الموضوع: صوت تزيق فى الفرامل سيفيك 08

إنت غسلت العربية فى البنزينة قبل الصوت ده؟
ممكن و هو بيغسلها رش مياه على التيل

انا غسلت العربية فعلا ، بس دى مش اول مره اغسلها وعمر محصل الصوت ده
انا روحت التوكيل امبارح ، وقالولى ان الصوت اتعمل بس الطنابير فيها ريجة عايزة تتمس ، ولازم اروحلهم يوم تانى من الصبح عشان يعملوا المضوع ده
الصوت فعلا قل عن الاول بس لسة قى صوت

المهم المهندس اللى فى الورشة جوه ، قالى نصيحة متغيرش الطنابير (مش عارف لية)
فى دماغى احتمالين ياما يكون عايز يوفر للتوكيل
او يكون ابن حلال و يقصد يقولى ان الطنابير الجديدة اسوأ من القديمة

مفيش حاجة إسمها الجديدة أسوأ من القديمة، بالعكس المفروض إن الجديد أحسن لإنهم بيكونوا عدلوا العيوب إللى فيه (زي المشكلة بتاعت البطاحات)
الواضح إن طنابير الفابريكة فيها مشاكل، زائد إنك لو حتغيرهم حيكونوا على حساب الفطيم لإن عربيتك لسة فى الضمان! المهم ما تدفعش تمن التيل لإن الطنابير هى إللى أفسدته

المشاركة الأصلية كتبت بواسطة m_nabil

ممكن لو فعلاً رش مياة على التيل والطنابير وهيه سخنه تبوظهم

111111111+

من الأسباب الرئيسية لتصفير الفرامل عدم إستواء سطح الطنابير واللى بيخلى فى ريجه وبالتالى دخول كمية من الهواء بين التيل والطنابير وهو ده اللى بيسبب الصفارة والنصيحة ما تخليش حتى البوب يغسل الكاوتش والطنابير لسة سخنة وما تحاولش تمشى فى مياه فى الشارع وتبطأ على قد ما تقدر لو في مياه والأهم إنك تخرط الطنابير عشان تصلح الريجه وأما تركب التيل القديم تحاول تتاكد إن سطحة مستوى بإنك تكحته فى الأسفلت .

المشاركة الأصلية كتبت بواسطة kmhbravo

111111111+

من الأسباب الرئيسية لتصفير الفرامل عدم إستواء سطح الطنابير واللى بيخلى فى ريجه وبالتالى دخول كمية من الهواء بين التيل والطنابير وهو ده اللى بيسبب الصفارة والنصيحة ما تخليش حتى البوب يغسل الكاوتش والطنابير لسة سخنة وما تحاولش تمشى فى مياه فى الشارع وتبطأ على قد ما تقدر لو في مياه والأهم إنك تخرط الطنابير عشان تصلح الريجه وأما تركب التيل القديم تحاول تتاكد إن سطحة مستوى بإنك تكحته فى الأسفلت .

شكرا لرد حضرتك
بس المشكلة ان الصوت مش صوت صفارة ، دة صوت باب بيزيق (ده اقرب تشبيه ليه) والصوت بيبان فقط بعد العربية ما تمشى شوية (20 كم تقريبا)

المشاركة الأصلية كتبت بواسطة haythamkmal

شكرا لرد حضرتك
بس المشكلة ان الصوت مش صوت صفارة ، دة صوت باب بيزيق (ده اقرب تشبيه ليه) والصوت بيبان فقط بعد العربية ما تمشى شوية (20 كم تقريبا)

أكيد عندك حرف بسيط مش مستوى فى تيل الفرامل كمان والحل إنك تفك تيل الفرامل وتقوم بحكة فى الأرض لحد أما يضيع الحرف البسيط اللى فيه من الريجة الموجودة فى حرف الطنابير أو تدوس فرامل كتير لمسافة 150 كم بس الفك احسن وأسرع وهايظبط معاك .