الموضوع: دواسه البنزين تقلت والسحب قل ؟

هاعتبر ان عربيتك ميرا زى ما انت كاتب فى بياناتك موضوع تقل الدواسة ده ممكن يكون من الكابل بتاعها و ممكن تبص عليه بيبقا راكب فى بكرة جمب الكربراتير ده بافتراض ان كل حاجة سليمة و الموتور مش خفيف
لو ما فيش حاجة فى السلك تخش بقا على الفلاتر هواء و بنزين و البوجيهات و الزيت اخبار الحاجات ديه ايه
شوف العجل بيسخن و لا لا بعد المشوار ممكن تكون بساتم الفرامل بتقفش و تهبط العربية

و نشوف باقى الاراء

انا بحس ان العربيه قافشه كده وحسيت ان الفرامل برضو قافشه عن الاول
هل يبقى كده هى المشكله الاخيره اللى حضرتك قولتها
وبالنسبه للبوجيهات انا كنت غيرتهم وباين طلعوا واخدين رطوبه وكانوا بيخلو العربيه تترج كده بس الميكانيكى غيرهم وحط طقم من عنده وبقت طبعيه وبرضو فلتر البنزين غيرته قريب لكن فلتر الهوا مغيرتوش خالص اما الزيت بقالوا ماشى معايا حوالى 800 كيلو وهو زيت مصر سوبر 10000
وكمان العربيه بتسحب بنزين كتير مع انها 3 سلتدر يعنى حسبتها خدت حوالى 12 لتر فى 108 كيلو

المشاركة الأصلية كتبت بواسطة blue_1177

انا بحس ان العربيه قافشه كده وحسيت ان الفرامل برضو قافشه عن الاول
هل يبقى كده هى المشكله الاخيره اللى حضرتك قولتها
وبالنسبه للبوجيهات انا كنت غيرتهم وباين طلعوا واخدين رطوبه وكانوا بيخلو العربيه تترج كده بس الميكانيكى غيرهم وحط طقم من عنده وبقت طبعيه وبرضو فلتر البنزين غيرته قريب لكن فلتر الهوا مغيرتوش خالص اما الزيت بقالوا ماشى معايا حوالى 800 كيلو وهو زيت مصر سوبر 10000
وكمان العربيه بتسحب بنزين كتير مع انها 3 سلتدر يعنى حسبتها خدت حوالى 12 لتر فى 108 كيلو

كده بتستهلك بنزين زيادة شوية و البوجيهات كنت جبت جديد احسن بدل طقم من عند الميكانيكى معلش (ما اصدقش الميكانيكى و لو كان صديقى) و فلتر الهوا بردك غيره حاجة الميرا رخيصة و حنينة و يا ريت تغير طقم سيور لو مغيرتش قبل كده و الكربراتير بقا اخباره ايه يعنى متنضف قبل كده و لا عمره ساب الموتور و كمان اظبط تاكيهات عشان ليها تاثير فى الاستهلاك

بالنسبه للبوجيهات اللى كنت مشتريها لسه موجوده بس مش عارف دول يتنضفوا ويركبوا تانى ولا ايه اصلهم ملحقوش والكربراتير ان شاء الله هنضفه قريب وهغير فلتر الهوا وسير الكاتينه غيرته مع سير الدينامو والتاكيهات ممكن يكون مشكلتها ايه ؟

المشاركة الأصلية كتبت بواسطة blue_1177

بالنسبه للبوجيهات اللى كنت مشتريها لسه موجوده بس مش عارف دول يتنضفوا ويركبوا تانى ولا ايه اصلهم ملحقوش والكربراتير ان شاء الله هنضفه قريب وهغير فلتر الهوا وسير الكاتينه غيرته مع سير الدينامو والتاكيهات ممكن يكون مشكلتها ايه ؟

البوجيهات ما بتتنضفش لو مهببة و سودا يبقى العربية عمالة تحرق زى ما انت قلت و التاكيهات بتتظبط ليها خلوص معين عشان ما تبقاش محملة او مفتوحة بزيادة فتستهلك بنزين

يعنى سبب ان البوجيهات عماله تبوظ ان التاكيهات عاوزه تتظبط

المشاركة الأصلية كتبت بواسطة blue_1177

يعنى سبب ان البوجيهات عماله تبوظ ان التاكيهات عاوزه تتظبط

و الكربراتير كمان اكيد بينزل عليها بنزين زيادة و مش مظبوط اظبط انت كربراتير و تاكيهات بس عند حد كويس و تكون واثق و فيه ناس متخصصة فى تنظيف و ظبط الكربراتيرات بس بتبقا ادق من الميكانيكى لكن التاكيهات يظبطها الميكانيكى عادى

شكرا جزيلا لحضرتك