الموضوع: القياده فى الأجواء الممطره

أياكم وأستخدام فرامل اليد أثناء المطر أو السرعات العالية لأن فيه خطوره شديدة على السيارة و السائق حيث يصعب على قائد السيارة التحكم فيها تماما و ده عن تجربة شخصية على طريق أسكندرية الصحراوى وربنا يسترها معانا

المشاركة الأصلية كتبت بواسطة hazem_khidr

ازاي يا شاهين بيه؟؟؟؟؟
المطر ليه حسابات تانيه لان العربيه بيبقي ثباتها اقل و الرؤيه اقل و الفرامل اضعف .

معاك حق بس ممكن تمشي بنفس السرعة وتعمل الإحتياطات زي:
1- تشغل المساحات على آخر سرعة
2- لو الفرامل مش ABS ماتدوسش عليها جامد وطول الفرامل ماتمسكش بتبقى نفس الكفائة
3- في المنعطفات تمسك الدريكسيون جامد وتحود شوية شوية عشان ماتفقدش السيطرة
4- الروئية ساعتها بتكون أقل خصوصا بالليل فتخلي بالك أوي من الحمير إلي بيركنوا عربياتهم على الشمال والشاحنات إلي ماشية من غير نور
5- ولاقدر الله في حالة فلتان العربية أوعى تشيل رجلك من على البنزين وتدوس فرامل لإن دي أكير غلطة حتساعد العربية على دخول الرصيف لأ أما تفلت تدوس جامد على البنزين وتحاول تعدلها حتعدل معاك على طول