السلام عليكم ورحمة الله وبركاته
انا ياجماعه معايا هيونداى i10
وعايز اركبلها سنتر وانذار فياريت لو حد يعرف مصاريف تركيبهم فى التوكيل بكام
وياترى لو ركبتها بره التوكيل هتخرج من الضمان ولا ايه
ولو حد عارف رقم للصيانه فى ابو راوش يقولى عليه علشان عمال اتصل ب 16101 ده ولا حد بيرد ولا حد بيعمل
ومتشكر ليكم يا جماعه مقدما
انا كنت سئلت هناك وقالولى اشترى السنتر والانزار من برة واحنا حنركب وتكلفة التركيب 250جنية
دة فى فرع السلطان حسين فى اسكندرية اكيد باقى الفروع نفس النظام
ممكن يكون كلة بالتركيب ب 600 ج
كان واحد صاحبي مركب من قريب بس في كيا سيراتو شكل قديم
النصيحة لوجه الله
ابعد عن التوكيل وغنى له
............................
محمود عينو
بس كده العربية هتخرج من ضمان الكهرباء ولا إيهاقتباس:
المشاركة الأصلية كتبت بواسطة eino666
250 جنيه عشان يركبو سنتر ليه يعني حرام والله
شكرا يا جماعه على ردودكوا
بس انا بعد محاولات واتصالات ردوا عليا وسالتهم سؤالى ده
تخيلوا معايا لاقيت الرد ايه
الاستاذ اللى رد عليا قالى ممنوع نركب حاجه اضافيه فى العربيه بصراحه انا فى الاول مصدقتش او ما ادركتش او مفهمتش هو بيقول ايه فقلتله ازاى يعنى فكرر نفس الجمله فعرفت انه بيتكلم بجد مش بيهزر
فقلتله طب انا دلوقتى عايز اركب السنتر والانذار اعمل ايه يعنى فقالى ممكن تركبه بره قلتله بس كده هتطلع بره الضمان فقالى اه لو الكهربائى لعب فى الضفيره وبوظ حاجه تانى يبقى هتطلع من الضمان بتاع الكهربا فقلتله طب انا اعمل ايه يعنى قالى حضرتك روح لاى كهربائى نضيف وان شاء الله مش هيحصل فيها حاجه وكله هيبقى تمام
بصراحه انا مش عارف اعمل ايه يعنى اركبها بره ولا اخليهم يركبوها ازاى دول يعنى
ياريت يا جماعه لو حد ليه معرفه مسبقه فى الموضوع ده يقولى
توكل على الله وركب الإنذار خارج التوكيل عند مكان كويس, وزي ما ردو على حضرتك في التوكيل أن الكهرباء فقط هية االي ممكن تطلع من الضمان لو لا قدر الله حصل حاجة في الضفيرة.
أنا مركب إنذار خارج التوكيل في عربيتين والحمد لله مفيش اي مشكلة.
بالتوفيق إن شاء الله