أنا مش فاهم حاجة ممكن حد يفهمنى ؟؟
عرض للطباعة
أنا مش فاهم حاجة ممكن حد يفهمنى ؟؟
بص ياباشا انا الحمدلله بشهادة الناس ال اعرفهم وبشهادة اهلي اعتبر من الشباب المحترم والحمدلله مواظب علي الصلاة بصفة دائمة ودا بيخليني لا اشتم ولا اتنرفز جامد علي حد ولا اغتاب ولا ولا ولا , ودا طبعا عكس حالة معظم الشعب المصري يعني انا بالنسبلهم عضو غريب يجب بترة فورا :).. المهم انا مياكلش معايا الكلام دا ومهما يحصل من الناس انا ليا مبدا بتعامل بية (عامل الناس كما تحب ان يعاملوك) ولو اتحطيت في مشكلة وفيها شتايم وقلة ادب وكدا بتعامل بذكاء وبحتسب اجري عند ربنا. المهم ياباشا لو ليك مبدأ انتا شايف انة صح اوعي ثم اوعي تضعف امام الامر الواقع يعي متستسلمش ساعتها هتكون واحد منهم
يااخي الفاضل الطيور علي اشكالها تقع و الطيبون للطيبات حط دي في بالك و هترتاح جدا
الكلام دة مظبوط انا الحمد اللة بشهادة الجميع شاب محترم بس كنت مقتنع انى بصراحة
مش هرتاح فى الجواز علشان مش هلاقى بنت كويسة خصوصا وانى عملت حاجات مش تمام وشفت واتعاملت وارتبط بنوعيات بنات غريبة بس انا ديما بقول حاجة ربنا هو الى بيحط قدامك البنت وبيشوفك انت بتدور على اية هل تتجوز وتعف نفسك او عايز تمشى وتتسلى
انا حاليا على وش خطوبة ورحت قابلت اهلها للتعارف عليا وانى اتعرف عليهم ومستنى الامور تتصلح علشان اقدر اعمل الزيارة العائلية
مش هقول غير انى بصعوبة اتعرفت عليها كنت بطلع منها الكلام بالعافية ومش مقتنعة ان فية حاجة اسمها ارتباط اوك وانا نسبيا موافق على كلامها بس العادة بتحكم معايا بصراحة
اول ما فكرت فيها وشفتها بصراحة والكلام دة بلغتوهولها انى كنت هتجنن واتعرف عليها علشان كنت عايز اضيع وقت واتسلى كالعادة
بس معرفش وافتكرت وقتها كنت بكلم واحد صحبى وبيقولى يعنى انى اتعدل وكان ردى (لو لقيت بنت كويسة اكيد هتعدل وافكر فى الاستقرار) ربنا حطها قدامى وعليا انا انى اختار يا اعاملها انى عايز اخطب واكون كويس واحترمها واحترم نفسى او العب (ميسر ام مخير ) رئى النسبة ما بين اتنين 50% الى 50% يعنى كانت هى وصحابها هى الى انا اخترتها وربنا بيسر الحال فى الموضوع ككل واتأكدت
من انها انسانة كويسة وبتعمل اى حاجة علشان ترضينى ومتزعلنيش بتجرنى ساعات كتير واحيانا للخير فا مش الكل انت الى بتدور ولما بتحب بتلغى العقل وبالتالى حتى الغلط البين الى البنت بتعملة انت بتحولة لشيىء كويس كلشان متغيرش فكرتك عنها
احنا الى بنحن او بنضعف علشان كدة هى ممكن تقوى وانا معاك لحد ما تغير رئيك
واسف جدا للاطالة
بعد الجامعه الموضوع بيتغير
بيبتدوا يفهموا هما عايزين ايه
الولد او البنت لو التزم بدينه اكيد مش هيبص لواحده ولا هيحاول يتكلم معاها من غير ضروره
انا والحمد لله قضيت 4 سنين في الكليه عمري ماكلمت بنت- انا وكل صحابي وده شيء افتخر بيه والنتيجه اني لما جيت اتجوز مدختش كتير وربنا كرمني بزوجه صالحه
وكلمه اقولها لاي حد بيكلم بنات علي سبيل التسالي بعيد عن اي حاجه ومش هقول اختك
تخيل نفسك ماشي في الشارع مع مراتك وتلاقي واحد بيبص لمراتك وتكتشف انها كانت بتتسلي معاه- هيبقي شعورك عامل ايه؟
انا مقلتش انها اداه او جزمه ولكن الأصل هو غض البصر وتجنب الاختلاط
وطبعا كل واحد يتمني انه يكون اول حب لمراته والعكس
وفي ناس مش بتشوف كده - علي العكس انا شفت ناس حبه ان البنت لازم يبقي ليها علاقات عشان متبقاش لخمه
دي حاجه تختلف من شخص لشخص ولكن في حاجات ربنا امرنا بيها مينفعشي نتجاوها
واذا كان في حاجات كتير جدا بتبقي مش من حق الخاطب اللي هو خلاص هيبقي زوجها يبقي ازاي تبقي من حق واحد بيتسلي؟
.هو ده قصدي وانا لااقصد اي اهانه اونرفذه تخلي حضرتك تستغفر
وزي ماقلت الموضوع بيختلف من شخص لاخر