ازيكوا ياجماعة
اول امبارح ركبت زينون 8000 كلفن 35 وات وانا بالعربية بالليل النور تمام ومفيش اي مشاكل المهم ركنت ونزلت قعدت مع اصحابي ومروح في اخر السهرة بدور واشغل النور الاقي الفانوس اليمين فاصل روحت للكهربائي تاني يوم قالي دا الموديولاتور باظ طبعا رحت للراجل اللي اشتريت منه وقلتله طلع راجل زوق وخد البايظ واداني واحد تاني اخدته منه امبارح الساعة 12 بالليل وطلعت علي الكهربائي (واحد تاني غير اللي مركبه اصلا)وركب الموديولاتور والنور اشتغل تمام وكله زي الفل مفيش ساعة زمن ووصلت للبيت وبركن قلت اجرب النور تاني كدا هوووووووب الاقي الفانوس الشمال هو اللي فصل المرة دي بدلت الموديولاتور السليم مكان الللي فصل الفانوس اشتغل معناها انو عيب موديولاتور بردو فرحتله انهاردة راح خده وزالمفرود هاخد منه واحد بكرة بدل اللي باظ دا
ودلوقتي بعد القصة الطويلة المملة دي(معلش استحملوني يعني )اعمل ايه خايف اخد الموديولاتور من الراجل بكرة واروح اركبه علي طول يبوظ بردو وساعتها مش هعرف ارجع للراجل تاني عشان يغيره هل ممكن يكون في حاجة معينة في الكهربة هي اللي بتبوظهم يعني في كهبة زيادة واحد بيحمل علي التاني الكهربائي اللي ركبهم تعبان كدا يعني؟؟؟ولا الموضوع مفيهوش فن وكل اللي حصل دا صدفة ولا ايه؟؟؟