-
مكان الكمين العجيب
الصبح كالعادة رايح الشغل و انا ساكن فى التجمع الخامس و انا جاى فى شارع ال90 من ناحية الجامعة الامريكية و داخل على مكان اسمه لاك فيو (lake view) فيه ملف طبعا الواحد ماشى على سرعة حوالى 80 و اذ افاجئ بكمين شرطة واقف فى الملف بالظبط بصراحة انا كنت داخل فيهم لولا رحمة ربنا .
انا مش عارف بصراحة مين اللى بيختار اماكن وقوف الكمين ليه دايما فى الملفات و الاماكن اللى ممكن تخليك تعمل حادثة . ؟؟!!!
و برضه ايه الحكمة انك تكون رايح شغلك فى ميعادك تلاقى كمين و ضابط ظريف او امين مش عارف يقرا اصلا يسالك على الرخص و طبعا تتاخر على الشغل دا غير التلكيك على اى حاجة علشان تدفع له اى رشوة على الصبح ؟!!!!!
و بالليل اللى مفروض يكون فيه اكمنة و خصوصا فى القاهرة الجديدة علشان العربيات النقل طبعا ماتلاقيش حد خالص .
و ربنا يستر و يسلم الجميع
:mad2::mad2::B4_592::khd:
-
والله معاك حق
طب دلوقتي لو الواحد اخد باله ووقف عند الكمين لو لا قدر الله واحد مخدش باله ودخل فيا وانا واقف ساعتها حيفيدوني بايه ولا حاجه طبعا
ده غير العطله على الصبح والواحد بيبقى متاخر على الشغل بسبب الزحمة بتاعت كل يوم يعني الدنيا مش ناقصه كماين خالص عالصبح
-
هما بيتعمدوا يقفوا فى الاماكن المستخبية ودة علشان محدش يشفهم ويفوجئ بيهم واللى مش رابط الحزام ميلحقش يربطة واللى معهوش رخصة ميعرفش يلف ويرجع
-
أنا عديت من الكمين ده انهارده الصبح الساعة 8 كده وملحقتش أربط الحزام بس محدش وقفني وعديت عادي جداً :)
-
كله هيعدي بالحب ههههههههههه
-
كمائن في أماكن غبية في كل حتة في مصر تدل على العبقرية الفذة
Content Relevant URLs by
vBSEO 3.6.0 PL2