محتاج مساعدة في تظبيط جسمي ؟! (لو في دكتور تغذية , محتاج حضرتك :)
دلوقتي يا جماعة انا بروح جيم و كل حاجة , لسه بقالي شهر واحد
و رحت لدكتور التغذية هناك , بس الكلام معجبنيش
نظام الهوا ربع مش عارف ايه مه تلات اربع مش عارف ايه مع واحد على تمانية من مش عارف ايه
ممكن يكون هو دة الصح , بس انا مبحبش الموضوع دة , و جربته قبل كدة و منفعش
انا معنديش ايييييييي مانع من تقليل الاكل او البيبسي او الفاست فود او اي حاجة , بس مش الطريقة دي
انا طولي 175 سم , و وزني 89
نسبة الدهون 28 ٪ , المياه 52.5 ٪ , العضل 61 ٪
معدل الحرق معدل واحد عنده 49 سنة :dzey: , و انا عندي 17 سنة
الكابتن و الدكتور قالولي اهم حاجة مية كتير كتير
ياريت لو في دكتور تغذية معانا هنا في المنتدى يساعدني , و لو في حد فاهم او عنده فكرة ميبخلش :)
و شكرا جزيلا
