السلام عليكم ارجو النصيحة امبارح السيارة كانت ماشية ومرة واحدة بطلت مني مش عاوزة تدور
قلت يمكن البنزين عملها والمؤشر علق وجبت بنزين ومادارتش برضه جبت كهربائي كشف عليها وقالي دي الموبينة او المشط ياجماعة بكام الموبينة استعمال
عرض للطباعة
السلام عليكم ارجو النصيحة امبارح السيارة كانت ماشية ومرة واحدة بطلت مني مش عاوزة تدور
قلت يمكن البنزين عملها والمؤشر علق وجبت بنزين ومادارتش برضه جبت كهربائي كشف عليها وقالي دي الموبينة او المشط ياجماعة بكام الموبينة استعمال
السياره نوعها ايه ؟
السيارة نوعها فيكترا 99 مانوال 1600 سي سي
ماتقولينا ايه الاعراض الى بتحصل وانت بتدور المارش مش يمكن طرمبه بنزين حصل معايا نفس الموقف كنت بعدى مزلقان سكه القطر ويادوب عديت راحت واقفه قلت الحمد لله ان ماوقفتش على المزلقان وجبت واحد صاحبى جاابلى طرمبه استعمال وركبناها فى الشارع ودورنا دارت عالطول شوف ليكون طرمبه بنزين
السيارة المارش شغال عادي والانوار شغالة مفيش مشكلة الكهربائي كشف ولقى ان الهرباء بتوصل لغاية الموبينة ومفيش بعد كده كهرباء لو طلمبة البنزين تعمل كام والموبينة سعرها كام استعمال وشكراااااااا
انت كده جيت في ملعبي :mad2:
بص ياباشا ...لما العربيه فصلت لوحدها لمبه الاعطال نورت لوحدها ولا لا؟؟؟
- لو كانت نورت يبقي العيب من المشط الاليكتروني لانه واصل بالكونترول يونت
-لو كانت نورت مع نور التابلوه كله زي اول مابتدور كده يبقي من البوبينه .
-سواء المشكله من الموبينه او المشط انصحك تجيبهم استعمال الخارج لان في مغشوش كتيييير جدا منهم في السوق وكمان الاسعار مبالغ فيها انا سمعت 475 ج في البوبينه من اميركان ستارز ومش الماني بيقول سوق اوربيه ,كذلك المشط ب150ج صيني
-انا مغير البوبينه عندي وجبتها ب100 ج بوش استيراد والمشط برده بيعمل نفس القيمه تقريبا .
علي فكره تركيبهم سهل جدا مش محتاج ميكانيكي ,ربنا يوفقك ان شاء الله .
-معلش نسيت اقولك انك لو فكيت طرف الخرطوم اللي داخل تحت العمه اللي جايب البنزين ودورت ولقيت بنزين متدفق يبقي الطرمبه شغاله تمام ..
قبل ماتشترى حاجة اتأكد الاول العيب فين
اللى بتقول علية دة لو حساس الكرنك او سير الكاتينة هيعمل نفس الكلام , خلى ميكانيكى يشوفها مش كهربائى
مفيش حاجة تنية هتتقال بس بوص على وصلات الكهرباء بتاعت السبرتير الخمسة لو وحد فلتة هتعمل كدة بردو
طالما اللمبه نورت و مش بتدور يبقى حساس كرنك فك الفيشة الأول و نضفها