قررت أخيرا أدخل عالم السيارات و عجبتني جيلي mk (بس مش الهاتش باك) موديل 2005 زي اللي في الصورة
عايز أعرف عيوبها و مميزاتها وسعرها يكون في حدود كام أرجو ان اللي يعرف يدلنيhttp://www.contactcars.com/Images/Po...22_80f71bi.jpg
عرض للطباعة
قررت أخيرا أدخل عالم السيارات و عجبتني جيلي mk (بس مش الهاتش باك) موديل 2005 زي اللي في الصورة
عايز أعرف عيوبها و مميزاتها وسعرها يكون في حدود كام أرجو ان اللي يعرف يدلنيhttp://www.contactcars.com/Images/Po...22_80f71bi.jpg
ابعد عنها سيارة سيئة للغاية و ملهاش قطع غيار
اوعى تضيع فلوسك فى العربية دى
العيوب كانت الوكيل القديم, طبعا الوكيل الجديد هو توب جير و بصراحه اول مره روحتلهم كانت وقت العرض بتاع الكشف المجانى على العربيه و قطع غيار ب500 جنيه مجانا لكل سياره و طبعا كان العرض بوقت محدد فكان فيه ضغط و موظفين الأستقبال و المهندسين كانوا مش ملاحقين على العربيات فبصراحه انا اتعصبت و قلت مش رايح تانى بس بعد فتره رحت و لاقيت الدنيا فاضيه و الناس كويسه و فى منفذ بيع قطع الغيار عادى و كمان ليها محلات قطع غيار فالتوفقيه فالمول هناك و اماكن تانيه و عادى الدنيا ماشيه, و كمان المكانيكيا شغالين فيها عادى مش لازم الوكيل يعنى و فيها كل الكماليات.
السعر معقول (30000 ال 35000 حسب الحاله)
سمعت أن قطع الغيار أنتشرت جدا للجيلى و الأسبرنزا و البى واى دى فى التوفيقيه و فيه مول كمان فيه محل لقطع الغيار دى كلها دا غير الوكيل طبعا و سعرها فى المستعمل بيقع أوى أوى
تمام كده, قطع الغيار انتشرت و اسعارها معقوله جدا
سعر اعاده البيع فعلا قليل, بس اصحاب السياره هما السبب بجد انا مش عارف لما واحد يبقى عايز يبيع عربيه 2005 او احدث و طالب فيها اقل من نصف سعرها و ممكن اقل من كده كمان
يعنى هى ولا 127 و 128, صحاب العربيات دى هما اللى عملوا ليها سعر كل واحد معاه عربيه بيحسسك انها تحفه ومفيشاحسن منها ولا حتى زيها و طبعا هيقولك قطع الغيار منتشره و رخيصه (بس كش هيقولك انها بتبوظ بسرعه)
طيب لو اتكلمنا مثلا عن الفروته هى شاريد 90 بالظبط كموتور و ممكن عفشه (مع بعض التعديل) يعنى لو مفيش قطع غيار هات حاجه الشاريد, دلوقتى مفيش مشاكل و كل حاجه موجوده
يا ريت اللى عايز يبيع عربيته يطلب فيها سعر معقول علشان بالأسعار العجيبه دى انتوا بيتضرونا
لا يعقل ان عربيه فيها كل الكماليات و موديل حديث تبقى بسعر اقل من عربيه بقالها 25 سنه و مفهاش اى نوع من انواع الكماليات
أسعار عجيبه أزاى ماهى العربية برضة ناس كتير جدا متعرفهاش ومهما كان الأنتشار لسه مأخدتش ثقة العميل و عمتا يعنى مهما كان ثقة أو مش ثقة أو الناس تعرفها ولا متعرفهاش شوف أى دولة أوروبية العربيات المستعمله هناك بحوالى ربع سعرها و شوف أصلا سعرها برة زيرو كام و بتبقى موديل جديد و يتهئ لى دى حاجة متضرش حد
كلام سليم, يبقى نطبق النظام ده على العربيات كلها مش عربيه كانت جديده من 20 او 25 سنه بــ 5000 او 6000 بالكتير و تتباع دلوقتى بــ 3 او 4 اضعاف سعرها و عربيه موديل 2005 او 2006 تتباع بتلت تمنها
انا عايز اقول حاجه بخصوص الأسعار العجيبه اللى كنت بتكلم عليها, لما واحده تكون عايزه تبيع عربيه فروته موديل 2005 استلام 2006 بــ 12000 جنيه (اقل 30000 الف من سعرها) بعد حوالى 5 شهور و من غير ميكون هناك مشاكل نهائيا فالعربيه بتعاتها ولا حادث ولا حاجه, يبقى ده اسمه هبل ولا لأ و كده هى ضرت ناس كتير, العكس فالعربيات القديمه كل واحد لازم يفهمك انه بيبيع عربيه ملهاش مثيل و تحس من الأسعار المبالغ فيها انه بيديك حته منه على الرغم من انها مش العربيات الفظيعه و كل واحد بيبيع يببص على الأسعار و يضرب اى مبلغ خيالى كده و خلاص
فعلا المفروض يتطبق على كل العربيات فى البلد و كل الماركات الناس إلى بتبيع عربيات محسسانى أنها أثار مثلا فى الدولة يعنى إلى بيبيع 128 مثلا و يطلب زيادة 5 ألاف عن سعرها محسسنى أنه بيبيع أبو الهول ولا بيبيع تاريخه مثلا
يا جماعة فى أى دولة محترمة فى العالم العربيات القديمه أو كسر الزيرو حتى بتتباع بأسعار واقعة جدا محدش يتخيلها لأن العربيات هناك حاجة عاديه زى الموبايل و أساسيه أحنا عندنا العربيه يا أما للضرورة جدا يا أما البركه فى دادى و مامى إلى بيصرفوا و دا أنتشر أوى الأيام دى
ربنا يستر لحسن نلاقى العربية فى مصر الزيرو بتمن طيارة خاصة فى دولة أوروبيه و كمان الرخصه ممكن متطلعش لأى حد و يبقى الشعب كله راكب توك توك
أولا أشكركم جميعا على الردود و اللي تابعتها باهتمام و ماحبتش أتدخل فيها لأني ماجربتش العربية جيلي بس اللي لاحظته أن الحوار أتجه لسؤال تاني ليه سعر أعادة بيع الصيني منخفض
و عشان كده عايز أسأل أيه أسعار الجيلي المستعملة لو هاتشباك أو صالون و ايه عيوب الموديلات اللي عدى عليها 4 سنين أو أكتر يعني 2006 أو 2005
طمع بقى و أعذروني لأني خايف و متردد مش بسبب رفضي للصيني و لكن بسبب اللي سمعته عن الموديلات القديمة
اولا مفيش داعى للشكر احنا كلنا فالمنتدى لينا هدف واحد هو الأفاده و الأستفاده و انا تحت امرك فاى استفسار ( انا معايا فروته 2005 )
اسعار الجيلى المستعمل فالسوق من 22 الى 30 وممكن اكتر حسب الموديل (2004-2005 )و الحاله, لسه فى عربيه فروته متباعه بــ 35 :M_yes[1]: اما السيدان من 28 الى 33 تقريبا.
عيوب الموديلات القديمه انها اتظلمت جدا بعد خروج التوكيل القديم من السوق و بالتالى معظم الناس اتجهوا لبيع السياره باى سعر, طبعا لاعتقدهم ان العربيات دى خلاص انتهت و مفيش قطع غيار ولا وكيل ولا حاجه و بجد الناس دى تفكيرها محدود و خبرتها محدوده جدا (جيلى كانت من اول العربيات الصينى اللى نزلت السوق المصرى) لان العربيات دى هى الديهاتسو شاريد 90 (موتور عفشه ,....) مع تعديل الشكل الخارجى و تغير صالون السياره بالكامل يعنى فى اسوء الظروف هتروح تجيب حاجات من الشاريد و الفيرنا, طبعا بعد وجود التوكيل الجديد (توب جير) و توفير قطع الغيار و كمان وجود محلات لقطع غيار الجيلى فالتوفقيه و غيرها من محلات بيع قطع الغيار الصينى و بأسعار معقوله جدا جدا تنتهى المشكله الأساسيه, لو حضرتك بتروح الأسكندريه هتلاقى عربيات جيلى كتير و معظمها تاكسى.
بخصوص انخفاض سعر اعاده البيع للسيارات الصينى دا راجع لأستعجال بعض الأشخاص للبيع باى سعر و لحداثه السيارات الصينى فالسوق المصرى