عملت شوية تظبيط في العفشة
السلام عليكم.
حبيت اقلكم علي شوية شغل عملتهم في العفشة بتاعة العربية لانها كانت خلاصنة خالص وعايمة ولاكانها مركب شراعي المهم عملت الاتي:
جوز مساعدين امامي استيراد و مقص يمين استيراد (لقيت تركي جديد بنفس التمن بس حسيت ان الاصلي اضمن ) مسامير التوريكس والمقصات و دراعين استبلايزر كل دة جبتو من اتوستار ب 600 جندي بعد فصال مرير مع مصطفي.
طقم جلب مقصات اسباني ب120 و وجلب ميزانب 30 من الحرفين .
فك وكبس الجلب عند الخراط ب30 جنية
كبس خرطوم زيت الباور من عند واحد في الحرفين اتكلف 75 جنية
عملت كل الحوار دة عند اشرف في الحرفين هوا متخصص فورد الي قالي علية مصطفي ونصحني انو محترم وامين ومش غالي خد مصنعية 160 و10بقشيش للصنيعية.
الصراحة العربية فاقت اوي وبقت ثابتة عن الاول بكتير لان المقص اليمين عندي طان ميت وجلب المقصات كانت مقطعة.