سعر الفيكترا b1 موديل 1998
(والله الكلام دة صحيح)
النهاردة ياشباب كنت برة أنا ووالدتى المهم كنت واقف بعيد عن العربية بتقريبا مسافة 100 متر والاقى اتنبن معلمين من اللى هما بتوع الخضار عمالين يلفو حوالين العربية طبعا أنا جريت ورحت سألت واحد منهم بقوله فى حاجة قالى لا أنا بتفرج قلتله على ايه قالى على العربية قالى هيا تخصك قولتله أيوة قالى طب مش ناوى تبيع قولتله لأ قالى ليه أنا عايزها فقولتله أنا مش بفكر دلوقتى راح قالى طب لو فكرت هتطلب فيها كام وكانت المفاجاة رميت كلمة ورحت قولتله 65000 قالى ليه يا عم قولتله دى فبريكا برة وجوة وموتور 2000 قالى لا العربية دى راشة قولتله جيب اللى انت عايزة خليه يبص عليها (طبعا دة معلم وكان معاه بتاع 5 عربيات شيفروليه دبابة) فقالى لا فعلا العربية فبريكا قالى طب ما تفتح العربية ولا انت بخيل فرحت عامل نمرة وفتحت العربية بالريموت (منظرة يعنى) وراح داخل وقال بسم الله ماشاء الله لا العربية تحفة طب أخر العربية قولتله 65000 وهشد لك العربية شدة تمام سمكرة ودوكو قالى طب أنا شارى قولتله لما ابقى افكر قالى طب لو حبيت تبيع أنا أولى من الغريب وسألنى أنت ساكن فين فوصفتله المكان وقالى أنا اللى ماسك سوق الخضار اللى فى الحتة الفولانية يعنى المسافة مش بعيدة (تقريبا 3 كم ) قولتله خلاص لو نويت أكيد أنت أولى راح قالى بجد قولتلله خلاص كلام رجالة بس أنا مش هينفع أبيع دلوقتى عشان أنا مش معايا أزود وأجيب حاجة أعلى
فأيه رايكم فى السعر اللى أنا قولته كويس ولا أعلى كمان لو أنا جالى فلوس وحبيت أبيع هو الراجل العربية عجباه أوى
ياريت كل الناس اللى معاهم فيكترا يعلو الاسعار كدة
:biggrin2::biggrin2::biggrin2::biggrin2::biggrin2: :biggrin2::biggrin2::biggrin2::biggrin2:
يا ريت نحسبها واحدة واحدة ! اوك
السلام عليكم يا رجالة
الحكاية دى مش مريحة
المهم تعالى نحسبها من الاول حتة حتة
1- السعر بتاع الاوبل اللى الراجل قالة هو 65000 عالى جدا
2- مفيش حد عبيط
3- طب اية الحكاية
الحكاية دى سهلة اوى ............. فى ناس كتير فى الاسواق فى الصعيد هنا بيبقوا غشاشين
يعى الواحد يروح يشترى جاموسة مثلا توبها 4000 جنية يورح قايل لصاحبها انا هشتريها بـ 6000 جنية & طبعا صاحب الجاموسة يموح من الفرح و يبيعها على طول و يستلم الفلوس بتاعة اللى هى 300 جنية
ييجى واحد يقولى 300 اية
دة لسة الراجل دافع تمنها 6000 جنية
اقوله الـ 300 جنية دول الورق السليم الموشش بيها البواكى
يعنى كل الف جنية من برة فلوس سليمة و اللى فى النص مزيفة
لو الراجل دة كلامة صح
قولة هاتهم بالدولار او حطها فى بنك باسمى المهم الفلوس تمر على اى جهة تتاكد منها من صحة الفلوس
و يا رب اكون قدمت المفيد
الحاجة التانية سبقتونى يا ولاد الاية ............ انا لسة كنت عامل موضوع ى البى ام دابليو و عنوانة ( انا ضيف من منتدى تانى ) لانى كنت بسال على البى ام سواء الفئة الثالثة او الفئة الخامسة ) و بصراحة هموت على الفئة الخامسة موديل 97 : 99 فعلا جبارة
و قبل ما امشى احب اقول ان قطع الغيار فى البى ام مش غالية اوى كدة بس يكفى انك راكب عربية بكرونة - و لا سخونة و لا تكييف وحش - و ثبات اه يا مرارى منة
و فى السلام ختام يا رجالة