مع اللانوس .. فنيين شيفروليه و فنيين دايو ... الخبرة تفرق

سلام عليكم
خبرة صغيرة حابب انقلها

انا عربيتي (لانوس1 99 ) كان فيها مشكلة انها بتخبط جامد في الأرض المكسرة و باين الموضوع ده اكتر في الناحية اليمين قدام
مع ان مساعدينها (مونرو) و كوبايات و بطاحات و بيض طرف و مسمار ميزان كل ده جديد

المهم انا رحت للميكانيكي بتاعي عشان يشوف لي الموضوع ده , فهو راجل امين و محترم لكن امكاناته مش عالية , ما عرفش ايه السبب
المكان بتاعه جنبه على طول مركز بتاع منصور, و بالطبع المركز ده شغال في الشيفروليه لانوس
المهم الراجل ما عرفش ده ايه , فراح داخل ( من نفسه تماما ) جوة مركز صيانة منصور و جاب واحد صنايعي معرفته من جوة مركز الصيانة , بص على العربية و مشينا بيها
بعدها لقيته بيقول لي ان المساعد المونرو اللي راكب بقى له كام شهر تعبان و هو اللي عامل كده !!!!!

طبعا انا بصراحة ما صدقتش
فاتصرفت لحد ما وصلت لواحد معرفة شغال في توكيل من التوكيلات اللي فيها صيانة دايو
الراجل بعد ما بص على العربية خلاني اشتريت عمودين ميزان جداد , و كاوتشتين ميزان صدر بالأفيز بتاعهم
و بعتني لميكانيكي تاني , اكتشفت بعد كده انه اصلا فني في نفس الوكيل , و ركبهم , و بقت العربية كأنها زيرو

طبعا المثال ده مش كافي للحكم العام على الفنيين هنا و هنا
بس ده الانطباع اللي انا اخدته

بالمناسبة , انا لقيت هناك كمان كهربائي (اظنه شغال في التوكيل برده ) لما شرحت له موضوع الrpm اللي عندي استغرب لما عرف انها واصلة بالموبينة , و فك التابلوه و فك الوصلة و وصل في فيشة العداد سلكته الأصلية تاني ( اللي اتشالت عشان يتركب مكانها السلك اللي راح للموبينة ) و فك الكرسي و اشتغل في الكنترول شوية , و بعدين قال لي اتفضل , العربية بتقرا rpm صح مش نص قراية زي ما كان

سؤال للادارة : انا حابب اعمل موضوع احط فيه عنوان و تليفون الميكانيكي و الكهربائي دول للناس هنا عشان انا شايف انهم فاهمين كويس فعلا , عايز اعرف ده مسموح ولا لأ

على فكره عندك حق لإن منصور فتايين جدا جربتهم في أفيو ولانوس وأسترا وفيكترا !!!!!!

ياريت تكتب اسماؤهم وعناوينهم و كمان تليفوناتهم للافادة و الكلام ده مسموح ماتخافش المنتدى معمول عشان الافادة

ياريت فعلا تقولنا على بيانات الناس دي , لاني حاليا بدور على حد يكون فنى وفاهم اوي

انا اللي يهمنى اكتر الميكانيكي

ياريت نعرف

هو مش سر , انا كده كده حتى لو الادارة ما وافقتش كنت هاقول للي عايز على الخاص

عموما نقول و ربنا يستر , هو في أخر شارع الاربعين في جسر السويس , بتدخل من جنب حديقة بدر و تمشي لحد اخر الشارع , في الأخر خالص الشارع بيتسد و يدخل شمال , مجرد ما تدخل شمال بتلاقي ورشة مكتوب عليها دايو

هناك اللي انا اتعاملت معاه اسمه محمد عواد , و هو قال لي انه بيبقى في الورشة من بعد الساعة 6 , و دي تليفوناته
0101242759
0128697519
فيه كمان واحد اسمه مصطفى بس انا ما اتعاملتش معاه

الكهربائي اللي اشتغل في عربيتي هناك اسمه عصام

انا ما اخدتش تليفونات لا مصطفى ولا عصام

و عموما يا ريت لو حد اتعامل معاهم يقول لنا انطباعه ايه عشان برده الواحد يبقى واخد فكرة من اكتر من تجربة

اضافة : أظنهم شغالين في الدايو بس , كل العربيات اللي هناك كانت لانوس و نوبيرا بس

اقتباس:

---

المشاركة الأصلية كتبت بواسطة tlrsiap

هو مش سر , انا كده كده حتى لو الادارة ما وافقتش كنت هاقول للي عايز على الخاص

عموما نقول و ربنا يستر , هو في أخر شارع الاربعين في جسر السويس , بتدخل من جنب حديقة بدر و تمشي لحد اخر الشارع , في الأخر خالص الشارع بيتسد و يدخل شمال , مجرد ما تدخل شمال بتلاقي ورشة مكتوب عليها دايو

هناك اللي انا اتعاملت معاه اسمه محمد عواد , و هو قال لي انه بيبقى في الورشة من بعد الساعة 6 , و دي تليفوناته
0101242759
0128697519
فيه كمان واحد اسمه مصطفى بس انا ما اتعاملتش معاه

الكهربائي اللي اشتغل في عربيتي هناك اسمه عصام

انا ما اخدتش تليفونات لا مصطفى ولا عصام

و عموما يا ريت لو حد اتعامل معاهم يقول لنا انطباعه ايه عشان برده الواحد يبقى واخد فكرة من اكتر من تجربة

اضافة : أظنهم شغالين في الدايو بس , كل العربيات اللي هناك كانت لانوس و نوبيرا بس

---

مشكووووور , مع انه طلع بعيد عني خالص :C_laugh[1]: كان نفسي يبقه قريب من وسط البلد

اقتباس:

---

المشاركة الأصلية كتبت بواسطة mohammad_alshamy

مشكووووور , مع انه طلع بعيد عني خالص :c_laugh[1]: كان نفسي يبقه قريب من وسط البلد

---

هو بعيد جدا عني انا كمان و سكته من عندي زحمة , انا ساكن في غمرة
بس انا قرفان موت من الميكانيكية اصلا لدرجة اني كنت ناوي اعمل كل شغلي في التوكيل و خلاص

اقتباس:

---

المشاركة الأصلية كتبت بواسطة tlrsiap

هو بعيد جدا عني انا كمان و سكته من عندي زحمة , انا ساكن في غمرة
بس انا قرفان موت من الميكانيكية اصلا لدرجة اني كنت ناوي اعمل كل شغلي في التوكيل و خلاص

---

عامه بما انك محتاجله فأكيد هتروحله حتى لو في الصين :E_braces[1]:
والله العظيم الواحد ما بيصدق يلاقي ميكانيكي ولا كهربائي فاهم , والاهم من كده انه يكون راجل امين ومحترم في نفسه

صدقني يا اخي انا كنت بتعامل مع الميكانيكي اللي معظم الناس هنا في المنتدى بتقول انه شاااطر وكويس جدااااا من قبل ما اعرف ان في حد بيتكلم عنه في المنتدى اصلا , بس للاسف مع زياده شهرته نفسه عليت على الناس وبدأ (يطـلـسـأ) الناس العاديه في الشغلانات الصغيره , وبدأ يترسم ويخلي الناس اللي معاه (الصنايعيه) هما اللي يشتغلو وهو بيشرف معظم الاوقات وبس

وبصراحه قولت لنفسي حتى لو كان احسن ميكانيكي في الدنيا يغووووور :khd: وطبعا روحت لغيره , والحمد لله ماشيه :E_braces[1]:

اقتباس:

---

المشاركة الأصلية كتبت بواسطة mohammad_alshamy

عامه بما انك محتاجله فأكيد هتروحله حتى لو في الصين :E_braces[1]:

لو مرتاح له و مقتنع بيه هاروح له فعلا


والله العظيم الواحد ما بيصدق يلاقي ميكانيكي ولا كهربائي فاهم , والاهم من كده انه يكون راجل امين ومحترم في نفسه

و الله انا بافكر اعمل موضوع اسمه حكاياتي مع الميكانيكية و مراكز الصيانة , و انا متأكد ان كلنا هانقول العجب العجاب , اللي انا حاكيه فوق ده عينة بس و اللي خلاني ذكرتها اني اندهشت جدا من الكلام اللي قاله الصنايعي بتاع منصور و اللي ثبت فعلا انه غلط

صدقني يا اخي انا كنت بتعامل مع الميكانيكي اللي معظم الناس هنا في المنتدى بتقول انه شاااطر وكويس جدااااا من قبل ما اعرف ان في حد بيتكلم عنه في المنتدى اصلا , بس للاسف مع زياده شهرته نفسه عليت على الناس وبدأ (يطـلـسـأ) الناس العاديه في الشغلانات الصغيره , وبدأ يترسم ويخلي الناس اللي معاه (الصنايعيه) هما اللي يشتغلو وهو بيشرف معظم الاوقات وبس

و الله انا اتعاملت معاه مرتين و ما ارتحتش لنفس الأسباب تقريبا (الصنايعية بتوعه اظنهم فاهمين بس فيهم اللي زمته كويسة و فيهم اللي مش اوي و فيهم اللي معاملته كويسة و فيهم اللي مش اوي , هو بنفسه ما عملش حاجة في عربيتي بإيده , المصنعية غالية اوي , بعد ما مشيت لقيت ان فيه نسبة كروتة في تقفيل الشغل ) بالاضافة للمشوار البعيد طبعا , عشان كده قلت خليه لساعة الزنقة , و حتى اخر مرة اتزنقت (مش القصة دي لأ اللي قبلها ) رحت التوكيل

بس أرجع و اقول , انا شفت ميكانيكية كتير غير كده , اغلبهم بيعكوا و بيفتوا (بضمير او من غير) , او بيألفوا و يعملوا على الزبون شغل
عشان كده كانت اخر حاجة خالص اني باروح التوكيل و ادفع و أمري لله

---

اقتباس:

---

المشاركة الأصلية كتبت بواسطة tlrsiap

سؤال للادارة : انا حابب اعمل موضوع احط فيه عنوان و تليفون الميكانيكي و الكهربائي دول للناس هنا عشان انا شايف انهم فاهمين كويس فعلا , عايز اعرف ده مسموح ولا لأ

---

طالما انت بتعرض البيانات دى بناء على طلب الزملاء عشان يستفيدوا يبقى مفيش مشاكل... المشاكل بتبقى فى الناس اللى بتخش تعرض موقف صورى عشان فى الاخر تكتب عنوان و تليفونات ورشة على سبيل الاعلان لا اكثر ولا اقل

ورائى كعضو ان الراجل اللى روحتلة فاهم و حل مشكلة عربيتك و جاب العيب على طول بالتالى هو راجل كويس و ممكن باى الناس تستفيد منة خصوصا انة فى منطقة مكنش فيها ناس كتير مشهود لهم بالخبرة فا عرض المعلومات دى فايدة للكل

MMamdouh

بعيد قوى
بالنسبة ليا الناس ده على طرف الارض

اقتباس:

---

المشاركة الأصلية كتبت بواسطة mmamdouh

طالما انت بتعرض البيانات دى بناء على طلب الزملاء عشان يستفيدوا يبقى مفيش مشاكل... المشاكل بتبقى فى الناس اللى بتخش تعرض موقف صورى عشان فى الاخر تكتب عنوان و تليفونات ورشة على سبيل الاعلان لا اكثر ولا اقل

ورائى كعضو ان الراجل اللى روحتلة فاهم و حل مشكلة عربيتك و جاب العيب على طول بالتالى هو راجل كويس و ممكن باى الناس تستفيد منة خصوصا انة فى منطقة مكنش فيها ناس كتير مشهود لهم بالخبرة فا عرض المعلومات دى فايدة للكل

mmamdouh

---

و انا و الله يا ممدوح باشا فعلا غير مستفيد اي حاجة من الراجل ده , انا بس ربنا وفقني لميكانيكي حسيت انه فاهم زي ما بتقول كده فحبيت ان اللي تعبوا اوي من اللف على ميكانيكي كويس زي حالاتي كده يستفيدوا

و انا معاك في نقطة المنطقة دي , و يا رب بس الراجل ده يطلع عند حسن ظن الواحد , اهو الواحد يبطل يدور على ميكانيكي بقى

بخصوص الموقف , انا طبعا ما رضيتش اذكر مكان توكيل منصور اللي حصلت فيه القصة دي عشان ما ابقاش باغلط في حد , لكن انا فعلا اتصدمت في مستوى الفنيين بتوع منصور , و ده الغرض الأصلي من الموضوع ده

اقتباس:

---

المشاركة الأصلية كتبت بواسطة zaza_lanos

بعيد قوى
بالنسبة ليا الناس ده على طرف الارض

---

ربنا يسهل بقى بحد يطلع قريب منك , و اهو ان شاء الله كده قدام شوية نبقى في كل منطقة عارفين صنايعي كويس بحيث ان كل واحد فينا يبقى لاقي واحد مش بعيد عنه و بكده نجمع ميزة الميكانيكي الكويس مع المكان القريب

اقتباس:

---

المشاركة الأصلية كتبت بواسطة mmamdouh

مشاكل... المشاكل بتبقى فى الناس اللى بتخش تعرض موقف صورى عشان فى الاخر تكتب عنوان و تليفونات ورشة على سبيل الاعلان لا اكثر ولا اقل



mmamdouh

---

ما المقصود بموقف صورى

اقتباس:

---

المشاركة الأصلية كتبت بواسطة mahdyez

ما المقصود بموقف صورى

---

يعنى تحكى او تفبرك موقف و السلام لمجرد جذب الانتباه ولفت النظر

اقتباس:

---

المشاركة الأصلية كتبت بواسطة mahdyez

ما المقصود بموقف صورى

---

موقف شبه اللي انا حكيته كده بس مش حقيقي و ما حصلش

اقتباس:

---

المشاركة الأصلية كتبت بواسطة lion_heart

يعنى تحكى او تفبرك موقف و السلام لمجرد جذب الانتباه ولفت النظر

---

اعتقد اذا حد عمل كدة وظهرت حقيقة الموضوع سيكون له رد فعل عكسى لصاحب الموضوع
ومااعتقدش ان حد ممكن يعمل كده

اقتباس:

---

المشاركة الأصلية كتبت بواسطة mahdyez

اعتقد اذا حد عمل كدة وظهرت حقيقة الموضوع سيكون له رد فعل عكسى لصاحب الموضوع
ومااعتقدش ان حد ممكن يعمل كده

---

حصلت كتير والحمد لله الإدارة بتقفشهم بدري بدري

اقتباس:

---

المشاركة الأصلية كتبت بواسطة mahdyez

ومااعتقدش ان حد ممكن يعمل كده

---

و انا كمان ما اعتقدش ان احنا فى عالم ملائكى و شفاف
و مش كل النفوس طاهرة و نبيلة
و المنتدى يعتبر جزء من المجتمع .... لكن لله الحمد بنحاول نطهره اول بأول

اقتباس:

---

المشاركة الأصلية كتبت بواسطة tlrsiap

هو في أخر شارع الاربعين في جسر السويس , بتدخل من جنب حديقة بدر و تمشي لحد اخر الشارع , في الأخر خالص الشارع بيتسد و يدخل شمال , مجرد ما تدخل شمال بتلاقي ورشة مكتوب عليها دايو

هناك اللي انا اتعاملت معاه اسمه محمد عواد , و هو قال لي انه بيبقى في الورشة من بعد الساعة 6 , و دي تليفوناته
0101242759
0128697519

فيه كمان واحد اسمه مصطفى بس انا ما اتعاملتش معاه

الكهربائي اللي اشتغل في عربيتي هناك اسمه عصام

انا ما اخدتش تليفونات لا مصطفى ولا عصام

---

يا باشا الف مبروك انا عندي نفس الموديل ونفس المساعدين ونفس المشكله وروحت لعفشجي قال لي غير المساعد الامامي اليمين مع انه لسا جديد

ممكن اعرف الصنايعي اللي انت روحت له ده عفشجي ولا ميكانيكي وكمان اسعار الحاجات اللي اشتريتها والمصنعية كام

اقتباس:

---

و عموما يا ريت لو حد اتعامل معاهم يقول لنا انطباعه ايه عشان برده الواحد يبقى واخد فكرة من اكتر من تجربة

---

مش ده الراجل اللي انت عملت عنده الشغل ؟؟ ازاي عاوز حد يقول لك رايه

اقتباس:

---

هو في أخر شارع الاربعين في جسر السويس , بتدخل من جنب حديقة بدر و تمشي لحد اخر الشارع , في الأخر خالص الشارع بيتسد و يدخل شمال , مجرد ما تدخل شمال بتلاقي ورشة مكتوب عليها دايو

هناك اللي انا اتعاملت معاه اسمه محمد عواد , و هو قال لي انه بيبقى في الورشة من بعد الساعة 6 , و دي تليفوناته
0101242759
0128697519
فيه كمان واحد اسمه مصطفى بس انا ما اتعاملتش معاه

الكهربائي اللي اشتغل في عربيتي هناك اسمه عصام

انا ما اخدتش تليفونات لا مصطفى ولا عصام

و عموما يا ريت لو حد اتعامل معاهم يقول لنا انطباعه ايه عشان برده الواحد يبقى واخد فكرة من اكتر من تجربة

اضافة : أظنهم شغالين في الدايو بس , كل العربيات اللي هناك كانت لانوس و نوبيرا بس

---

الحمد لله اخيرا لقيت ميكانيكي فاتح جنبي
ان شاء الله هروحله يظبطلي شوية حاجات في العربية

اقتباس:

---

المشاركة الأصلية كتبت بواسطة nasroo

يا باشا الف مبروك انا عندي نفس الموديل ونفس المساعدين ونفس المشكله وروحت لعفشجي قال لي غير المساعد الامامي اليمين مع انه لسا جديد

ممكن اعرف الصنايعي اللي انت روحت له ده عفشجي ولا ميكانيكي وكمان اسعار الحاجات اللي اشتريتها والمصنعية كام

الله يبارك فيك يا باشا
لا مش عارف هو عفشجي ولا ميكانيكي بصراحة
عموما انا كانت المشكلة اللي عندي حاجتين , مسمار الميزان كان معووج ( اشتريت اتنين من التوكيل الواحد ب22 جنيه لأني ما لقيتش الأصلي برة , و الله اعلم اللي في التوكيل اصلي ولا ايه بس انا جبتهم من التوكيل و خلاص)
و كاوتشتين الميزان صدر متاكلين , اشترتيتهم بقفايزهم من التوكيل برده , الواحدة بالقفيز عملت 66 جنيه , مش عارف دول برة اخبارهم ايه , ولا عارف الكاوتشة من غير القفيز عاملة كام
و اخد مصنعية 60 جنيه


مش ده الراجل اللي انت عملت عنده الشغل ؟؟ ازاي عاوز حد يقول لك رايه
انا رأيي كونته من شغلانة واحدة بس و دي مش كافية , ما الميكانيكي اللي عملت عنده شغل اكتر من مرة قبل كده و عمله , شوية كده و اكتشفت انه على قده خالص و انه بيعرف يشتغل في الحاجات المنتشرة اوي بس

---

على فكرة أن الميكانيكى ده اللى بتعامل معاه (فيات سيينا 1400 ) :36_1_1[1]::36_1_1[1]::36_1_1[1]::36_1_1[1]::36_1_1[1]::36_1_1[1]:

انا أساسا ساكن جنبة ، وجارى معاه هو وأخوة دايو وبيروحولة فرحت معاه (لمصطفى) فقالى أنه مبيشتغلشى فى السيينا وكلملى الأسطى محمد (لأنه كان شغال فى فيات قبل ما يروح لدايو) وهو اللى بشتغل معاه حاليا

بصراحه الناس مُحترمة جدا (سواء محمد أو مصطفى)

أنا لسة مغير معاه السيور والفلاتر والبوجيهات وغسل الماتور وأخد 100 جنية (بصراحه معرفشى كتير ولا لأ فدى أول مرة أعملها)

يا محاسن الصدف
:satelite::36_1_1[1]:

محمد فعلا كان قايل لي انه له في الدايو و الفيات بس , و انطباعي لحد دلوقت عنه انه محترم
اما مصطفى فانا ما اتعاملتش معاه خالص تقريبا

انت اشتريت عمودين ميزان ولا مسمارين ميزان وايه هما العامودين دول اصلاً

اظن ان العامودين و المسمارين حاجة واحدة و ان ده فرق مسميات

الواحد فيهم عبارة عن مسمار طوله حوالي 20 سنتي , و في اوله من كل ناحية كاوتشتين مفروقين عن بعض بوردة