بص ياباشا
أولاً قبل ما تدخل على المؤسسة وتحديداً بعد ماتعدي الدائري بـ 2 كم هتلاقي مفترق طرق يمين بيوديك على كورنيش النيل وشمال يوديك على أحمد حلمي، أدخل في اليمين
هاتكمل كأنك طالع على الكورنيش هايبقى على يمينك نادي الظباط وعلى شمالك قصر محمد علي، هتلاقي دخلة يمين قبل كوبري المظلات تدخل منها، وتمشي مع الطريق هاتعدي تحت الكوبري وتكمل هاتبقى على يمينك ترعة الاسماعيلية
كمل زي ما انت لغاية ماتلاقي مطلع كوبري الأميرية على يمينك إطلع الكوبري
وانت نازل من الكوبري خليك في الشمال هتلاقي يوترن تلف منه وعدي من الإشارة وكمل على طول "ده شارع السواح"
زي ما انت في شارع السواح هايقابلك تقاطع "شارع ولي العهد" خليك زي ما انت، لغاية التقاطع التاني تلف منه شمال "شارع المطرية"
آخر شارع المطرية هاتلاقي نفسك في ميدان المطرية تدخل منه يمين "شارع الحرية" هتلاقي نفسك في قلب الحلمية
حمدا لله على السلامة :)
الصورة دي ممكن توضح لك شوية
رفع صور سريع
المفضلات