+10000000000
عرض للطباعة
طيب انا تحت امركم انا كنت داخل دلوقتي علشان ابعت للأخ محمد خلف على الخاص بس طالما ان مفيش مشاكل للكلام على العام فأنا معنديش مشكله
بس يا جماعه فيه حاجة مهمه جدا احب اوضحها
ان في نقطتين مهمين الاولى هي الدكتور و دي قبل المركز و الثانيه هي المركز و هو مهم جدا طبعا
لكن القصد ان الموضوع مش موضوع مركز كويس و بس بردو لازم دكتور كويس يعملك العمليه في المركز الكويس دة
اما عن المراكز في القاهرة فهم كثر جدا جدا طبعا و اللى هقولهم دة مش حصر ليهم عن باقي المراكز او ان لو واحد بيتابع مع دكتور معين و قاله هعملك في المركز الفلاني اللى انا مثلا لم اذكرة يبقا كدة غلط و المركز دة وحش لأني اولا و اخيرا مش بشتغل في القاهرة لكن بحكم تعاملي مع اطباء بعرف بعض الشيء بعض المعلومات انا افضل مركزين اعرفهم في القاهرة هما التخصصي للعيون و الاكاديميه المصريه و زي ما قولت سابقا ان دة مش دليل على انه لا يوجد غيرهم او لا يوجد ما هو بمستواهم
اما انا فشغال في الزقازيق محل اقامتي و شغلي و لو اي حد يريد الحضور لعملها هنا فطبعا انا تحت امر المنتدى كله و لن تجدوا الا ما يسركم ان شاء الله
و بالنسبه لمراكز القاهرة فأنا بردو اعرف بعض الدكاترة اللى بيشتغلوا حالاتهم هناك في القاهرة و خصوصا في المراكز دي فاللي يحب يقولي قبلها عشان اقدر اظبطه في السعر على اد ما اقدر
اه صحيييييييييح في حاجة نسيت اقولها و مهمه جدا جدا جدا اهم من العمليه و الرمد كله اني معايا عربيه اسبرانزا علشان لو حد هيجي بس يكون عارف من اولها عشان يتكلم عليها كويس علشان اظبطه في العمليه :d
ههههههههههههههههههههههه كدة انت حطيت رجلك على اول الطريق يا استاذ مصطفى :d
أنت طلعت زمل - أنا معايا أختها شيرى A11
كدة يا باشمهندس محمد خلف انت تقول انت عايز تعمل العمليه امتى و ملكش دعوة بأي حاجة بس ابقا تعالى بالعربيه و كفايه اوي كدة كتر خيرك :d:d
ذكر الرحالة ابن بطوطة في أسفاره أن مُحدثك هو أول من ركب واقتنى الاسبيرانزا في هذا المنتدى ..وهو أيضاً أول من استغنى عن خدماتها..هذا بالإضافة إلى أنه شرقاوي المولد في الأساس ..وعليه فسوف يكون له نسبة هائلة من الخصم على هذه العملية..
لا يا باشا طالما بعتها - يبقى هناخد عينك فى العملية ونحط ليك واحدة صينى