انا حاليا بدور على رينو ميجان من 2005 ل 2009
مستعملة بحالة كويسة
و يا ريت لو لون اسود :)))))
http://69.59.144.138/icon.aspx?m=blank
يا ريت اللي اتعامل معاها قبل كدة يقول تجربته
بصراحة كلام الناس هنا عنها سبب رئيسي و كمان هيا مع واحد صاحبي بيشكر فيها جدا
او يعرف حد بيبيع يقولي
انا معايا 2005 العربيه ماشاء الله بس عايزة اهتمام زى اى عربيه
وقطع غيارها مش غاليه بالنسبه لامكانيتها
وربنا يوفقك
انا تحت امرك لو عوزت حاجه
العربيه تحفه بس محتاجه اهتمام عشان هي بنت ناس مش وش بهدله .. وقطع غيارها متوفره جدا
اية يا رجالة فين الردود يالا عشان قربت اشتري
العربية ما شاء الله زى ما أغلب الناس بيقولوا ركوبة وبرستيج عالى
والمستعمل منها سعره كويس جدا
واللى بشترى مستعمل ما يخسرش كتير لما يبيع.....فا ما تقلقش من الريسيل.......
قطع الغيار متوفرة ورخيصة....وانا بالنسبالى ما بحبش التوكيل خالص....ومن رأى التوكيل ممكن يكرهك فى العربية,.,,,,,
ومش كل حاجة فى قطع الغيار لازم تشترى الاورجينال.....يعنى ممكن تشترى أسبانى زى تيل الفرامل والحاجت دى....وسعرها كويس جدا
والحرفيين مليانة.....أهم حاجة تعملها قبل ما تشترى.....تكشف عليها كويس....وبلاش تركز فى لون معين....عشان ما تزنقش نفسك فى عربية مش حلوة....المستعمل عيبه انه مش بتاع ألوان.....وبالتوفيق وابقى طمنا عليك
احسنت الإختيار ورحلة البحث ليست سهلة وتحلى بالصبر والتريث
يعني التوكيل هيجيبوا من الاخر هيبان لو فيها عيب من اي نوعاقتباس:
المشاركة الأصلية كتبت بواسطة yalahwy2010
لان فيه توكيلات لسيارات تانيه للاسف وماركه جامده عندنا في مصر مش بتعرف وكله اي كلام
ولو راحت التوكيل واتعمل ليها تقرير كامل عن حالتها يتكلف كااااام
هو اللى أعرفه انه فى كشف على ميكانيكا العربية تقريبا ب 200 جنيه...وفى كشف شامل على الكهربا والميكانيكا والعفشة وكله....يوصل ل 500 جنيه....اقتباس:
المشاركة الأصلية كتبت بواسطة yasorastare
وما تنساش ان الميكانيكيون العرب برضه بيعمله الكشف ده....ومتهيألى أرخص...تقريبا ب 250 جنيه....الشامل....بس مش متاكد
هو لما انا اشتريت عربيتى....كان معاها تقرير عن حالتها.....يعنى مثلا كان مكتوب....الطنابير حالتها 50%.....علبة الدريكسيون فى البداية....تقريبا فى بداية البوظان....:)
تيل الفرامل الخلفى محتاج للتغيير....(خلصان)
كدة يعنى.....فا الكشف بيطمنك...ويحميك من أى حد يضحك عليك....وفى نفس الوقت العربية برضه بتبان من شكلها....بس هى زيادة تأكيد
فا مهم جدا الكشف عليها...ما تستخسرش المبلغ....وممكن تسأل فى الميكانيكيون العرب...هم كويسين
وبالتوفيق ان شاء الله
انا ماتعاملتش مع الميكانيكيون العرب خالص بس اعتقد اني كنت قريت في المنتدى هنا ان فيه واحد اشترى ميجان و كشف عليها هناك و قالولو العربية زي الفل و بتعمل صيانتها كلها هنا و بعد ما اشترى لقى ان العربية حالتها تعبانة قوي و محتاجة تغير حاجات كثير و طلع ان صاحب العربية كان مظبط مع حد جوةاقتباس:
المشاركة الأصلية كتبت بواسطة yalahwy2010
فاعتقد التوكيل اضمن و 250 جنيه زيادة مش قصة قصاد راحة البال و الالوفات اللي هتندفع اللي اكيد حضرتك تعبان فيها
ده رأيي بصراحة
التوكيل برقبة الميكانيكيون العرب
طبع الواحد قبل ما يشترى الميجان سمع عنها مافى الخمر لكن اخدت قرار واشتريت وماهمنيش كلام الناس خالص وبصراحة ماندمتش ع الاختيار ابدا معايا من شهر 10/2009 لحد دلوقتى عامل بيها 30 الف كيلو والعربية ماشاء الله
هو بس زى ما الوحوش قالو اكشف عليها قبل ماتشترى لان العربية دى بالذات لوطلع ملعوب فيها خصوصا فى الكهرباء هتتعبك
ثانيا الصيانة لازم فى ميعادها كل 10 الف يعنى كل 10 الف علشان العربية تمشى معاك تمام
وربنا يوفقك ان شاء الله
وبعد ما تشترى لينا عزومه
:3mla:
طيب العربيه لو استيراد فرنسا وخالصه جمارك مويل 2008
دي هل بيكون ليها حق بالمتمتع بالضمانات زي مثلا 100 ألف علي الجير بوكس ؟
لازم إللي يسجلها في ضمان رينو مصر إسم مالكها إللي إشتراها من فرنسا ، و إن شاء الله بتبقى زيها زي المباعة داخل مصر بنفس ضمان 3 سنوات أو 100 ألف كم أيهما أقرب ، ضماناقتباس:
المشاركة الأصلية كتبت بواسطة yasorastare
الفتيس 100 ألف كم غير محدد المدة .
بالتوفيق إن شاء الله .
اختيار موفق ان شاء الله
يعني المفروض ان الكلام ده كان حصل اول ما العربيه وصلت من الخارجاقتباس:
المشاركة الأصلية كتبت بواسطة col. Eng. Khaled
ولو هو معملش كده معني كده ان العربيه مش ينفع يتعمل ليها ضمان ولا تتمتع بحقوق السيارات المحليه
عشان تتأكد خللي صاحب العربية يورّي لحضرتك دفتر الضمان مختوم بختم التوكيل و مثبوت فيه الضمان و الصيانات ، لو مش ثابت الصيانات خلّيه يثبتها في الدفتر ده ، كده كده حضرتك محتاج تكشف عليها في التوكيل (مش مركزاقتباس:
المشاركة الأصلية كتبت بواسطة yasorastare
خدمة معتمد) كشف شامل تكلفته 550 جنيه (سمكرة و دوكو + ميكانيكا و كهرباء) .
في يوم الكشف في التوكيل ممكن تتأكد لو داخله ضمان التوكيل و لا لأ .