هل تتوقع تفوق السيراتو على اليابانيات من نفس الفئة حتى مع تقدم الصناعات الكورية
عرض للطباعة
هل تتوقع تفوق السيراتو على اليابانيات من نفس الفئة حتى مع تقدم الصناعات الكورية
مش هقول تفوق بس هقول منافس و ند بند.
هو موضوع الياباني و الكوري و الألماني و الأنجليزي دي عندنا بس, حاجة كدة زي عقدة الخواجة.. العملية في الأخر و الأول اذواق و راحة نفسية مش اكتر ولا اقل و انا كنت راكب ياباني مش معني كدة ان الخطوة اللي جاية اركب انجليزي او الماني! بس السيراتو شددتني من جميع النواحي! و بعدين يا باشا الجواب بيبان من عنوانة و هو الأقبال الهايل علي العربية و دة بيدل علي تميزها في جميع النواحي. اي عربية ممكن يكون فيها عيوب صناعة او عيوب فردية او عيوب ناتجة من سوء الأستخدام او الأهمال! اما بخصوص موضوع الكوري و الياباني فا دي اذواق وراحة نفسية و ممكن تعود!
أعتقد ان التفوق يانتي بانتائج:
- الانتشار
- سعر اعادة البيع
- قطع الغيار
- الصيانة
واعتقد الايام هي اللي حتحدد
انا شايف ان فى فرق بين المدرسة الاوربية والاسيوية بشكل عام والكورى واليابانى يعتبر قريب جدا خصوصا لو جبت اعلى فئة من السيارة لكن بيختلف ان فى مينيم فى اليابانى مش بينزلوا عنوا يعنى الوكيل فى مصر زى هيونداى وكيا ممكن يطلب العربية ناقصة حجات زى الريموت الا بي اس المفتاح المشفر او مريات ومقابض مش بلون العربية دة علشان يعظم فرق السعر لكن شوفوا بنفسكم الاسعار برة مثلا النترا ولانسر شارك هتلاقى النترا ب 14000 دولار واللانسر 14500 ودة فرق ان العمالة فى اليابان اغلى من كوريا لكن العربيتين متحسش بفرق بينهم خصوصا ان كوريا بتنزل العربية بالكماليات القياسية فى امريكا ولو ركبت عربيتين من اعلى الفئة فى اليابانى والكورى مش هتلاحظ فرق يذكر لا فى ثبات ولا موتور ولا عزل والفرق الى انا شايفة بين المدرسة الاوربية والاسيوية العربيات الاوربية معمرة اكتر وجودتها اعلى لكن فى المقابل قطع غيارها اغلى بكتير ومكلفة جدا بالمقارنة بالاسيوية . وتستثنى الصين نظرا لما هوا معروف عن عدم جودة المنتجات وخاصة الماركات الغير مجربة ونظرا لحداثتها فى مجال صناعة السيارات
انا شايف السيراتو هي بدايه المنافسة مع اليابان
السيراتو حلوه طبعا بس لسه مش ياباني بردو
اصبح هناك تقارب شديد بين الكوري والياباني
مش تقارب لا الكورى عدى المرحلة دية من زمااااااااااان بقا منافس اكتر من قوى