| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 4 1 2 3 4 الأخيرةالأخيرة
النتائج 1 إلى 10 من 37

  1. #1

    الصورة الرمزية meetooz

    رقم العضوية : 25221

    تاريخ التسجيل : 15Nov2008

    المشاركات : 170

    النوع : ذكر

    الاقامة : alexanderia

    السيارة: proton gen2

    السيارة[2]: vw golf 3

    دراجة بخارية: no

    الحالة : meetooz غير متواجد حالياً

    افتراضي منقول محرك الاسبرانزا (س ج) - Facebook Twitter whatsapp انشر الموضوع فى :

    hasad">

    انا كنت بفكر اكتب التقرير ده بس لقيت مهندس عامله احسن من ما كنت هقوله علشان كدة قولت انقله.
    الموضوع منقول عن م/عبد الرحمن

    النهاردة هتكلم عن محرك ال516 !

    اللى هوا 1600 سى سى - 4 سلندرات - 2 كامة علوية - 16 صباب

    نظام حقن الوقود فى نقاط متعددة بمعنى ان لكل سلندر رشاش منفصل بيه !

    وسوف اللخص الاسئلة واجاباتها فى اول بوست هنا كل فترة واجدد الموضوع !


    ونبدأ بالسؤال الاول وهوا اكتر سؤال شائع! هل محرك الاسبيرانزا صينى ؟

    الاجابة ومش للاسف اه صينى : وهو مصنع فى احدث واجدد واكبر مصنع لشركة AVL المصنعة لمحركات السيارات فى الصين واللى انشأتة مخصوص فى الصين علشان يصنع محركات لشركة شيرى فقط ! ولكن الان يتم تصدير جزء من لانتاج لاوروبا لان المحركات بتنتج ارخص وبالاضافة الى انها بتنتج بطريقة احدث والاجيال دى من المحركات بها قدر كبير جدا من التكنولوجيا اللى تخلى AVL تسحب من الانتاج الصينى وتودى اوروبا !



    هل فعلا فى سيارات اوروبية بها محركات AVL الصينية ؟

    ايوة فعلا دة حصل مع شركة FIAT واللى فعلا بدأت تضع محركات AVL الصينية الصنع من جيل او طراز ACTECO فى سياراتها الصالون المتوسطة والصغيرة!



    طيب مين AVL دى ؟ تطلع اية يعنى فى دنيا المحركات ؟

    AVL هى شركة اوروبية نمساوية لها فروع واعمال فى اكتر من 28 دولة بدأت فى صناعة المحركات من فترة طويلة وهى من الشركات التى تصنع محركات لكثير من الماركات الاوربية مثل BMW !وAUDI ! ولها مصانع فى اوروبا واشتركت مؤخرا من شيرى الصينية فى انشاء اكبر واحدث مصنع لها فى الصين لانتاج احدث اجيال محركاتها ACTECO!

    وعن تاريخ الشركة ممكن نزوز الموقع بتاعها:
    www.avl.com
    او نزور اللينك دة :
    إضغط هنا

    او لزيارة موقع المصنع الصينى :
    www.cheryacteco.com


    طيب سؤال بقى : هما مش بيعملوا غير محركات 1600 سى سى بس؟ يعنى على قدهم ؟

    الاجابة : لا ! لانهم صمموا محركات من اول 800 سى سى و1600 وال2000 وال3000 سى سى الى محركات الV8 !ومحركات الديزل الكبيرة كمان وكلها مصنعة بنفس التكنولوجيا ! وعملوا كذلك محرك اكبر من بتاعنا بشوية 1800 سى سى مشحون بتربو تشارجر !

    ودى قائمة المحركات بتاعتهم!! والمحرك بتعنا متشاور علية بالاسود!!



    سؤال كمان عنهم اخير : هما بيصنعوا المحركات بس كدة وخلاص من غير ما يصنعوا صناديق تروس تناسب المحركات دى ؟؟؟؟

    الاجابة : اكيد والا كانت هتبقى كارثة او هيكون شغلهم ناقص !! وبما انهم بيصمموا اجيال جديدة من المحركات يبقى اكيد هيصمموا اجيال تتناسب معاها وتتحمل تنقل العزم الكبير بتاعها وتكون معمولة بنفس السبائك ونفس خفة الوزن ودة اهم حاجة ! وعلى نفس الموقع بتاع المحركات هنلاقى قائمة كاملة لموديلات صناديق التروس المناسبة لكل محرك !!



    نرجع للمحرك بتاعنا دة اية نظامة بقى ومواصفات علشان الواحد بيسمع كلام كتير؟

    الاجابة : علشان نعرف مواصفات المرحك بتاعنا لازم نعرف اسمه واسمه SQR481F 1.6L !!!

    وهوا دة المحرك ال1600 سى سى اللى بينزل مع ال516 فى كل الدنيا مش مصر فقط !!
    (فى الصين وفى روسيا وفى مصر وفى جنوب افريقا وفى اوكرانيا وغيرها من البلدان)

    ومواصفاتة كالاتى :
    بيخرج قدرة حصانية = 80 كيلووات =107.8 حصان عند6000 لفة فى الدقيقة
    وبيخرج عزم دوران = 144 نيوتن.متر عند 4100 الى 4300 لفة فى الدقيقة
    ومعامل الانضغاط بتاعة = 10الى 1
    ومطلوب نحقنلة بنزين 93 اوكتان فما فوق !!!!! ايوة 93 فيما فوق !

    باقى المواصفات متهمناش ! كااا مستخدمين!



    طيب وبالنسبة للاستهلاك؟ لأننا بنسمع ان الموضوع دة محير الناس اللى راكبين العربية ؟

    الاستهلاك الاجابة عنه بتتلخص فى اسلوب القيادة وقدر التحميل (الركاب يعنى) وسرعة السيارة! بمعنى....

    ان المحرك دة بيستهلك متوسط استهلاك 6.6 لتر لكل 100 كم عند ظروف تشغيل قياسية على سرعة ثابتة 90 كم/ساعة!

    ولو نفس الظروف(القياسية) والسرعة الثابتة 70 كم/ ساعة الاستهلاك هيق جدا وهيبقى 5.7 لتر لكل 100 كم !

    ولو نفس الظروف وعند سرعات اعلى من 110 كم/ساعة الاستهلاك بعد كدة بيزيد تربيع يعنى اس 2 ! يعنى بيوصل على سرعات 120كم/ساعة و 130كم/ساعة الى.......... 12 لتر لكل 100 كم

    شفنا قد اية الفرق مع السرعات !



    طيب تطلع اية دى بقى الظروف القياسية ؟ نصب دة ولا اية ؟

    لا مش نصب ولا حاجة هما بس بيقولوا كدة لاسباب كتير ممكن تزود الاستهلاك وملهاش اى علاقة بالسرعة ولا بالمحرك نفسة !

    زى اية؟!.....
    ضغط الاطارات مثلا لو اقل مما يجب هيزود الاستهلاك حوالى30%
    ضبط الزوايا لو السيارة فيها زوايا هتزود الاستهلاك 20 %
    الاطارات لو مستهلكة على الاخر وممسوحة هتقلل الاحتكاك بالاسفلت وهتزود الاستهلاك15%
    الشكمان وعلبة الشكمان ومواسيره لو فيها اى شرخ او تنفيس هتقلل السحب وبالتالى هتزود الاستهلاك حوالى 30% وحاجات تانية كتير زى الفلاترلو مسدودة قوى او فيها قطع والبوجيهات لو محروقة او واخدة رطوبة زيادة وغيرها وغيرها..

    المهم ملخص الكلام ان الظروف "القياسية" للتشغيل دى هى انك تحافظ على كل اجزاء السيارة فى حالة جيدة بل ممتازة على قدر المستطاع علشان تقدر تطلب الاستهلاك المعلن عنه من الشركة!



    طيب بالنسبة لاداء المحرك ؟ يعنى نستعملة ازاى؟ ونستفيد اقصى استفادة منه ازاى؟

    الاجابة على الاسئلة دى هتخلينا لازم نبوص على خريطة اداء المحرك

    دة منحنى لاداء للمحرك الاعلى من بتعنا على طول نفس المنظر ولكن الاختلاف الوحيد فى القدر الحصانية القصوة! وسببها زيادة معامل الانضغاط فقط من 10 الى 10.5 زى ما هيبان فى الجدول تحت !!


    تم تقليل : 97% من الحجم الأصلي للصورة[ 864 x 435 ] - إضغط هنا لعرض الصورة بحجمها الأصلي


    هنا فى المحرك التانى زى محنا شايفين بتوصل ل 87 كيلووات = 117 حصان تقريبا عند6100 لفة فى الدقيقة! انما سلوك المنحنى واحد فى المحركين والصورة دى اكبر واوضح علشان كدة هستعملها فى شرح المحرك بتاعنا!

    زى ما احنا شايفين اللون الازق دة منحنى القدرة واللون البرتقالى منحنى العزم!
    واوفضل سعره نغير فيها النقلات فى المدينة هى عند نقطة اقصى عزم واللى بتتحقق عند 4100 الى 4300 لفة فى الدقيقة ! ودة بيدل على انه محرك حديث مش زى بتوع زمان اللى كان عزمهم قليل وبيطلع اقصى عزم بدرى!

    وبالنسبة للشباب الرياضى اللى بيحب الادرينالين اللى بيسببه التسارع الجيد للسيارة يفضل انه يغير عن نقطة اقصى قدرةحصانية واللى هى فى حالتنا من 80 كيلووات عند 6000 لفة انما لو دوست شوية كمان ووصلت ل6200 لفة فى الدقيقة هتستفيد من 5 كيلووات زيادة يعنى حوالى7 حصان زيادة


  2. #2

    الصورة الرمزية YoussefMostafa

    رقم العضوية : 3554

    تاريخ التسجيل : 04Dec2007

    المشاركات : 1,653

    النوع : ذكر

    الاقامة : Egypt

    السيارة: ------------------

    السيارة[2]: -------------------

    دراجة بخارية: ------------------

    الحالة : YoussefMostafa غير متواجد حالياً

    افتراضي -

    موضوع جامد جدا و وافي

    شكرا يا باشا ع النقل


  3. #3

    الصورة الرمزية ash257

    رقم العضوية : 38844

    تاريخ التسجيل : 24Apr2009

    المشاركات : 739

    النوع : ذكر

    الاقامة : مصر

    السيارة: BYD F3 2012

    السيارة[2]: Nissan Sunny M/T ABS 2010

    الحالة : ash257 غير متواجد حالياً

    افتراضي -

    موضوع مميز بصراحة شكرا لكاتب الموضوع وشكرا على النقل

    بسم الله الرحمن الرحيم (ادخلوا مصر إن شاء الله آمنين) صدق الله العظيم
    [aldl]http://img689.imageshack.us/img689/4961/18354359.jpg[/aldl]


  4. #4

    الصورة الرمزية hemaa_82

    رقم العضوية : 36962

    تاريخ التسجيل : 31Mar2009

    المشاركات : 2,315

    النوع : ذكر

    الاقامة : Zaton

    السيارة: ما قولنا كله من نعم الله و الحمد لله

    السيارة[2]: كله من نعم الله

    دراجة بخارية: never

    الحالة : hemaa_82 غير متواجد حالياً

    افتراضي -

    شكراااااااااااااا

    البريبئ اتخرم و عايزيين بريبئ جديد


  5. #5

    الصورة الرمزية 3ateef

    رقم العضوية : 63782

    تاريخ التسجيل : 01Mar2010

    المشاركات : 2,807

    النوع : ذكر

    الاقامة : Masr

    السيارة: *

    السيارة[2]: Nubira II CDX

    الحالة : 3ateef غير متواجد حالياً

    افتراضي -

    مشكور جدا على المعلومات المفيدة


  6. #6

    الصورة الرمزية raafat_raslan

    رقم العضوية : 24522

    تاريخ التسجيل : 08Nov2008

    المشاركات : 14

    النوع : ذكر

    الاقامة : القاهرة

    السيارة: اسبرانزا

    السيارة[2]: هيونداى أكسنت

    دراجة بخارية: لايوجد

    الحالة : raafat_raslan غير متواجد حالياً

    افتراضي -

    كل الشكر للمهندس / عبد الرحمن طه
    صاحب و كاتب الموضوع الاصلى على شرح محرك الاسبرانزا a516


  7. #7

    الصورة الرمزية attiahf

    رقم العضوية : 21733

    تاريخ التسجيل : 10Oct2008

    المشاركات : 453

    النوع : ذكر

    الاقامة : EGYPT

    السيارة: NO

    السيارة[2]: speranza tiggo 1.6

    الحالة : attiahf غير متواجد حالياً

    افتراضي -

    ممتاز وعايزين نفس المعلومات بالنسبة للعربية التيجو لو سمحت


  8. #8

    الصورة الرمزية emad7759

    رقم العضوية : 47356

    تاريخ التسجيل : 16Sep2009

    المشاركات : 349

    النوع : ذكر

    الاقامة : albhaira

    السيارة: m11

    السيارة[2]: تويوتا

    دراجة بخارية: hjg

    الحالة : emad7759 غير متواجد حالياً

    افتراضي -

    موضوع فعلا جميل جدا مشكووووووووووووووووور

    جدا على نقله


  9. #9

    الصورة الرمزية Hegazio

    رقم العضوية : 39787

    تاريخ التسجيل : 07May2009

    المشاركات : 3,598

    النوع : ذكر

    الاقامة : 6 أكتوبر

    السيارة: Eclipse-Fluence -Corolla

    السيارة[2]: Civic.felecia.megan.tigo

    دراجة بخارية: no

    الحالة : Hegazio غير متواجد حالياً

    افتراضي -

    ده انت سهلت عليا تعب جامد قوي قوي عشان الاقي الجرافات دي
    و علي فكرة بيبان منها ان اقصي قدرة هي 117 عند 6150 فعلا

    To Get The Best In Life
    You Have To Start With Yourself
    And Do Your .. BEST


  10. #10

    الصورة الرمزية max_ziro

    رقم العضوية : 21839

    تاريخ التسجيل : 11Oct2008

    المشاركات : 3,688

    النوع : ذكر

    الاقامة : cairo/ism3lia

    السيارة: اوبل كورسا,كيا سيفيا

    السيارة[2]: bmw 316I

    دراجة بخارية: no

    الحالة : max_ziro غير متواجد حالياً

    افتراضي -

    hasad">

    تسلم ايدك ياباشا يا كبير
    ..

    ..لا اله الا الله ..
    ..سبحان الله و بحمدة سبحان الله العظيم ..
    http://www.nilemotors.net/Nile/284167-3.htmlرابطة الوحوش ملاك السيفيا



 
صفحة 1 من 4 1 2 3 4 الأخيرةالأخيرة

المواضيع المتشابهه

  1. منقول : لماذا يتغير لون زيت محرك السياره
    بواسطة mahdyez في المنتدى المحركات
    مشاركات: 2
    آخر مشاركة: 15-06-2011, 02:10 PM
  2. ماذا تعرف عن كارل ديزل مخترع اول محرك ميكانيكي وأول محرك سيارة ؟
    بواسطة كابوس الليل في المنتدى القــــسم التعلــــيمى
    مشاركات: 4
    آخر مشاركة: 06-07-2010, 07:27 PM
  3. مشاركات: 25
    آخر مشاركة: 15-04-2010, 03:29 PM
  4. مشاركات: 52
    آخر مشاركة: 18-09-2009, 09:25 AM
  5. فكرة عمل محرك السيارة (منقول)
    بواسطة Samir Elshahawy في المنتدى القــــسم التعلــــيمى
    مشاركات: 0
    آخر مشاركة: 27-02-2009, 09:41 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2