المفترض ان ال1400 بيبقى فيها فوجات فبريكة
كلم التوكيل و إتأكد منهم
عرض للطباعة
المفترض ان ال1400 بيبقى فيها فوجات فبريكة
كلم التوكيل و إتأكد منهم
بالنسبه لمشكله ارتفاع مؤشر الحراره
انا كانت عندي نفس المشكله ورحت التوكيل النهارده و غيرلى سنسور الحراره و لسه في التجربه
يا شباب انا مش لاقي 1400 خالة كويسة و نادرة جدا .. اجيب ال 1100 و اخلص ولا اعمل ايه !!
يا جماعة انا معايا 206 1400 سيسي atm جايبها معايا من الخارج و معايا من الزيرو و مافيهاش اي مشاكل من الفتيس بس سحبها في بداية الطلعة ضعيف شوية.
طب مش للبيع ؟
و الأوتوماتيك كانوا قالو في التوكيل ان صيانته مش متوفرة و غالي شوية ..
بصراحة مش عارف إذا كنت هتستريح مع الموتور 1100؟
هو كويس على فكرة و بيأدى على العربية بس بتحس بتأثير على سحب العربية مع التكييف
او لو محمل زيادة شوية
لو بتسافر كتير على سرعات عالية هيبقى حلو معاك لحد 130 أكتر من كده هتلاقى الموتور صوته عالى
لكنه لا يقل كفائة او عمر إفتراضى عن 1400
اخى الكريم ferk السيارة حاليا مش للبيع بس ان شاء الله على شهر 7 حاعرضها للبيع العربية عاملة 92000 km موديل 2004 كاملة المواصفات
lتشكر يا بشمهندس احمد و ربنا يسهل لشهر 7 .. علي العموم انا اشتريت واحدة 1100 موديل 2001 و حالتها ممتازة عملة 100 الف كيلو ..
دلوقتي انا محتاج بعض المعلومات ..
1- عاوز اغير زيوت و سيور و بوجيهات اظبط العربية لإستخدامي عموما .. اروح فين مكان نضيف و سعره معقول !؟
2- العربية سحبها جميل و معقول جدا رضا يعني الحمد لله .. بس السرعة القصوي 125 كيلو فقط .. دة ممكن يكون مشكلة ايه ولا دة اخرها !؟ انا بجيب الدواسة علي الأخر انا من عشاق السرعة بس مبتجبش اكتر من كدة ..
منتظر معلومات البيجاوية ربنا يخليهم لينا .. :)
الف مبروك عليك العربية
ربنا يديك خيرها و يكفيك شرها
السؤال الأول معرفش إجابته
و لو إنى أفضل مركز صيانة معتمد هو اللى يظبتلك العربية
الحاجة التانية
العربية دى بتجيب لحد 158 كم/س زى اللى مكتوب فى الكتالوج بالظبط
و انا جبتها كذا مرة
بس العربية دى سحبها حلو لحد 130 بعد كده التسارع بيقل لحد سرعة 158 كم/س
جايز تكون موتور العربية مش متفتح او متعود على الجرى عشان كده مش بتجمع معاك
بس قولنا لونها إيه؟؟
أول حاجة ألف مبروك على العربية
و ربنا يباركلك فيها
لو إنت من القاهرة في مركز صيانة أنا بتعمل معاه هو في أول الهرم و أسعار كويسة بلنسبة للمصنعية و كدا
تاني حاجة موضوع السرعة أنا معايا العربية 1100 برد و جايب بها 170 على طريق السخنة
إنت لم تروح تعمل الصيانة ألهم على الموضوع دة و إن شاء الله كلو هيبقى تمام
الله يبارك فيكم يا رجاله و يخليكم ليه
العربية لونها فضي بس غامق شوية .. انا رحت لميكانيكي اسمو كيمو في ارض اللواء لو حد يعرفه .. كان وصفهولي واحد معاه 206 برده ..
و قالي معلومتين انا هقلهملكم و انتم قولوا ان كان صح ولا غلط
1- العربية مش واخدة علي الجري .. احرق علي الرابع و اجيب ال 50 امبير عشان الموتور يتفتح و تاخد علي الجري ..
2- الجنوط اشيلها عشان بتقل العربية في الجري .. علما بأن الجنوط هي هي مقاس الأصلي في كل حاجة ..
و كمان انا عندي لمبة صفرا منورة في التابلوه قالولي هات منظف بنزين جبت بس مش عارف اعمل بيه ايه دة ..
منجلكومش في حاجة وحشة يا رجالة :)
اولا الف مبروك يا باشا على العربية
بالنسبة لللمبة الصفرة ما تسمعش اى فتي من اي ميكانيكي ولازم تروح عند واحد عندة جهاز كشف اعطال علشان يحدد ليك العطل علي العموم لو عايز تكلمني مافيش مشكلة 0196800826
السلام عليكم
اول حاجة لازم اشكر كل الناس اللي كتبوا في الموضوع ده لحد دلوقتي
نويت اشتري 206 مو 2000 اوتوماتيك - 1400
هو عارضها علي 40 الف بس لسه هاروح اكشف عليها ان شاء الله
هو صراحة السعر مقلقني -- هو بيقول التكييف محتاج شحن
انا هاجيبها لمراتي تبدأ تمشي بيها
كنت عايز اعرف ايه الحاجات اللي ابص عليها واخللي بالي منها وانا رايح اتفرج علي العربية
هل فعلاً الاوتوماتيك بتاعها وحش
محتاج ميكانيكي شاطر يا رجالة ضروري في ال 206 يا ريت بسرعة
اخي الكريم.
في واحد شغال في التوكيل و بيصلح برة لو عايز اكلمهولك
و شكرا
لأ كنت عاوز اصين الحاجات الأساسية
انا لسة لحد دلوقتي مش مستقر مع ميكانيكي بعينه .. و عاوز حد محترم في كلمته و مواعيده و يكون سعره في المعقول ..