى الشخصى انها سوف تنهار سعريا مثل الماهيندارا لانها مانيول والتكنولوجيا المستخدمة قديمة وقطع الغيار والصيانة غالية لانها تخضع لسياسة البافارية فى عدم توافر قطع الغيار خارج التوكيل وهو نفس النهج لعز العرب وعلى فكرة السيارة توكيلها ناتج عن شراكة بين عز العرب والبافارية وهى منفصلة عن bmw ,برليانس