قطع غيار لانسر مش محتاجها_ سليمة كلها

يا جماعة أنا عندي حاجات كتير لعربيتي الانسر مش محتاجها ودة نتيجة اني بعدل كتير في العربية
علشان كدا أنا عارض الحاجات دي للبيع اللي عايز حاجة يقوللي

عفشة كاملة Coilovers سست ومساعدين بتوع Evolution أصلا
يركبوا على لانسر ٩٢-٢٠٠٠

FLY Wheel + Crank pully

مقصات خلفية

طقم الفرامل أمامي وخلفي بتاع ال ١٣٠٠ كامل مع الطنابير

عدادات ال-١٣٠٠ cc اتوماتيك

أي حد عايز قطع غيار موتور MIVEC كمان يقوللي علشان أنا عندي موتور كامل بس نتيجة التربو باشا تم تكسير الكرنك شافت والسبيكة

لكن عندي كل الاجزاء الباقية سليمة

أنا مش شغال في الحرفين والله بس أصلها وخدا مساحة كبيرة في الجراج وعايز أخلص منها
وبالنسبة للسعر أنا مش بتاجر أنا بديها لاخواتي ومش هنختلف خالص إنشاء الله

Thanks
Eng.Sherif Shaker

شريف باشا إيه منهم ينفع ل1300 موديل 2007 ؟

لو سمحت يا بشمهندس الكويل أوفر نوعة اية وجديد ولا استعمل ومطلوب فية كام؟

سلامو عليكو بشمهندس شريف
انا الحقيقة عندى سؤال بس مش على قطع الغيار دى لانى لسه ما عنديش لانسر اصلا:) لكن بافكر اجيب ان شاء الله الحقيقة كلام استاذ كريم منير اقنعنى بيها جامد بس كنت عايز اعرف الانسر موتور المايفك عشان اجيبه واركبه ممكن يتكلف فى حدود كام تقريبا وهل هايحتاج تعديل كتير فى العفشة؟ وايه الفرق بين الانسر الكريستاله والعادية الموديل 99 او 2000 وانهى موديل فيهم اللى فيه rpm ؟
واللى اعرفه ان موتور المايفك مش تربو فهل انت مركب تربو على المايفك؟
ولو كده يا ريت تقولى العربية بتجيب من صفر الى مائة كيلو فى قد ايه تقريبا؟ فضول بس:)
وقبل كل شىء ربنا يباركلك فى عربيتك ويكفيك شرها.
انا قدامى واحدة موديل 99 بتاعت واحد معرفة ممكن تخلص فى حدود 50 ان شاء الله
اما الايفولوشن فهى جر رباعى صح؟ وتهيالى تحتاج شغلانة عشان تركيب موتورها فى ال 1300 ال عادية؟

ومتشكر اوى واسف انى طولت عليك

شريف باشا إيه منهم ينفع ل1300 موديل 2007 ؟
-----
أنا مقدرش أقولك إيه ينفع و إيه مينفعش بصراحة يا أستاذ إسلام
لأني مفككتش el2007 لسة :) بس إسأل إنت وإلي يلزمك قولي عليه
عموماً هما العربيتين في العفشة تقريبا واحد


لو سمحت يا بشمهندس الكويل أوفر نوعة اية وجديد ولا استعمل ومطلوب فية كام؟
--------
هو نوعه IR_Racing

هو مشهور جدا برة مش هنا أصل هنا KONI وبس :)

هو فيه تعديل الارتفاع وال-Softening

يعني Soft ride or Hard ride

معاه بطاحتين واحدة original وواحدة Custom

سعره١٥٠٠ جنيه
مع اني عارف إنه يساوي أكتر من كدة بكتير بس علشان يتباع بسرعة مش أكتر لأني مش ناوي اركبه تاني



أستاذ habdelbar

اسمحلي أرد عليك في وقت تاني إنت موضوعك يطول شرحه


Thanks
Eng.Sherif Shaker