1 تحقيقات NM صوت وصوره(طريق مصر الأسماعيليه الصحراوي مظلم)

منذ ما يقرب من 15 سنه وأنا أمر من طريق مصر الأسماعيليه ذهابا وأيابا

وكنت عندما أصل إلى المنطقه من مدخل مدينة السلام وحتى سوق العبور اجد هذه المنطقه مظلمه تماما ولا تستطيع أن ترى فيها تحت قدميك وكنت أتسائل دائما لماذا هذه المنطقه بالتحديد ليس بها عواميد إناره ؟؟

http://www.up4world.com/images/store10/7ca2aed80a.jpg

ومنذ ما يقرب من 5 سنوات وجدت عواميد الأناره قد بدات في التركيب على جوانب الطريق فاستبشرت خيرا وقلت أن مقولة "الحكومه يومها بسنه" فعلا مقولة في محلها

ولكن بعد أن تم تركيب العواميد بالكامل منذ 5 سنوات لم يتم أنارة عمود واحد ووجدت نفسي أتسائل مره أخرى هل الحكومه في حاجه إلى بضعة أيام اخرى لكي تنير العواميد؟؟؟؟

ولقد قمت بتصوير العواميد لكم اليون وأنا أمر من هذا الطريق وهذه المنطقه المقدر لها أن تعيش في ظلام حالك طالما أن الحكومه المصريه هيه المسئوله عن هذا الطريق

وعندما بدأت في التصوير لا حظت أن العواميد بدون كشافات ولمبات في نهاية العمود وسوف تلاحظون ذلك بأنفسكم

وكل ما أريده منكم هو أن تتوجهوا بالدعاء إلى الله أن يمن على طريق مصر الأسماعيليه الصحراوي بسكن أو مرور أحد العظماء الوجهاء الفظعاء الشنعاء الوزراء .... فلو قام احد من هؤلاء بالسكن في أي مدينة من المدن الذي يخدمها هذا الطريق فسوف يصبح مضيئا ليلا ونهارا بل سوف تتجاوز شدة أضائته شوارع "لاس فيجاس" بأمريكا

[youtube]http://www.youtube.com/watch?v=6RN2O3VAeZo[/youtube]

فى مشكلة فى اللينكات يا بايووو

ظبطتهالك يا باشا أنت تأمر

:D

كده الفيديو شغال تمام والاعمدة واضحة
وكمان الخاتم اللى لابسوو باين ههههههههههه :lol: :P

حسك الصحفى ممتاز

ريبورتاج رائع

عادي بيوفروا كهربة :lol:

بما إني ساكن في العبور مع بايو
أحب أقول فعلاً إنها منطقة فعلاً مظلمة ومتعبة في السواقة بالليل بتخلى الواحد غصب عنه يشغل النور العالي عشان يكشف الطريق مع إنه بيزعح اللي قدامي
ومن كام شهر كانوا بيركبوا الأعمدة الناحية التانية (عكس الجهة اللي صورهالكوا بايو) بس برده اتركبت ومفيش نور !!!

ايه يا سيد بايو انت كل حاجه تقول الحكومه الحكومه هى الحكومه هاتعمل ايه ولا ايه مش لازم احنا نتحمل المسؤليه شويه وانا باقترح ان كل ياخد شمعه معاه او حتي لمبة جاز ويولعها علشان نبقى شعب منور علي رآى محمد صبحي ,
وبعدين ما تنساش سياسة الحكومه في ترشيد الاستهلاك وبيعرفونا انهم عملوا كل حاجه ومعدش غير تركيب اللمبات لكن لا هانركبها
ولا هانورها علشان تموتوا بغيظكم والشعب يقل شويه لان وسائل تنظيم الاسره مش جايبه نتيجه ,
وزد على ذلك لو نوروها هاتلاقيهم مش عارفين يطفوها وانت في النهاية الى بتدفع تمن الفاتوره ولو مش مصدقني امشى علي طريق مصر اسكندريه الزراعي,

اقتباس:

---

المشاركة الأصلية كتبت بواسطة mohamed ali

ايه يا سيد بايو انت كل حاجه تقول الحكومه الحكومه هى الحكومه هاتعمل ايه ولا ايه مش لازم احنا نتحمل المسؤليه شويه

---

مش الحكومه هيه إللي بتاخد الضرايب منننا ؟
مش الحكومه هيه إللي بتاخد الدخل العام للدوله (سياحه بترول قناة سويس غاز .....) ؟
مش الحكومه هيه إللي بتاخد المعونات مكن الدول المانحه ؟
مش الحكومه هيه إللي بتاخد المنح المخصصه للمشاريع القوميه ؟
مش الحكومه هيه إللي بتشحت علينا في كل حته ؟

اقتباس:

---

وانا باقترح ان كل ياخد شمعه معاه او حتي لمبة جاز ويولعها علشان نبقى شعب منور علي رآى محمد صبحي ,
وبعدين ما تنساش سياسة الحكومه في ترشيد الاستهلاك وبيعرفونا انهم عملوا كل حاجه ومعدش غير تركيب اللمبات لكن لا هانركبها
ولا هانورها علشان تموتوا بغيظكم والشعب يقل شويه لان وسائل تنظيم الاسره مش جايبه نتيجه ,
وزد على ذلك لو نوروها هاتلاقيهم مش عارفين يطفوها وانت في النهاية الى بتدفع تمن الفاتوره ولو مش مصدقني امشى علي طريق مصر اسكندريه الزراعي,

---

أنت كده جاسوس حكومي مدسوس في وسط الشعب النايل موتورزاوي