تحية الى احسن منتدى سيارات ارجو ان تخبرونى هل لو ركبت لعربية جديدة انذار وسنتر تخرج من الضمان ام لا كما اريد ان اعرف هل يجب ان تتم الصيانة فى اثناء فترة الضمان فى التوكيل فقط ام فى اى مركز معتمد من التوكيل وشكرا
عرض للطباعة
تحية الى احسن منتدى سيارات ارجو ان تخبرونى هل لو ركبت لعربية جديدة انذار وسنتر تخرج من الضمان ام لا كما اريد ان اعرف هل يجب ان تتم الصيانة فى اثناء فترة الضمان فى التوكيل فقط ام فى اى مركز معتمد من التوكيل وشكرا
انا سالت فى توكيل ديهاتسو قالولى ان تركيب السنتر والانذار يطلع من الضمان على الاجزاء الكهربية فى السيارة
لكن باقى الاجزاء الميكانيكية مش بياثر عليها
بص لاحظ ان الكلام بيختلف من توكيل للتانى لا فى توكيلات تتلكك على الضمان
شوية ويقوللك لو مشيت على كوبرى كذا انت برة الضمان
الف شكر للاهتمام والرد ومستنى لسة بقيت الردود
شوف يا باشا
من يومين كنت باتفرج على العربية اللانسرعند الرواس وسالتهم نفس السؤال وكانت الاجابة ان العربية تخرج من الضمان حتى لو التركيب تم عندهم فى التوكيل
فعلا كد شى غريب
بس اللى زى ما تفضل الاخ الفاضل فعلا التوكيلات ببتلكك
شكرا على الردود الجميلة ويا ريت حد يفيدنا عن تجربة شخصية سواء ان العربية طلعت من الضمان ام لا
ليه يا شباب النيل الحلوين مفيش ردود عن معرفة او تجربة شخصية بخصوص موضوع الانذار والسنتر
فعلا اعتقد حسب كل توكيل ومزاجه هههههههههههه
يا حماعة انا بعت ايميل لليابان اشتكيت من الموضوع ده و كان ردهم محترم جدا وبعدها بيومين اتصل بى مدير حاجة ( مش فاكر) فى مصرية و قالى ان الكلام ده بالنسبة للدائرة الكهربية بس بتخرج من الضمان و قالى ركبه فى ادريان وهو يضمنلك الدائرة كلها
يا باشا أنا معايا لانسر 2007 ومركب كاسيت و أنذار و فوانيس شبورة برة التوكيل
و بروح أعمل جميع الصيانات الدورية فى توكيل مصرية و مفيش أى مشاكل من الموضوع ده
انا سالت توكيل دايو كان ردهم بالحرف كالاتى:
اذا التركيب لم ينتج عنه مشاكل فى الضفيره او الكهرباء بوجه عام يبقى خلاص عادى لكن لو الضفيره او اى حاجه اتحرقت يبقى انت اللى هتشيلها و على فكره تغير الضفيره بالمصنعيه فى حدود الف جنيه
انا مركب انذار و وحدات رفع و ما حدش اتكلم اثناء الزيارات فى فرع العباسيه بس انا اخر مره كنت فى ابو رواش و خفت يتلككو فخلعت فيشه الانذار و اديتهم المفتاح بس لاكين لاقيت معظم الناس مدينهم المفاتيح معاها ريموت الانذار
خلاصة الكلام :توكيل الدايو ما فيش عنده مشكله
تركيب الإنذار أو وحدة رفع لا ينجم عنه لعب فى الضفيرة نهائى يا جماعه خصوصا لو بتركب عند ناس بتركب الإنذار فى اليوم 50 مرة ذى بتوع دمشق
و يخرجك بره الضمان فى حالة إنك بوظت حاجة أثناء التركييب و ده إحتمال حدوثه يكاد يكون 1 فى الألف
غير كده مايخرجش بره الضمان و لو حد سألك فى التوكيل صدفة الإنذار ده مركبه هنا ولا بره (وده مش هايحصل) قولوه هنا أو فى مركز معتمد تبعهم تكون إنت عارف إسمه و خلاص على كده و محدش ليه حاجة عندك
تركيب الإنذار خارج التوكيل يتكلف بتاع 30 جنيه
فى التوكيل يتكلف فوق ال 120 جنيه
والله فكره
يبقى اللى معاه دايو يقول انا مركب عند كلاريون
الف شكر يا غاليين على هذه الردود الجميلة