ترصيص العجل

**memoo305** · 20-05-2007 10:50 AM

عندي السيارة فيهل رجة بسيطة في الدريكسيون عند 110كم .هل هذا يعتبر عيب ترصيص علماً باني رصصتها قبل ذلك والموضوع خف شوية بس لسه العيب موجود .
والسوال هنا يا اهل الخبرة العيب ده من العجل الي قدام ولا إلى ورا & وايه أحسن ترصيص (العادي ولا المتوسكل)
وايه أفضل واحد أرصرص عنده علماً بأني من سكان منطقة غمرة

اسف تقلت عليكوا في الأسئلة :roll:
جزاكم الله كل خير....

**MMamdouh** · 20-05-2007 01:35 PM

ترصيص الحصان افضل بس لو فكيت العجلة من مكانها الترصيص حيختل

MMamdouh

**memoo305** · 20-05-2007 02:11 PM

يوجد نوعان من الترصيص :
1- العادي يتم فك العجلة من ماكنها ووضعها على جهاز وتركيب الرصاصة بها ثم وضع العجلة في ماكنها مرة أخرى
2- المتوسكل أو الحصان . وفيه يتم ترصيص العجلة في ماكنها عن طريق جهاز يتم تدوير العجلة به ويوضح الغربلة الموجودة بالعجلة .

**أبو عبدالله** · 20-05-2007 07:40 PM

هو طبعا العادي اللي انت بتفك فيه العجله أحسن بيصلح العجله لوحدا

علشان لما تصلح العجله وهي راكبه في العربيه
لو المشكله في العفشه بتاعت العربيه مش هيبان ومش هتقدر تعرف وهتمشي وهي على عيبها ولكن لن تلاحظ ذلك

اما لما تفك العجله وتتصلح لوحدها

ساعتها لو لقيت العربيه بتتهز يبقى في مشكله تانيه غير الترصيص

وبعدين أنصحك تروح لواحد تاني وتعمل ترصيص وظبط زوايا مع بعض

لو الرجرجه بتحسها في الدركسيون يبقى من العجل الامامي لو بتحسها في الكابينه بتاعت العربيه وبالذات من الخلف يبقى العجل الخلفي

لو بتحسها في الدبرياج او الفرامل يبقى الموضوع عفشه وليس ترصيص

**hazem_khidr** · 21-05-2007 03:25 AM

بص يا سيد ميمو دا عيب ترصيص في الغالب و روح عند حد كويس يشوفهالك لو مكنش ترصيص يبقي بيض المقصات او المقصات نفسها تعبانه و دي لازم تتغير و تجيب جديد ما تسمعش كلام واحد يقولك اكبس البيض و الكلام الفارغ دا او حد يقولك هات مستعمل(عفشه العربيه بالذات يفضل انك تشتري كل حاجه جديده مهما اتكلفت علشان القديم حتي لو كويس بس مستهلك برضه و دي عربيه بتشيل ارواح ف مفيش مجال للخطأ) و ربنا يسهل و يطلع ترصيص و خلاص و بالنسبه لنوع الترصيص و الله انا لحد انهارده بقالي 10 سنين محتار اللي يقولك الموتوسيكل احسن علشان انت بترصص الفرده علي وضعها و لو مثلا فيه رفه في الطنبوره ولا حاجه ف الترصيص بياخد دا في الاعتبار انما لو علي الجهاز ف بتتحط في مكان افتراضي بعيد عن العربيه و الله اعلم انا عموما مجرب الالتنين و محستش بفرق

**درش** · 21-05-2007 04:03 PM

المشاركة الأصلية كتبت بواسطة memoo305

عندي السيارة فيهل رجة بسيطة في الدريكسيون عند 110كم .هل هذا يعتبر عيب ترصيص علماً باني رصصتها قبل ذلك والموضوع خف شوية بس لسه العيب موجود .
والسوال هنا يا اهل الخبرة العيب ده من العجل الي قدام ولا إلى ورا & وايه أحسن ترصيص (العادي ولا المتوسكل)
وايه أفضل واحد أرصرص عنده علماً بأني من سكان منطقة غمرة

اسف تقلت عليكوا في الأسئلة :roll:
جزاكم الله كل خير....

استاذ ميموالرجه من بعد سرعة 80 هتكون خلفى وبرجاء مراعاة حالة الكاوتش لان لو[ الكاوتش عدى 40000 كم مفيش ترصيص هينفع ] وترصيص طلما صح متفرقش عادى او متوسيكل