قياده منوال ولا اتوماتيك

**ahmed** · 10-01-2008 01:52 AM

المشاركة الأصلية كتبت بواسطة fahd_628

الأوتوماتيك مريح بس مش ممتع و العكس للمانيوال

وانا معاك فى ذلك الراى

**ahmed** · 10-01-2008 01:56 AM

انا شوفت البنت اللى سايقه ال بى ام دبليو ملاكى جيزة رقم (6) على فكرة وشكلها كان سغير بتاعه 25 سنة

**seka** · 10-01-2008 08:15 AM

بص يا استاذى العزيزى انا اما جيت اشترى العربية كنت محتار اوى كدة بين كماليات الاتوماتيك واداء المانيوال لحد اما ربنا هدانى للمانيوال فول اوبشن وانا من وجهت نظرى ان هيا احسن للاسباب دى المانيوال احسن فى الاداء والسحب اقل فى تكاليف صيانتة وعمر اطول لتيل الفرامل وموفر فى استهلاك البنزين واسوء فى ملل وضع رجلك على الدبرياج -بالنسبة ليا فهيا مش ملل ولا حاجة-
الاتوماتيك احسن فى قيادة سهلة جدا جدا ومريحة وكمالياتة اكتر واسوء فى ارتفاع تكاليف الصيانة و استهلاك للبنزين اعلى من المانيوال وتقصير لعمر تيل الفرامل واقل طبعا فى الاداء
وبعدين الكماليات الى نقصة فى المانيوال ممكن تكملها عادي جدا حتى لو مش اصلية وبتددى نفس كفائة الاصلية تقريبا
وطبعا الرأى الاول والاخير لحضرتك طبعا بس انا حبيت اوضح لك شوية حاجات من وجهت نظرى وشكرا

**amr mokhtar** · 10-01-2008 10:43 AM

بس يا جماعة هى إيه ممكن تكون صيانة الجيربوكس الأوتوماتيك؟؟
يعنى هل فيه قطع غيار معينة بتتغير كل عدد كيلومتر ؟

**mada121977** · 10-01-2008 01:11 PM

المشاركة الأصلية كتبت بواسطة johnyweb

بس الفتيس الاتوامتيك الصيانة بتاعتوا مكلفة علي المدي الطويل
انا معرفش عنوا كتير لكن بالنسبه للصيانة
ايه تحذيراتكم بالنسبه لاستعمال الفتيس الاتوامتيك اكيد الاستعمال السيء بيأثر علي حاجات زي التروس وبيكام قطع غيار الفتيس
وصحيح بيوصل تمن الكوبلن لي 3000 جنيه
انا سالت علي السبويلر في المصر قالي من غير دهان بحوالي 700 جنيه بالدهان والتركيب 300 يعني كله 1000 جنيه سبويلر بس
امال الباقي بقي بس اهم حاجة عندي
مميزات وعيوب الفتيس الاتوماتيك واسف علي التطويل

يااخى الفاضل انا معايا لانسر 1300 مانيوال 2007 وشاريلها اسبويلر ب 250جنيه ورشيته ب50 جنيه فقط وهوا زى الاصلى بالضبط و فوانيس الشبوره ب 270 جنيه وبرضه زى الاصلى بالضبط

**johnyweb** · 10-01-2008 06:05 PM

وجبت منين العربيه بتاعت المنيوال وصحيح ان العربيه العفشه بتاعتها ناشفة
وصوت المتور عالي
ممكن تحكيلي انطابعك عن عربيتك
وانت رايك ايه بالنسبه للمنيوال
هل بتعاني زي العربيات من خشونة في النقلات ولاصوات الي بنسمعها لما يجي تنقل زي العربيات التانيه
اصلي كان معايا جولف 2 وكنت مظابتها وبعتها علشان اجيب عربيه زيرو زعلت جدا وعرفت قيمتها لما بعتها لكن اهو نصيب بقي بس كان نقل الفتيس مش ناعم مستني تعليقك

**SEATLOVER** · 10-01-2008 11:58 PM

الاوتوماتيك مكلف جداّ فى صيانتة و عمرتة قريبة و خصوصاً فى الاستهلاك بتاع شوارعنا .. دة غير انى رأيى من رأى (fahd_628) فى اللى قالة (الأوتوماتيك مريح بس مش ممتع و العكس للمانيوال)

**johnyweb** · 11-01-2008 12:19 AM

ايه رايكوفي عربيه مانوال 1600
ونجبلها اسبيلور ونجبلها فوجات
كساحات
عتب
ممكن تقولي لو الحاجات ديه مش اصليه تعملها كام

ونيجي دلوقتي لموضوع خليحي ولا مصري

خليجي الباور هورس بتاعه اعلي
والدهان اجمد علي العربيه
التكيف اعلي

الكلام ده مظبوط ارجوا التعليق بحياديه تامة

شكرا

**شاهين - بنز** · 11-01-2008 03:57 PM

المشاركة الأصلية كتبت بواسطة ahmed

انا شوفت البنت اللى سايقه ال بى ام دبليو ملاكى جيزة رقم (6) على فكرة وشكلها كان سغير بتاعه 25 سنة

فعلا هي كانت بنت ومحجبة

**معتز** · 11-01-2008 04:17 PM

المشاركة الأصلية كتبت بواسطة شاهين - بنز

فعلا هي كانت بنت ومحجبة

اخى ارجو ان تتقبل تعليقى: اعتقد من المناسب عدم وضع صور لسيارات بارقام واضحة تخص اخرين....اقترح عليك رفع الصورة ياخى وارجو ان تتقبلها من اخوك....فانا لا أرضى ان توضع صورة تخص سيارتى او بنتى او زوجتى بدون موافقتى.....