الموضوع: نفسى اجيب الساجا اوىىى وخايف منها اووووى

المشاركة الأصلية كتبت بواسطة mosho1985

ياسيجاويه يابروتانويه جاوبونى من فضلكوا نفسى اجيب الساجا بس خايف من اللى بسمعه عن توكيل عز العرب من سمعه سيئه ومدى السوء اللى فيه ده غير قطع الغيار اللى بسمع انها غاليه واحيانا مابتبقاش موجوده كمان انا خايف من الحاجات دى جدا مع ان العربيه جدا ارجوكم افيدونى والا حضطر ابدا افكر فى الللانوس والفيرنا واللوجان اللى انا شخصيا مابتقيهمش مع احترامى لملاكهم ارجو الافاده شكراااااا

معلش لوحد عن معلومه عن اسعار قطع غيار الساجا ياريت يقولهالى ولو حد معاه ساجا يقولى رايه فيها برده شكرا ليكوا يااجدع بروتانويه ا

1. اهلا بحضرتك معانا في بروتون

2. اي حد بيتجه لبروتون عموما بيكون مقلق في الاول علشان بيسمع حاجات غريبة من ناس مش معاها عربيات بروتون اصلا ودا حصل مع معظم الناس الي اشترت

3. توكيل عز العرب هو توكيل زيه زي اي توكيل في مصر لا هو ممتاز ولا هو سيء ولكن في ناس بتسعى لمساعدة الاعضاء و النهوض بالتوكيل زي مهندس / امر الكوافي الي بيساعد الكثير من الاعضاء في حل مشاكلهم دا غير بعض الاعضاء الي بيساعدونا في التواصل مع التوكيل زي ايمن و مهاب

4. مفيش اي حد يقدر يقولك على قطع الغيار غالية ولا لا و دا علشان في اسعار كتير لسة ما نزلتش بس انت ممكن تاخد الجين و البيرسونا و الواجا كمقياس ليك و كمان توافر قطع الغيار خارج التوكيل باسعار قليلة جدا دا برده هيقلل من قلقك بالنسبة لاسعار قطع الغيار في التوكيل

5.و بالنسبة للعربيات التانية الي انت كاتبها بشهادة الجميع ان الساجا افضل من كل العربيات دي من حيث الكماليات او السعر او الثبات

فتوكل على الله و استخير ربنا و شوف ايه الاحسن و قرر

الساجا عاملة مبيعات كويسة وبدأت تنتشر رغم انها نازلة بقالها 4 شهور بس وعشان كدة متوقع انتشار قطع غيارها وبالتالى رخص أسعارها.

المشاركة الأصلية كتبت بواسطة mohamed_3abdel3al

1. اهلا بحضرتك معانا في بروتون

2. اي حد بيتجه لبروتون عموما بيكون مقلق في الاول علشان بيسمع حاجات غريبة من ناس مش معاها عربيات بروتون اصلا ودا حصل مع معظم الناس الي اشترت

3. توكيل عز العرب هو توكيل زيه زي اي توكيل في مصر لا هو ممتاز ولا هو سيء ولكن في ناس بتسعى لمساعدة الاعضاء و النهوض بالتوكيل زي مهندس / امر الكوافي الي بيساعد الكثير من الاعضاء في حل مشاكلهم دا غير بعض الاعضاء الي بيساعدونا في التواصل مع التوكيل زي ايمن و مهاب

4. مفيش اي حد يقدر يقولك على قطع الغيار غالية ولا لا و دا علشان في اسعار كتير لسة ما نزلتش بس انت ممكن تاخد الجين و البيرسونا و الواجا كمقياس ليك و كمان توافر قطع الغيار خارج التوكيل باسعار قليلة جدا دا برده هيقلل من قلقك بالنسبة لاسعار قطع الغيار في التوكيل

5.و بالنسبة للعربيات التانية الي انت كاتبها بشهادة الجميع ان الساجا افضل من كل العربيات دي من حيث الكماليات او السعر او الثبات

فتوكل على الله و استخير ربنا و شوف ايه الاحسن و قرر

+1111111111
ربنا يوفق

العربية كويسة يا باشا هى واللوجان أحسن العربيات فى الفئة ديه بإكتساح

إستخير ربنا وأكيد ربنا هيوفقك للخير إن شاء الله

اهلا وسهلا بيك اولا
بالنسبه لموضوع خوفك من العربيه فهو حاجه طبيعيه ,بس لما تتاكد من شوية معلومات كده ان شاء الله هتطمن وتجبها على طول .

لازم طبعا تنزل تشوفها وتقتنع بيها , عشان تبقى مرتاح للعربيه وحاببها فعلا , ماتجبش عربيه انت مش بتحبها .

بالنسبه لقطع الغيار ,انا لو في مكانك مش هفكر في النقطه دي اساسا لانها محلوله بنسبة 95% ,, حضرتك العربيه معاها ضمان 100 الف كيلو يعني هتستخدم العربيه بحريه تامه وهيتم اختبار العربيه كويس جدا جدا ولو اي حاجه ظهرت فيها عيوب هتتغير في الضمان وحضرتك مش هتدفع اي حاجه .

نيجي لنقطه ما بعد الضمان , مبيعات العربيه كبيره جدا , مافيش مره روحت فيها التوكيل الا لما تكون عربيه او 2 بيتسلمه في الكام ساعه اللي انا فيهم هناك , ده غير ان كلام من مسؤولين هناك بيقولوا كده الشحنه اللي بتيجي مابتكملش ,, وحضرتك لو واخد بالك من اهم اسباب انتشار العربيات عندنا هو السعر , الاسبيرنزا لما نزلت ماكنش حد يعرفها ولا يثق فيها ,لا وكمان صيني بس شوف عملت مبيعات ازاي عشان سعرها ,واللوجان برضو بس طبعا فارق معاها ماركة رينو بالاضافه لسعرها ,, وهنا برضو ماركة بروتون عملت سمعه كويسه واثبتت كفائه,يعني بعد 3 سنين بكل تاكيد العربيه هتكون قطع غيرها في كل مكان وباسعار رخيصه زي الفيرنا والانوس.

بالنسبه للتوكيل انا تعاملت معاه مرتين بس , والحمد لله بالنسبالي يعتبر اكثر من ممتاز , بس برضو ماقدرش احكملك عليه لاني ماكنش عندي مشاكل والحمد لله .

معلش طولت عليك ,, وان شاء الله اصحاب العربيه يفيدوك اكتر مني
ربنا يوفقك للاختيار الافضل

الحمد لله الحمد لله العربيه مشاء الله عليها ممتازه فعلا و بالنسبه لقطع الغيار خلال فتره صغيره هتنزل و تبقي متوفره خارج التوكيل كمان وفعلا الساجا احسن عربيه في الفئه دي