السلام عليكم ورحمة الله وبركاته
ينفع اطلع بالعربية علي الغيار التاني وايه الضرر من كده.
عرض للطباعة
السلام عليكم ورحمة الله وبركاته
ينفع اطلع بالعربية علي الغيار التاني وايه الضرر من كده.
انت طلعت رخصه ازاى ؟
انا من الصبح هكلم حبيب يلغى الرخصه بتاعتك و تدخل مدرسه السواقه تانى
ده مش سؤال !
وبعدين العربيه مش اوتوماتيك مالك ومال الحاجات دى
انا همتنع عن الرد مش لانى مش عارف ههه
ههههه هتزعل منى كده
فى انتظار الرد طبعا
ده انت حبيبى
هو انا أحيانا بعملها فى الأشارات (بس لازم أرفع رجلى من على الديبرياج براحة أكتر من الأول)
ينفع طبعا...ضرره غير سريع الظهور عادة يعني علي المدي البعيد...بيحمل بزيادة علي اسطوانة الدبرياج اولا والموتور لحد ما .
ينفع بس عاوزه رجل حساسة شوية عشان العربية متبطلش ودا طبعا والعربية فاضية لو راكب معاك ناس او محمل حاجة تقيلة ممكن تفصل لو عملت كدا
انا شايف مفيش مشكله لو العربية خفيفة بس لو العربية محملة يبا احسن لو تطلع على الاول لانه بيعطى اقوى عزم
أعتقد أنه من الأفضل على الغيار الأول طالما أنك ستبدأ من الصفر
مره سواق نقل قاللي الاحسن تتطلع علي التاني بس مش فاكر ليه
عن نفسي انا بطلع علي الاول امال هما عملوه ليه
وكمان عشان مبقاش زي سواق النقل :)
لو العربية نص نقل طبعا ينفع و مفيش اى مشكلة
انما لو ملاكى معرفش
عملتها كذا مرة بس و انا مش واخدة بالى ، يعنى يبقى الطريق ماشى و انا على التانى و يقف و انسى اجيب اول ، و بطلع بتطلع معايا عادى جدا
بس مش عارفة لو ليها اضرار
بس هو من المنطقى انهم عاملين الاول لسبب ، فمن الافضل نطلع عليه
طبعا ينفع بس عاوزه موتور قوى
+111111111111
تقريبا كل النص نقل والنقل بيطلعو على التانى والميكروباصات كمان فى منهم بيطلع على التانى كتيرررر.........فى الملاكى عادى مفيش مشاكل بس لو العربية محملة لازم اول علشان العزم .....الاضرار الى سمعتة انك بتستهلك بنزين اكتر نسبيا لما متديش الغيار حقة ...عموما حركة مش مستحبة فى الملاكى والمواتير الى عزمها قلبل وسعتها صغيرة
من ناحية ينفع فهو ينفع طبعا , انا مرة قفلت معايا اطلع على الرابع فى البيجو ال405 بتاعة والدى اللى بعتها , و عملتها
بس طبعا الطلوع على التانى كتير تحميل بلا داعى على اسطوانة الدبرياج
بص يا باشا لو انت بتسأل ينفع ولا لا ممكن تجربها وتشوف بنفسك ولو معندكش عربية انت اكيد شفت الردود الباقية اذا كان ينفع ولا مينفعش وشكراااا
انا بطلع على التانى ومن غير بنزين كمان بسيب الديبرياج براحه ولان العربيه انجكشن فتمشى لوحدها بس يفضل الاول طبعا لان عزمه افضل
أسمح لي أرد عليك بسؤال - موش هروب من الرد ولا حاجة بس علشان نعرف على أي أساس نجاوبك - ليه بتسأل السؤال دة ؟
مبطلعش على التانى على طول
الاولانى ثم التانى على طول وانا لسه دايس دبرياج
اصل احنا في قسم الكورولا فيه ناس بتشتكي في الزحمة من طلعة الأول في ال mmt وبيحسوا برجرجة والتاني مش بييجي غير علي سرعة 20 ك فيه ناس علشان تستريح من الموضوع ده بتطلع علي التاني بتبقي الطلعة عاملة زي الأوتوماتيك العادي وحصل اختلاف في الأراء فعرضت السؤال هنا.
كورولا mmt 2009 على الغيار الأول
حل ممكن يساعد في الزحمه لمالكي ال mmt
الطلوع على التاني عادي وسهل جدا اوقات بعملها بمزاجي واوقات بكون في اشارة وناسي واطلع على التاني عادى
بس الطلوع على التانى بيحتاج انك تزود بنزين شوية عشان ترفع عدد لفات الموتور مع التحميل على الدبرياج
المخاطر بياثر مع تكرار العادة دي على عمر الدبرياج
كنت بأعملها عادي في العربيات اللي مواتيرها كبيرة 2000 سي سي مثلاً
انا معرفش ايه الاضرار بصراحة لكن الاكيد انها ليها اضرار والافضل ان لو العربية واقفة تطلع على الاولانى والعكس صحيح لو العربية ماشية متديهاش الاولانى .
سبحانك اللهم وبحمدك ، أشهد أن لا إله إلا أنت أستغفرك وأتوب إليك
على حسب تصميم الفتيس
يعني النقل والاوتوبيسات والميني باص بيبقى الترس الاول اكبر من المعتاد عشان العزم
فلما بتبقى العربيه مش محمله بتطلع على التاني ودا الافضل ليها لانها مصممه على كده
وكمان التريلا فتيسها 10 نقلات فيهم 5 لو محمل و5 لو مش محمل وطبعاً تروس الخمس نقلات بتوع التحميل كبار جداً عشان ينقلو العزم الكبير اللي يشد الاطنان دي كلها
ينفع تطلع ع التاني واقدر اطلعهالك ع التالت كمان ,بس عاوزه ظبطه دبرياج مع بنزين وطبعا في ضرر علي الاسطوانه .
انا كنت راكب جنب المينى باص بياخد التانى على طول وبيطلع بيه لكن الملاكى ممكن له طلع بيها على التانى بس مش عارف اضرارها بصراحه
طبعا ممكن بس تزود بنزين شوية عن ما بتطلع ع الاول .... لكن انت كدة بتحمل السيارة بحمل زائد ....
اما النقل والاتوبيس والميكروباص .... الأول بتاعهم بيبقى عزمه شديد جدا علشان العربية لما تكون محملة ....... لكن لو العربية فاضية فالسواقسن بيفضلو يطلعو ع التاني بدل الأول نظرا لخفة الحمل النسبي للسيارة وهي غير محملة
...
من حوالي 18 سنة كنت في السعودية وبالتحديد في مكة في زيارة وراجع بيتي في جدة .... مكة مشهورة بالمطالع الرهيبة اللي فيها ....المهم وانا راجع جيت اطلع بالعربية لقيت حصل عطل في غوايش الفتيس تقريبا ... المهم ان الاول والتاني مش بييجو اصلا من عصاية الفتيس ... التالت والرابع بس هو اللي بييجو ..... وقد كان ..... طلعت بالعربية ع التالت .... وكانت في مطلع كمان ...... لكن بقيت شامم ريحة اسطوانة الدبرياج وانا طالع .... بس كانت عربية اصيلة وماكسفتنيش
يعني من الآخر ممكن .... بس غلط ع العربية على المدى الطويل ..... اما النقل والاتوبيس دول ظروفهم مختلفة عن الملاكي
لو جاوبنا ع السؤال ده و قولنا مثلا ينفع تطلع العربيه بالغيار التاني هنلاقي موضوع بكره ينفع اطلع بالعربيه ع التالت !!
طبعا ليها ضرر على المدى البعيد .... بس بشوف تاكسيات بتعمل كده بس العربيات بتكووون في الضيااااع
بتاثر على مكونات الدبرياج و بتحمل على المكنة و بتاكل بنزين بزيادة لانك بتحرق عشان تحاول تطلع على التانى
و الا بقى لو العربية محملة!
فانت كدة بتحمل على الغيار
فملهاش لازمة اوى!
طب وليه أساساً ماتدي الغيار الأول وخلي العربية تقوم براحتها
طب لو استخدام التاني هيبقي في الزحمة بس؟
اطلع بالتاني ليه لما الاول موجود
لكل مقام مقال
انت كده بتهلك الموتور و الاسطوانه
وانا كنت بشوف ميكروباصات بتطلع على التانى وبستغرب بس بتبقى العربيه محمله برده ويطلع على التانى
من ناحية ينفع فهو ينفع... بس ليه؟؟؟
الطلعة على التانى او حتى التالت عايزة دقة من الرجل الشمال و احساس عالى من السواق بالموتور عشان يوازن رجلة على الدبرياج... و دة معناة ان الاسطوانة بتاعت الدبرياج حتبقى فى حالة انزلاق بين الفلام و الدسك مدة اطول بالتالى معدل استهلاكها حيزيد بالتالى مفيش فايدة من الموضوع دة فى العربيات الملاكى الا اذا كان فيه مشكلة و مش عارف تعشق الاولانى
فى النقل و المكروباصات و خلافة الترس الاول بيبقى قصير جدا و الغرض منة تحريك العربية و هى بكامل حمولتها... بالتالى لو العربية فاضية و مش محملة ممكن بدء الحركة على التانى و ساعتها حيبقى مناظر تقريبا للترس الاول فى الملاكى لان الاول فى النقل زى ما قلنا قصير جدا و السواقين بيسموة (العجوز)... و فى العربيات النقل الكبيرة بيبقى فيه كذا نقلة قصيرة لتدريج بدء الحركة (العربية حمولتها 8 طن) و بالتالى العربية و هى فاضية السواق ممكن يطلع على التالت
MMamdouh
انا مش بطلع على التاني
انا بكمل على التاني
و في حالة لما تكون العربية مش محملة و السرعة مش اقل من 10 كم/س
يعني لو من السكون بطلع على الأول طبعاً
+1111
كلام تمام عشان الغيار الاول بيبقى عزمه عالى جدا عشان يحرك العربيه من السكون وفى حاله السكون بيكون وزن العربيه على الارض اقصى وزن ممكن لكن التانى عزمه اقل من الاول عشان بيكون وزن العربيه خف شويه نتجه الحركه وهكذا عزم التالت اقل لانه السرعه بتكون اكبر فالوزن يخف فالاحتياج للعزم بيقل فنروح نقلين على التالت
أما فى حاله طلعت على التانى من حاله السكون فده أنا هبيبقى تحميل زياده على الماتور وتلاقى العربيه بتقطع - بتنخع - نتيجه أن الماتور متحمل بوزن زياده مما يقلل عمره ويستهلك بنزين اكثر ده فى حاله أنك سبت دبرياج على طول
أو مش هتسيب دبرياج على طول لكن هتفضل دايس دبرياج وفاصل الحركه ووحده وحده تسيب وده هيبقى تحميل على الاسطوانه
فى الحالتين أنت خسران