أعرف إزاى اضحك على ولا لأ من السمكرى والميكانيكى

أنا اشتريت عربيه 27 نصر ووديتها ميكانيكا وسمكره ودوكو والراجل اللى خدها منى مقاوله المفروض انه شيخ وبيعرف ربنا وكمان هو معرفه بس الحقيقه كنت عاوزه حد من المنتدى يقولى على شوية حاجات خبيثه كده أعرف بيها هو اشتغلنى ولا كان بيتقى الله فعلا فى العربيه هو عمل البارومه فى العربيه وغير الكاوتش الأمامى وجاب باكيتات جديده وعمل الدوكو وغير لون العربيه وغير المساعدين الأماميين عموما تغيير شامل أنا ماأعرفش المساعدين اتغيروا إزاى شكلهم الجديد بيبقى إزاى ولو قدام أعرف برضه اتغيروا إزاى ,:mad2::dzey:أصل أنا كنت عايزاه يغير الفوانيس اللى قدام زينون بس لاقيته مش مغيرها :khd:فقالى أصل أنا لاقيتها هتاخد من البطاريه قولتله يبقى كده السعر هينقص قاللى لأ ماأنا حاسبت الرجل على تمنهم بس ماخدتش بالى وأنا بركب شوفتوا التناقض علشان كده شكيت فيه وقلت من يساعدنى غير اخواتى حبايبى فى المنتدى :hlopaet_prv:فأى حاجه أى ملاحظات ياريت كل اللى يدخل يقولى وجزاكم الله خيرا

بلنسبه للمسعدين دوس على العربيه من اى جمب ول نفترض الى اودام يمين لو لقيت المساعد ناشف يبقا جديد لو بياخد ويدى او العربيه بتعلى وطوطه يبقا بايظ او مستعمل وبالنسبه للزينون متحسيبش على حاجه مركبتش عندك منهه للى جاب منه الحاجه,,,, غلط انك تدى العربيه مقوله لحد مفيش حد بيخاف على المال اكتر من اصحابه ان عربيتى لو بغيرلها زيت بقف على ايد الراجل وهو بيغير ولم بيخلص باخد منه مفتاح الطبه واتاكد انها مربوطه كويس

اقتباس:

---

المشاركة الأصلية كتبت بواسطة sniperfox

بلنسبه للمسعدين دوس على العربيه من اى جمب ول نفترض الى اودام يمين لو لقيت المساعد ناشف يبقا جديد لو بياخد ويدى او العربيه بتعلى وطوطه يبقا بايظ او مستعمل وبالنسبه للزينون متحسيبش على حاجه مركبتش عندك منهه للى جاب منه الحاجه,,,, غلط انك تدى العربيه مقوله لحد مفيش حد بيخاف على المال اكتر من اصحابه ان عربيتى لو بغيرلها زيت بقف على ايد الراجل وهو بيغير ولم بيخلص باخد منه مفتاح الطبه واتاكد انها مربوطه كويس

---

علم يافندم وسينفذ بس كنت عايزه أسأل كمان على الكاوتش أعرف منين انه كويس وشكرا ليك على الرد :S_thum1[1]:
ايه ياجماعه 11 مشاهده وماحدش بيعرفش يقفش الميكانيكى أو السمكرى الحرامى إزاى ؟؟!!!!!!! :rfds:ده أنا قلت أسأل أهل الخبره هلاقى كذا نقطه أعرف العربيه اتعمل فيها ايه ومااتعملش فيها ايه وبيضحك على فيها عموما خلينى صبوره ومستنيه الردود اللى على ودنه:colsmil::3mla:

شوفى تاريخ انتاج الكاوتش
نقشته موجودة ولا لا
وااسهل حاجة
توديها لاى بتاع كاوتش

الموضوع هايكلفك 10ج
اى بنزينه او مركز ظبط زوايا
هاترفعى العربيه وهو هايقولك المساعدين جداد ولا مستعملين بمجرد رؤيتهم وباردو هايقدر يعرف حاله الكاوتش بمجرد انه يمشى ايده عليه وبالمره هايشوف الباروما اللى فى العربيه

ونصيحه اخويه الناس كلها كويسه وكلها عندهم ضمير بس ماتثقيش فى اى شخص

اقتباس:

---

المشاركة الأصلية كتبت بواسطة mohamedezat

الموضوع هايكلفك 10ج
اى بنزينه او مركز ظبط زوايا
هاترفعى العربيه وهو هايقولك المساعدين جداد ولا مستعملين بمجرد رؤيتهم وباردو هايقدر يعرف حاله الكاوتش بمجرد انه يمشى ايده عليه وبالمره هايشوف الباروما اللى فى العربيه

ونصيحه اخويه الناس كلها كويسه وكلها عندهم ضمير بس ماتثقيش فى اى شخص

---

ده احسن حاجه

انا اللى اعرفة انى لسة رشة عربيتى فرن من الخارج ماعدا السقف ب 700 جنيه

اقتباس:

---

المشاركة الأصلية كتبت بواسطة lido_pink2000

انا اللى اعرفة انى لسة رشة عربيتى فرن من الخارج ماعدا السقف ب 700 جنيه

---

ممكن اعرف رشيت العربيه فين؟

انا شايف ان السعر معقول

انا عايز ارش الكبوت بس والناس بتقولى 300
ياريت لو مكان او تليفون اللى رش لك العربيه لو سمحت

نفس اللي حصل معايا
انا حاليا عربيتي عند السمكري ولسه ماخلصتش من يوم 1 مارس حتي الأن العربية عنده يعني بقالها 24 يوم دة غير لسة البوهيجي
الموضوع في الأول إتاخد مقاولة وانا كنت مش عارف اي حاجة في اي حاجة
يشاء ربنا سبحانه وتعالي إني أعرف كل هفوة عن السمكرة والدوكو و كمان الأسعار ووقفت الشغل و قمت بإعادة حساب المقاولة بالتفصيل لغاية لما نزلت 1000 جنية من السعر المطلوب
إدعولي أخلص من العربية علي خير وأخدها من الصنايعية النصابين إللي انا واقع معاهم

اقتباس:

---

المشاركة الأصلية كتبت بواسطة lido_pink2000

انا اللى اعرفة انى لسة رشة عربيتى فرن من الخارج ماعدا السقف ب 700 جنيه

---

انا رشتها من الخارج بس فرن ب700جنيه برضو فيات 128 ماعدا السقف

أنا بشكركم على تفاعلكم معايا:vctry: بس أنا بقى رشيت العربيه غيرت لونها من الأبيض للفيوليت الفاتح (اللون ده موجود فى أغلب العربيات الحديثه ) بس سعره كان كالتالى
100جنيه حجز الكابينه
280جنيه كيلو ونص بوية فرن
195جنيه خامات دوكو
900جنيه دهان
كده بقى حرامى ولا لأ أنا حاسه انه حرامى وفى الآخر دى 27 ولا إيه رأيكم:shyy::Zb_sor1[1]:

اقتباس:

---

المشاركة الأصلية كتبت بواسطة lobna_yaseen

أنا بشكركم على تفاعلكم معايا:vctry: بس أنا بقى رشيت العربيه غيرت لونها من الأبيض للفيوليت الفاتح (اللون ده موجود فى أغلب العربيات الحديثه ) بس سعره كان كالتالى
100جنيه حجز الكابينه
280جنيه كيلو ونص بوية فرن
195جنيه خامات دوكو
900جنيه دهان
كده بقى حرامى ولا لأ أنا حاسه انه حرامى وفى الآخر دى 27 ولا إيه رأيكم:shyy::zb_sor1[1]:

---

هو كده متقل ايده فى المصنعيه شويه
المعدل الطبيعى 500ج مش 900
والخامات اسعارها كويسه وطبعا اكيد البويه اوميجا
والكابينه بـ80ج

الاخوة الافاضل -طبعا احنا مش عايزين نظلم احد بالنسبة لاجر الصنايعى فى الدكو نسبى انا شايف لو هو شغله كويس يبقى الاجر معقول -- انا رشيت حزام لعربية شا هين ما عدا السقف 1500جنيه نضافة --وعندى واحد ثانى يعمل العربية كاملة ب1000جنيه بس شغله مش اد كده -- هذه الاسعار شاملة المون --وبجوارى مركز صيانة بيعمل السيارة بالقطعة يعنى كل باب 250جنيه وكذلك الرفارف وهكذا فالموضوع نسبى

اقتباس:

---

المشاركة الأصلية كتبت بواسطة mmwwaassffyy

الاخوة الافاضل -طبعا احنا مش عايزين نظلم احد بالنسبة لاجر الصنايعى فى الدكو نسبى انا شايف لو هو شغله كويس يبقى الاجر معقول -- انا رشيت حزام لعربية شا هين ما عدا السقف 1500جنيه نضافة --وعندى واحد ثانى يعمل العربية كاملة ب1000جنيه بس شغله مش اد كده -- هذه الاسعار شاملة المون --وبجوارى مركز صيانة بيعمل السيارة بالقطعة يعنى كل باب 250جنيه وكذلك الرفارف وهكذا فالموضوع نسبى

---

بما ان مافيش حد قال اسعار غيرى يبقا الكلام موجه ليا
اولا انا كاتب المعدل الطبيعى ماقولتش كلمه هو المفروض
وبعدين العربيه 127 وانا شايف كمان ان كيلو ونص بويه كتير عليها اساسا
انا ممكن ادفع 900ج مصنعيه بس فى نوع بويه يستاهل انما ماكونش جايب بويه تمن الكيلو منها 180ج وادفع كل المصنعيه دى
العربيه مش هاتعدى 6 ايام شغل ياعنى لو اخد 400ج يبقا اخد حقه

الى الاخ الفاضل عفوا كلامى عام ليس فيه اى تقليل من رايك او اراء الاخرين -- هو لو شغله كويس والفنش كويس -- يعنى جردها على الصاج وطلع شغل ممتاز مش هتفرق 100فوق او تحت ده راى وشكرا

والموضوع اتكلف 3500 جنيه من سمكره ب 450 جنيه وكهربائى 70 والباقى قطع غيار أغلبها كماليات مش لاقيالهم لازمه أنا دفعت 2000 وفاضل ألف ونص أعمل إيه أديهمله هو البارومه أنا متأكده انه عملها لأنى زوحت المره اليتيمه اللى فضيت فيها فورانى الحاجات اللى اتلحمت وكان بيشتغلوا فى الباقى وهى موديل 83 وكان فيها بارومه محترمه بس مش فى الأماكن الأساسيه ايه رأيكم المبلغ ده معقول ولا زياده؟؟؟؟؟:stink[1]:

ده طبعا من ضمن المبلغ تمن التغيير اللون:b4_444:

1- خصم قطع الغيار والكماليات التى تم تركيبها
2-هل احتاج لسروجى لفك الكراسى وتم تجديد التنجيد
3-هل احتاج لعمل شئ بالعفشة
4- المكيناكى عمل ايه واتعابه
5- رفع الزجاج اثناء العمل ام لا
المفروض كل شئ يتحسب عشان تاخذى قرار صح

نسيت متاسف الكهربائى عمل ايه هو الاخر

اقتباس:

---

المشاركة الأصلية كتبت بواسطة mmwwaassffyy

1- خصم قطع الغيار والكماليات التى تم تركيبها
2-هل احتاج لسروجى لفك الكراسى وتم تجديد التنجيد
3-هل احتاج لعمل شئ بالعفشة
4- المكيناكى عمل ايه واتعابه
5- رفع الزجاج اثناء العمل ام لا
المفروض كل شئ يتحسب عشان تاخذى قرار صح

---

بص ياسيدى هو شد الكراسى بس يعنى الكراسى كانت مريحه لورا شدها لقدام شويه وماعملش تنجيد جاب كسوه ب65حنيه شكلها أساسا مش عاجبنى والسروجى أخد 50 جنيه والكهربائى خد70 جنيه والميكانيكى 290جنيه بقطع الغيار الداخليه للعربيه الباقى كماليات زى دواير صغيره اسمها عواكس- مزراب ميه-فوانيس الى وراء كانت مكسوره شبكه - شريط لحام حاجات كده جاب جهاز إنذار ب230 - طبة شنطه يعنى مثلا العربيه من جوه ماتغيرتش خالص غير الكسوه اللى مش عجبانى ده حتى المروحه اللى فى التابلوه فتحة الهوا دى متكسره ماعملش فيها حاجه قالى برضه عملت فرامل اليد مش شايفاها اتعملت هى مش لما تتعمل لما تركن العربيه على مطلع خفيف قوى وترفع فرامل اليد لازم العربيه تقف ولا لازم ترجع خفيف لورا مع انك رافع فرامل اليد ؟؟!!!! برضه عجلتين مقاس 135/13 ب165 الواحده إيطالى يعنى ب330 دى الحاجات اللى فاكراها إيه رأيك بقى؟

لو حسبنا ثمن الكاوتش +الانذار =560 ضيفى عليهم ثمن الشبكة والفوانيس وخلافة ثم الميكانيكى 290ثم اجر الكهربائى 70للعلم تركيب الانذار والسنتر لوحده 50جنيه غير تركيب الفوانيس وان كان عمل شغل فى الكهرباء يعنى فى لمبات فى كلبسات-- بالنسبة للسروجى تركيب الكسوة فقط من 30الى 40جنية اما لو لو شال الكراسى والفرش وركبهم تانى اثناء عمل السمكرة لا تقل عن 100 بدون تنجيد فى نقطة مهمة الشخص الياخذ العربية بيطلع لنفسه اجرة تانية نظير وقوفه عند الميكانيكى والكهربائى والاخرين بالنسبة عدم احكام فرامل اليد الميكانيكى هيعمل ليجلاش علي الفرامل الخلفية وانت واقفة او تيل الفرامل الخلفى يكون منتهى

اقتباس:

---

المشاركة الأصلية كتبت بواسطة mmwwaassffyy

لو حسبنا ثمن الكاوتش +الانذار =560 ضيفى عليهم ثمن الشبكة والفوانيس وخلافة ثم الميكانيكى 290ثم اجر الكهربائى 70للعلم تركيب الانذار والسنتر لوحده 50جنيه غير تركيب الفوانيس وان كان عمل شغل فى الكهرباء يعنى فى لمبات فى كلبسات-- بالنسبة للسروجى تركيب الكسوة فقط من 30الى 40جنية اما لو لو شال الكراسى والفرش وركبهم تانى اثناء عمل السمكرة لا تقل عن 100 بدون تنجيد فى نقطة مهمة الشخص الياخذ العربية بيطلع لنفسه اجرة تانية نظير وقوفه عند الميكانيكى والكهربائى والاخرين بالنسبة عدم احكام فرامل اليد الميكانيكى هيعمل ليجلاش علي الفرامل الخلفية وانت واقفة او تيل الفرامل الخلفى يكون منتهى

---

يعنى انت شايف إن كده حلو والباقى معقول يعنى أديهم له وخلاص مش كده بالفعل انتم جميعا خير صحبه وسند Thank you all of you

فرامل اليد اما تتشد العربية ما تريحش
كمان عدى هيا بتك كام تكة وقولى

اقتباس:

---

المشاركة الأصلية كتبت بواسطة A.Saad

فرامل اليد اما تتشد العربية ما تريحش
كمان عدى هيا بتك كام تكة وقولى

---

ده معناه إنه مصلحهاش وكام تكه وهى بتترفع يعنى؟ طيب فهمنى إيه المغزى من كده؟ :ma(30):

عموما العربيات القديمه صعب انك تلاقى الهاند شغال بكفاءه والا لازم ترفعها لاخر تكه ودى مش خفيفه
والطبيعى بيكون من 5 الى 7 تكات

انا راى ادفعيله بشرط اى حاجة تحصل فى العربية فى خلال فترة شهر مثلا ترجعيلة وده ضمن الحساب

اقتباس:

---

المشاركة الأصلية كتبت بواسطة lobna_yaseen

ده معناه إنه مصلحهاش وكام تكه وهى بتترفع يعنى؟ طيب فهمنى إيه المغزى من كده؟ :ma(30):

---

ترفعى الهاند بالراحة
تعدى التكات اللى بتسمعيها

اقتباس:

---

المشاركة الأصلية كتبت بواسطة mmwwaassffyy

انا راى ادفعيله بشرط اى حاجة تحصل فى العربية فى خلال فترة شهر مثلا ترجعيلة وده ضمن الحساب

---

ماهو ده اللى هيحصل إن شاء الله وخصوصا إنه معرفه بس الواحد لما يضحك عليه بمزاجه وهو عارف فى إيه بالضبط أحسن من:M_yes[1]: الغشيم :ma(30):اللى مش عارف حاجه وده اللى عايزه أوصلهوله وأنا بديله الفلوس عشان لما أرجعله تانى يصلح لى حاجه مايقدرش يرفع عينه فى :,:ويقول هاتى فلوس تانى شكرا على إهتمامك:vctry:

العفو على واجب واتمنى ان يكون الموضوع انتهى على خير