السلام عليكم جميعا احلي شباب في احلي منتدي الاسبوع اللي فات اخدت مطب محترم في المقطم بعديه حسيت ان العربية مش متظبطة خالص المهم بدل ما لف و دور رحت لبتاع زوايا محترم في فيصل نسبة كبيرة من الزملاء هنا عرفينه المهم طبعا العربية كان زواياها بعد المطب في الضياع الراجل ظبط الزوايا و اداني برنتر باللي حصل تاني يوم الف شمال بالعربية الاقي الدركسيون مبيرجعش الا لما ارجعه معايا و نفس الوضع يمين بس في اليمين بيرد شوية عن الشمال قلقت قمت راجع تاني للراجل قللي دي مساعدين او بطاحات المهم قعد يدوس علي العربية قللي لأ المساعدين كويسين يبقي البطاحات عيزة تتشحم او تتغير الكلام ده كان السبت بالليل و لسه معملتش حاجة رايكم ايه؟