عرض للطباعة
السادة الزملاء إن شاء الله السبت الجاي حجزت ميعاد صيانه العشرة الأاف بتاعة الشيفورليه لانوس
عند أبو غالي (كالعادة طبعاً مع إني شاريها من منصور) في آخر جسر السويس .
وكان لي إستفسار صغير وهو تكلفة هذه الصيانه ، ولو في أي نصائح معينه ممكن ناخد بالنا منها وفقاً لتجربة أي زميل ؟
تحياتي وإحتراماتي
ملحوظة : بالنسبة للزيت آخر مرة في صيانة الخمسة ألاف كنت حطيت زيت 10000 موبيل وان بس شايف إن الزيت معدي النصف بسنتيمتر واحد وكمان لونه مش ولابد أغير ولا لأ ؟
شاكر علي المطالعه ، ولكن مستغرب مش لاقي أي إجابه ليه يا إخواني ، معقول محدش عمل صيانه العشر ألاف قبل كده ؟
وما فيش حد من الخبراء ينصحنا نعمل فيها إيه
صيانه روتينيه عاديهاقتباس:
وكان لي إستفسار صغير وهو تكلفة هذه الصيانه ، ولو في أي نصائح معينه ممكن ناخد بالنا منها وفقاً لتجربة أي زميل ؟
1- نظافة فلتر الهواء
2- نظافة فلتر البنزين
3- غسيل حوض المكنه والمكنه
4- رفع السياره على الكوريك الآلى للأطمئنان على العفشه وأعادة التربيط
5- نظافة البوابه وكل حاجه فى مكانها ( هما عارفين الطريقه )
والفيلم ده كله بكتيره ( يكلفك حوالى 100 ج بالبقشيش وخلافه )
يعنى المنسوب ثابت بين علامة الماكس والمينى ( من وقت الغيار )اقتباس:
ملحوظة : بالنسبة للزيت آخر مرة في صيانة الخمسة ألاف كنت حطيت زيت 10000 موبيل وان بس شايف إن الزيت معدي النصف بسنتيمتر واحد وكمان لونه مش ولابد أغير ولا لأ ؟
لو آه
يبقى كمل ساعات الزيت الباقيه
ملحوظهاقتباس:
شاكر علي المطالعه ، ولكن مستغرب مش لاقي أي إجابه ليه يا إخواني ، معقول محدش عمل صيانه العشر ألاف قبل كده ؟
وما فيش حد من الخبراء ينصحنا نعمل فيها إيه
لسه بدرى أوى على السبت
فلاتتعجل فى أنتظار الردود
فكله بأوانه
[
ملحوظه
لسه بدرى أوى على السبت
فلاتتعجل فى أنتظار الردود
فكله بأوانه[/quote]
يا باشمهندس سمير مش عارف أقولك إيه والله دايماً كاسفنا بأدبك الجم وإحترامك البالغ
سرعة في الرد ودقة بس حضرتك عارف إنت إلي عشمتنا فيك من الأول بذوقك
ثاني بكرر شكري وإحترامي لكل عضو في المنتدي "ومش مقصود أي حاجة بإستعجال الرد علشان محدش يزعل مني"
تحياتي وإحتراماتي
ملحوظة :) بالنسبة لمنسوب الزيت هو قل عن الأول بمقدار سنتيمتر واحد أو أقل + لونه بقي غامق جداً ، هاخليهم يكشفوا عليه ونشوف هايقولوا إيه
تحياتى لك وأمنياتى لك بالتوفيق
وعاوز أقولك برضه
أن موبيل وان
قعد عندى فى العربيه حوالى 14 شهر وغيرته على 6 آلاف تقريبا
ومقلش ولا ملم .........
لأن أستعمالى بسيط للسياره .....وبالفعل حولت لموبيل xhp
فحاول تطمن على كل أجزاء المكنه فى التوكيل
أحتمال يكون فيه جزء عندك بيسرب زيت ( زى غطاء تاكيهات مثلا )
بس حكااية سنتيميتر ديه مش كتيرة شويه على عربيه المفروض انها زيرو؟؟؟اقتباس:
المشاركة الأصلية كتبت بواسطة bshndi
315 شامل تغبر زيت موبيل 1 وفلتر ومصنعيات وشامل ضريبه مبيعات طبعا الكلام ده عند الوكيل ابو غالي جسر السويس
اقتباس:
المشاركة الأصلية كتبت بواسطة samirayad
+1
يفضل تغيير الزيت حتى لو مغيره في صيانة 5000 الاف لان العربيه لسة المتور بيطبع واكيد فيه روايش وزوائد معدنية موجودة فى الزيت
شاكر ليكم علي الإهتمام يا حضرات
-أنا كان عندي مشكله آخري وتحدثت مع أحد المهندسين وإستغليت الفرصة وسألته عن تكلفه الصيانه قال إنها 77 بدون مصنعيه وضريبه ودون غيار زيت
-أما لو بغيار الزيت فهي 266 بدون مصنعيه وضريبه
طبعاً نصيحة التغيير الحالي سأعمل بيها وذلك لإستبيان وجود نقص في الزيت بعد كده ولا لأ .
بس يا سيد سمير هل تنصح بتغيير الزيت للنوع إلي حضرتك ذكرته
(إنا إستعمالي تقريباًَ 200 كلم إسبوعياً فبأي نوع تنصح ؟ )
بمناسبة منسوب الزيت إلي بيقل ده هو أقل من الماكس بشوية بعد التغيير ودلوقتي هو بعد المنتصف بشوية بس هو كده بقاله ييجي 5500 كلم . ده ممكن يؤدي إلي هذا النقص ولا في تسرب (الله أعلم)
بس أنا مش بحرق علي الغيار يعني كبيري بغير 2.5 إلي 3 ويوم ما بشد بغير علي 4 (rbm) .
إحترامات
تم هذا بالفعل من قبل وبالتالى حرام رمى الزيت الحالىاقتباس:
المشاركة الأصلية كتبت بواسطة mahmoudysf
اقتباس:
ملحوظة : بالنسبة للزيت آخر مرة في صيانة الخمسة ألاف كنت حطيت زيت 10000 موبيل
يعنى شهريا حوالى 1000 كماقتباس:
بس يا سيد سمير هل تنصح بتغيير الزيت للنوع إلي حضرتك ذكرته
(إنا إستعمالي تقريباًَ 200 كلم إسبوعياً فبأي نوع تنصح ؟ )
وسنويا 12 ألف
يبقى خليك على موبيل 1
ده أفضل ليك من كل الأتجاهات
الأطمئنان على كل مكونات المكنه مش حيضراقتباس:
بمناسبة منسوب الزيت إلي بيقل ده هو أقل من الماكس بشوية بعد التغيير ودلوقتي هو بعد المنتصف بشوية بس هو كده بقاله ييجي 5500 كلم . ده ممكن يؤدي إلي هذا النقص ولا في تسرب (الله أعلم)
فخليهم يكشفوا على أى مصدر تسريب
السادة الأفاضل بعد السلام عليكم ورحمة الله وبركاته
أعتذر عن عدم إغلاق الموضوع بالخبر اليقين يوم السبت عندما قمت بالصيانة بسبب قوانين العمل التي حجبت المنتدي علي أساس إنه من المواقع المحظورة :)
الخلاصة : تكلفة الصيانه 77 جنيه + 10 بقشيش غسيل
وتم الآتي
1- مثلما قال السيد سمير تنظيف البوابة والفلاتر
2- تربيط عفشه (والموضوع ده أنا لمسته في السواقه)
3- ضبط الموتور (علشان كنت بلاقي رجه بسيطة بعد التدوير أثناء الوقوف علي السلانسيه)
4- إزاله وجود قطعة بلاستيكية باقية من كيس في بطن العربية ما تشفتش إلا لما واحد من الفنيين وقف تحتها .
5- أبلغت عن الفرامل (اليد والدواسة ) وتمت رجلشه فرامل اليد أما بالنسبة للفرامل الآخري (ما عملوش فيها حاجه).
6- وجود تكه خفيفة في الدركسيون أثناء وقوف السيارة علي أرض ناعمة وتم معالجتها ولكني لازلت ألاحظها بالكاد لذا طلبت منهم إعادة النظر فقالوا إنهم سيبحثوا مع منصور تغيير العلبة بالكامل علي أساس أنها لازالت في الضمان
* قام الكول سنتر بتاعهم بالإتصال بي اليوم فأكدت علي إستمرارية وجود رائحة الشياط بشكل أخف من الأول وكذلك موضوع علبه الدركسيون
تحياتي وإحتراماتي وأسف أطلت عليكم بس كلامي ده لحديثي العهد بالتوكيل علشان ما حدش (يستقفانا) مع الأسف علي التعبير بس ما لهوش غير كده :)