بالنسبه لل Wax و تلميع السياره ... الرجاء أفيدونى

تحيه إلى كل الأخوه فى المنتدى
قمت أمس و بناءا على نصيحة عدد من الأخوه بغسل السياره و تلميعها بالواكس المرسوم عليه السلحفاه الذى قمت بشراءه من كارفور ...
فعلا السياره بعد التلميع كانت غايه فى الجمال و الروعه فعلا مرآه ... إلى هنا و كل شىء جميل و ممتاز ... :D :D :D
لكن و آآآآآآآآه من لكن.... اليوم و فى الصباح منتظر إننى هانزل و أجد مرآه أظبط فيها ملابسى قبل ذهابى إلى العمل ...
و لكننى وجدت شىء غريبا للغايه ... لم أجد ذرة تراب واحده فى الشارع كل الذرات وجدتها فوق سيارتى التى تحول لونها إلى اللون الأبيض بفضل ذرات التراب... :( :( :( :(
هل هذا طبيعى فى أول يوم بعد التلميع...!!!!
أم يوجد خطأ أرتكبته أثناء التلميع :!: :!: :!:

أفيدونى بالله عليكم

انت شكلك كدة ممسحتش الواكس بعد الدهان المفروض بعد متخلص دهان ب10 15 دقيقة بحتة قطن تمسح العربية بيها تاني.

لو قمت بمسح الواكس بعد ما تدهنه بخمس دقائق هايكون التراب ده لو نفخت فيه هايطير .... لكن لو ماسك يبقى مش مسحت الواكس

نقطة تانية متجيبش الواكس على الفيبرات السوداء أو الكاوتشات عشان هايسيب لون أبيض كريمى عليها

شكرا لكم سرعه أهتمامكم و ردودكم السريعه

اقتباس:

---

انت شكلك كدة ممسحتش الواكس بعد الدهان المفروض بعد متخلص دهان ب10 15 دقيقة بحتة قطن تمسح العربية بيها تاني.

---

اقتباس:

---

لو قمت بمسح الواكس بعد ما تدهنه بخمس دقائق هايكون التراب ده لو نفخت فيه هايطير .... لكن لو ماسك يبقى مش مسحت الواكس

---

أنا فعلا مسحته كويس و فعلا التراب بيطير من الهواء ... بس المنظر خضنى لما لاقتها بيضاء تماما ...
معلهش سؤال كمان هو الموضوع ده هايختفى بعد كام يوم و لا أعمل أيه بالضبط؟؟؟!!!!!

معلش يا جماعه
انا كان نفسى اعرف ازاى المع العربيه بالواكس
الخطوات اللى بتعملوها بس يكون حد جربه ويقول ملحوظات الواحد ياخد باله منها
علشان ميحصلش مشاكل
ومتشكر جدا

عادي هو بيجي معاة سفنجة ناعمة بتدهن بيها المهم تكون غاسل العربية ومنشفها كويس ومتبقاش واقف فالشمس او متربة. بتحط جزء من الواكس ثم قم بدهنة بطريقة دائرية على جزء جزء من اجزاء السيارة ثم بعد الانتهاء من الدهان انتظر قليلاً وبحتة قطن قم بمسح العربية لازالة الزوائد.

وبعدين الحكاية دي بتتعمل كل فترة طويلة مش كل 3 4 اسابيع يعني.

ذى ما قال نادر تمام بس أحب أضيف :

إستخدم فوطة ناعمة جدا فى مسح الواكس بديل القطن لأن القطن مش عملى

- مش تتأخر على مسح الأجزاء المدهونه لأن كل ما الواكس نشف كل ما كان أصعب فى مسحه

- متدهنش واكس و العربية جسمها سخن عشان مش يسيح منك

- الواكس بيتدهن مره كل شهرين أو 3 بالكثير حسب إستخدامك

el ragel bta3 el dooko bta3i told me to do the wax kol tal3et seef w sheta
which means now is the best time to do..

الصراحة يا جماعة أنا لسانى بيعجز عن الشكر ....
المنتدى أصبح واحة جميلة ومنجم معلومات وكنز ذوق وتعاون ....
أنا مش عارف أشكر مين ولا مييييييييييييين!
تشكروا جميعاً جدا جدا جدا
,انا الصراحة عمرى ما شاركت أى مشاركةفى أى منتدى بس الصراحة هنا فية حالة نادرة من التعاون والروح الجميلة والغير موصوفة وبالذات لما يكون الموضوع متعلق بالعربيات (محبوبتى)!!!!!!
وأتمنى أنى أساعد مستقبلاً ولو بأى شىء......

اقتباس:

---

انا الصراحة عمرى ما شاركت أى مشاركةفى أى منتدى بس الصراحة هنا فية حالة نادرة من التعاون والروح الجميلة

---

مين بيجيب فسيرتي :lol:

اهلاً بيك دائمً.

eshme3na maykonsh ana ya3ni:D :lol: :lol:

هو الواكس ده هو الشمع اللى بيتحط على العربيه
و ايه الانواع الكويسه والاقيها فين

اقتباس:

---

هو الواكس ده هو الشمع اللى بيتحط على العربيه
و ايه الانواع الكويسه والاقيها فين

---

ايوة هو ، في نوع اسمة ترتل هتلاقية في كرفور او فالمارتس بتاعت البنزينة بحاجة و30 جنية

فعلا يا أستاذ شريف الواكس هو الشمع و أفضل أنواعه هو علبه دائريه مرسوم عليها سلحفاه خضراء
على ما أعتقد أسمه واكس ترتلز
و ده سعره فى حدود 40 جنيه على ما أتذكر و أنا جبته من كارفور

السلام عليكم
طب انا لما اجيب الواكس دة فى حاجة اعملها قبلة غير غسيل العربية وتنشيفها يعنى اضع مادة تانية قابلة طب لو فية اية اسمها وبتفيد فى اية وبعد الواكس ولما اشيل الزيادات بالفوطة النعمة (يعنى فوطة زفرة اللى هى البرتقالى ياريت حد يصححلى ) فى حاجة ممكن اضعها مع العلم انى عربيتى ميتالك كحلى
ويحصل حاجة لو العربية جديدة وحطيت الوكس ما يضرها ارجو الافادة :U_thin1[1]:

http://news.cnet.com/i/bto/20071012/...nt_540x385.jpg

و عبوة الواكس تكفى أكتر من مرة و لا مرة واحدة بس ؟؟
, و هل بيكون له اى اضرار على دهان الفابريكة و لا هوه بيكون حماية و تلميع فقط ؟؟

شكرااااااااااا ع الموضوع دة ؟؟؟