رئيس مجلس الادارة بيقولوا كويس لكن مدير التسويق مش لاقى ليه اى نشاط خاااالص
عرض للطباعة
+1111111111111111111111111111111
كلام مظبوط 100%
أنا لسه راجع من محلات قطع الغيار في الحرفيين و مش لاقي اي حاجة.
و عاوز اقولك اني كنت من اشد المؤيدين لفيات و العربيات الاوروبي بشكل عام
لأنه احسن مالكوري و اليباني في حاجات كتييير....بس دلوقتي الحمد لله ربنا هداني و بقيت شديد الأيمان و الحمد لله ان مصر ميمشيش فيها غير حجتين (فيرنا) لو انت لسه شاب في بدايه حياتك و (لانسر) ....و مش اي لانسر كمان هي الانسر بومه و بسسس!!!!!!!!!!!!!!
فيات ليست مظلومة في مصر ..
فيات هي الي ظالمة نفسها في مصر .
و العيب مش على اوماترا فقط على فكرة .. العيب علي فيات في ايطاليا كمان ..
يعني لو يفتكروا ايام مبيعات فيات زمان في مصر حيعرفوا انها لسبب توافق مواصفات السيارة و اسعارها مع السوق المحلي .
في مصر دلوقتي .. سوق ال 1600 سيدان الاوتوماتيك
و بعدها 1600 هاتشباك
و في الاخر خالص السيارات الصغيرة ال 1000 - 1300 سي سي
و للاسف , لم تطرح فيات اي سيارة تناسب اعلى فئة مبيعات في مصر و هي السيدان ال 1600 اوتوماتيك ..
حتى اللينا الي باعت شوية الفترة الي فاتت مفيش منها اوتوماتيك وبرده الناس بتخاف لسة من حوار التربو ...
و تاخرت جدا في طرح البرافو الاوتوماتيك ,, و طرحت في النهاية بمواصفات و اسعار مش منافسة في راي الشخصي .
و دي كدة الفئة الي فوق .
الفئة الاصغر , دي فئة مظلومة في مصر كليا ! مش فيات بس .. يعني تعالوا نبص على كل السيارات الاوروبية في الفئة دي :
الابيزا - البولو - الجراند بونتو - كليو - 207 - فابيا
السيارات دي بقت نادرة الانتشار ( باستثناء بعض منها ) و السبب اقتراب سعرها من سيارات الفئة الاعلي الكورية و اليابانية و صغر محركاتها برده .
يعني الي عايز يجيب جراند بونتو اوتوماتيك .. حتلاقي صرف نظر مثلا و راح جاب سيراتو او الانترا او اي حاجة من دي .. ليه ؟ 1600 و اكبر !
بقى الي بيشتري عربية من الفئة دي .. واحد مزاج عجباه العربية و مش فارق معاه انه ممكن يركب حاجة اسيوية اكبر .
و بالتالي الفئة دي شبه مضروبة في مصر ..
ننزل للفئة السعرية الاقل ..
ال 60 الي 70
مفيش حاليا الا البونتو .. و بعد ماكان في هوجة مبيعات كويسة ليها .. اتنسفت تقريبا بعد نزول اللوجان و طبعا سيارة القمة في الفئة دي .. الفرنا .
نفس المشكلة .. البونتو اصغر من الفرنا و اللوجان .. و محرك اصغر و قطع غيار اغلى .. المحصلة ... صفر .
فحتى لو اتعمل دعايا ممتازة ... ممكن فيات تبقى منافس اكبر شوية .. و لكنها عمرها ما حتحتل السوق مثل الفرنا - اللوجان - السيراتو مثلا .. الا بموديل جديد او على الاقل " مواصفات " جديدة لمصر .
يا اما تجميع محلي تاني مثلا .. للينيا او حاجة زي كدة .. غير كدة انسوا .
السلام عليكم ورحة الله وبركاته
انا بئيدك فى موضوع مناقشتك دة جدا بس على فكرة العيب مش عيب وكيل على سبيل المثال لما رحت اشترى البرافو لابن عمى واللهى السيلز اللى كان موجود في اوماترا طلع بنفسه واخدنا جراج اوماترا مش بعيد اوى بس كفاية انهاخدنا لحد هناك و دور عربيا على مسؤليته واخدنا بيها كذا لفة غير انه قطعلنا ودنا من كتر الكلام على العربيا وكلام منطقي وكان اسمه مارتين او مايكل وكانت العربيا اللى بنجربها اللينيا التربو الفئه التانية بجد عربيا تحفةفرامل واستيبول وعزم وجري تحفة غير شياكة صالونها والتكنولوجيا الموجودة في الاوبشنز الجديد ودة دليل ان السيلز شايفين شغلهم دة غير طبعا الترحيب والمؤابلة الظريفة والتسهيلات اللى بتتقدم من قبل متسئل عليها . (على فكرة العربيات الناجحة مش محتاجة اعلان لانها هيا نفسها اعلان نفسها)
ثانيا نيجي للسبب التانى والاساااااااسي لسوء سمعة فيات
احنا عندنا في مصر حبة فئااات في المجتمع بجد ياربنا يهديهم يا امة ربنا ميجبنى اصاد حد منهم عشان ضغطى بيعلاه بسرعه
وكان منهم ابن عمى بس عادي يعنى متعبنيش اوى لانه عارف انى اللى مبفهمش فيه مبكلمش من اساسه فيه اللى اخدنى من اديا ومنزلنى انئي معاه عربيته اللى هيغيرها بؤكتفيا بعد مبعها
واحنا رايحين لاوماتر سيدي بشر كان اعد جنبي بيؤلى احنا رايحين فين لف خلينا نطلع على داون تاون قلتله لا العربيا اللى هنبص عاليها مش موجودة في حتاه غير اومترا قالى هيا نوعها ايه قلتله برافو قالى نوعها نوعها قولتله فيات قالى نعم بؤلك ايه لف وارجع مفيش حاجة اسمها فيات هيا ديه ماركة فيات مين يا عم انت انت اتجننت
دنا اركب كيا كورى ولا اركبش فيات ايطالى قالتله انا مش هرد عاليك ندهت على سواء التاكسي اللى جنبنا راكب عربيا 124 كلنا عارفنها وقلتله بؤلك يا ريس الاخ بيؤل ان فيات عربيا حرام يندفع فيها فلوس رد انت وفهمه عربيتك موديل السبعينات ديه عاملة ايه وياك وفهمه براحة بس اسامى الماركات الكبيرة اللى اتوجدت في مصر من اكتر من 40 سنة والناس كلها بتعتمد عليها طبعا السواق مصدق اللى اقدر االهولكم انه اقنعه تماما وفهم ايه هيا فيات وليه الزستافا و127 حتا موديل السبعينات بتاعه بيتباعو وبأسعار مبالغفيها لحد دلوأتى فربنا ما يريك شر اللي بيتكلم ومش فاهم والبلبلة اللى بيعملها في السمعه لاي عربيا بلسانه خصوصا لو جنبه واحد زيه وقاله عندك حق ومشيو يررددو كل شويا اللى بيقولوه بجد يوئعوه سمعة فولفو نفسها في امان الركاب. مش سمعة فيات بس
رئيس مجلس الادارة فكره جامد و قديم و متاثر بفكرة واحدة بس و هى التوفييير و اللى عايز فيات عارف هيا فين و لو هو كان كويس كان اتصرف مع الشركة الام و نزل موديلات 2010 من البرافو و البونتو و اللينيا فى مواعيدهم مش لسه الناس حاتستنى لنص 5
التسويق ضايع ضايع ضايع
بالنسبة لكلام الاستاذ كريم كريبتون
انا معاك فى كل اللى قولته و السوق تشبع بالسيراتو و اللانذر و اخد بالك من اللانذر دى الاوتوماتيك
و اللينيا لازم تظهر اوتو هى كمان و اللى يجنن ان عندك الفلوونس تركى زى اللينيا بس اتو
يعنى تركيا بتطلع اوتو
اشمعنى بقى فيات تركيا لا ؟!! جنان
حاجة اخيرة انا فهمتها من ردك
و هو ان الناس مش بتبص على العربية كافئة (سيدان/هاتش/الخ الخ )
الناس بتبص على العربية كفلوس و حجم بسسسسس و سيبك بقى من الامان و التكنولوجيا و الهجايص دى
و لازم اوماترا تعرف كده
[quote=karmouty918;3872484964بس دلوقتي الحمد لله ربنا هداني و بقيت شديد الأيمان و الحمد لله ان مصر ميمشيش فيها غير حجتين (فيرنا) لو انت لسه شاب في بدايه حياتك و (لانسر) ....و مش اي لانسر كمان هي الانسر بومه و بسسس!!!!!!!!!!!!!![/quote]
ماهو علشان اللي حضرتك ده العربيات اللي متسواش هتفضل تمشي في مصر و ندفع فيها دم قلبنا و اذا كان عاجب و ياريتها فيها امان الا عمالة كل يوم تموتلنا شاب ورا التاني
و العيب في الأول او في الأخرعالتوكيل لأن لو كان في دعاية مكنتش الدنيا بقت كده
و انا ملاحظ ان عربيتك اونو زيي بس الشكل التالت ( من 2005 ) و ديه فعلا قطع غيارها مش اوي لأنها نادرة طب ماهو نفس الكلام في الباقي هاتلي مثلا هيونداي اكسيل التمانينات هل هتلاقيلها قطع غيار ؟؟؟؟
كل ماركة و ليها موديلات معروفة و موديلات مش معروفة و الرك عالدعاية و التوكيل